Последен гледан филм со кратка рецензија

[џимеј]

District 9 (2009)

Долго очекуваниот и многу фалениот филм Дистрикт 9. Го гледав сабајлево со еден другар, тоа не е битно во рецензијава.
Битното е што мене филмов не ми се допадна. Си има свој моменти, ама не доволни за да му дадам некоја висока оцена, како што гледам на имдб е моментално 65# од 250. Страшно. Најпреценетиот филм за годинава го прогласувам. Можеби за многумина е оригинален, да и за мене на почетокот беше нешто што мислев дека ќе развие понатака добра приказна.

Всушност целиот филм нема ни еден цврст карактер. Не сум видел ни едно човечко суштество во филмов. Главниот лик нема ни како да го засакаш. Нема ни еден цврст дијалог во филмов, нема ни цврстина во главниот лик, само едно-две лигавења и толку.
Тие вонземјаните се направени поглупави дури и од магариња, а во позадина ги гледаш изградиле толкав брод (види и постер), значи стварно неверојатно. После, тој бродот толку личи на оној од Independence day, само малу замаглен.

Прво имаме документарец... па после, значи страшно. Ми се чинеше дека гледам некоја видео игра, или гледам уште полошо - Дум. Филмов нема ни некоја поента, значи да не пишам спојлери, ама поентата поради која се вонземјаните дојдени овде е страшна, па и за луѓето кои ги надгледуваат што им е поентата цели 20 години, просто да мислиш дека сценариово го напишало 10 годишно дете.

Плус, целиов филм е расистички, а и мислам дека филмов има многу поголем потенцијал отколку ова. Јас би го гледал пак филмов, ама... не во блиска иднина, не ми се допадна и покрај целата прашина која се крена за филмов.
Не видов некој да се слага со мене од досега шо праев муабет со неколку другари за филмов, ама едноставно го пронаоѓам овај како најпреценет филм за годинава и воопшто еден од најпрецените.
4.5/10

 

[burn84]

Од овие 4 филма денеска, ова е дефинитвно најдобрата ствар за сега...се работи за староец што сака да боде готвач.
Супер приказна, се е супер...го препорачувам за сите...веднаш.

 

[Helo]

Masterpiece! Режиран од J.J. Abrams, со извонредни актери.

Секој фан на Стар Трек знае дека се зборува за бродот Ентерпрајз и екипажот на мисија во вселената.

10/10

 

[Io Sono Interista]

Последните два поста ќе ги оставам, ама тоа да знаете не е рецензија, за која безброј пати сме кажале дека е задолжителна. Потрудете се да напишете 3-4 реченици зошто ќе ви бидат избришани постовите. Сликата не е задолжителна.

 

[Io Sono Interista]

Последните два поста ќе ги оставам, ама тоа да знаете не е рецензија, за која безброј пати сме кажале дека е задолжителна. Потрудете се да напишете 3-4 реченици зошто ќе ви бидат избришани постовите. Сликата не е задолжителна.

 

[Setsuko]

Sex Drive

Филмов е нешто ко тинејџерска комедија, голотии и воглавно глупости. Од оној тип филмови каде смотанковците излегуваат херои, им се случуваат најразлични „авантури“, а оние што биле јунаци на крајот пропаѓаат или си го покажуваат вистинското лице.
Ништо посебно, уште еден глупав тинејџерски филм. Оценка 3/10. И тројка е многу, ама ај за некои сцени што барем малку ќе те натераат да се насмееш.

 

[Apokalipto]

Masterpiece! Режиран од J.J. Abrams, со извонредни актери.

Секој фан на Стар Трек знае дека се зборува за бродот Ентерпрајз и екипажот на мисија во вселената.

10/10

Jас ќе се обидам со рецензија...

Неверојатно добро скроена приказна, прекрасен прекуел и навистина добро сработено, уште сум под импресии од филмов. Посакувам да видам уште еден дел со оваа актерска екипа во ваков состав иако би било малку глупо да се направи повторен прекуел, ни останува да сочекаме на ново продолжение од Стар Трек, препорака за сите љубители на фантастиката и Стар Трек брендот... филмов ја заслужува оценката која кикисупермен ја пиша погоре но од мене сепак ќе добие 9ка што е и тоа како солидно со оглед дека нијанси им фалеа во приказната да направат мастерпис, онака уште малку да не доближат до главните протагонисти.

 

[wot]

Дефинитивно по гледањето на овој филм, сфаќам дека ова според засега изгледаните (Мртвата невеста, Заспаната долина, Марс Напаѓа) ова ми е најдобриот филм од Тим Бартон. Џони Деп во маестралнага улога на Едвард, човекот кој наместо раце има ножици. Возбудлива приказна, сјајно сценарио, дијалози, ликовите се направени топ како за тоа време, ма се‘ плени од убавина и морбидност на моменти. На крајот филмот преубаво завршува, еден огромен ПРЕДЛОГ за сите вас и сите обожаватели на имагинацијата на Тим Бартон.

Преубаво... 9/10

Да се надоврзам. Штотуку завршив со филмот.
И, според Sweeney Todd, Johnny Depp и остри предмети очекував премногу.
Филмов не е дури во ист контекст. Како и да е, Франкештајн стил, inventor прави човек али место раце му става ножици. Али стар, умира и не успева да му ги замени со раце. Како и да е, некако чудово се најде во градот, во една фамилија и све завршува со факин хепиенд. Лажам. Се гледат краен пат со цурата една полна со инциденти вечер и така таа остарува а тој уште живее во замокот каде почнал. Како и да е, преобразбата во некаква своевидна романса ме разочара. Очекував морбидност. Sweeny Todd rulz. А филмот, 4.. 5 максимум.

Meѓу Сопранови одделив време за:

Филмот толку ме изненади иако мислев сум го пробил во првите 15 минути.
Син кој е тотален идиот и енормно первезен.. Таткото wannabe писател.

Спојлер

Детево умира во несреќен случај мастурбирајќи (имаше чуден фетиш) а таткому мести дека е самоубиство и пишува проштално писмо од негово име. Писмото стига и до школото во кое учеше па од тотален идиот кои сите го мразеа стана познат. (нели допрел до сите)..

погледнете, да не откривам цел филм. 8/10.

Интересно филмче, секоја реченица би требало да е спојлерирана.. :nesum:

Мањебитно, вреди да се погледне. Обожавам краеви од таков тип. 7/10.

 

[Apokalipto]

Да погодам... недостигав на темава не е дека не гледав филмови... мака ми беше да пишувам (еден по еден ) вака на куп ми се поинтересни... ај да си почнам (да видиме што вика листава)

Hot Fuzz

Главниот актер во филмов - полициски инспектор во Лондон инаку најдобар во својата класа, едноставно совршено здраво и исто толку спремно физички човечко суштество, е префрлен (од непознати причини) во гратче (буквално упи*ку матер и тро лево) со стапка на криминал од беден 1 (нецел) процент - цајканите буквално дремат онака без работа... комични ситуации, црн хумор и препорака за сите љубители на црниот хумор и непредвидливи текови на филмот. Оценка 7,5/10

The Pink Panther 2

Е овој од што е толку аматерски, ни слика не заслужува... веројатно најбедното филмско издание на Стив Мартин и Жан Рено, оценка 3/10 и препорака за сите кои успеваат да се цепат од смеа на Чарли Чаплин.

The Hangover

Хмм, веројатно на почеток обид за да направат нешто како Ергенска забаваили само јас имав грешен впечаток на почетокот :raz: енивеј троцја другари пред свадбата на едниот од нив одат за Лас Вегас и филмот дотука е многу здрвен за да мрдне утрото од кога сите полека се освестуваат од првата преспиена ноќ таму... оценка 7/10 (незнам кој му ставил 8ка на имдб)

Carlito's Way

Епа ни тука не ставам слика иако оценката не му е мала, ама па може оценката а и Ал Пачино во главната улога ме натераа да почнам да го гледам филмов... можеби на некого на кого му се дига на мафијата и на мафијашки работи филмов ќе му биде откровение, но за мене куп досадни дијалози за животот на Карлито Бриганте т.е период од неговиот живот после излегувањето од jail ...не колеџот оцен4е: 7/10 (и тоа поради Ал Пачино и некои интересни моменти)

Braveheart

​

Рецензија... па има прсти да ме заболат ако почнам за овој филм, си го гледав онака да се потсетам на маестралната изведба на Мел Гибсон во улогата на Вилијам Валас... первезии оценка 9/10

Rescue Dawn

Кристијан Бејл во улога на германско американски... т.е натурализиран американец пилот кој е соборен на мисија во виетнам и приказ на страданиата негови и патот до слободата... бла бла прикаска без жар онака празно млатење слама... оценка: 5/10

Lord of War

​

Николас Кејџ во приказна типична америчка т.е да... приказ на американската реалност за продажба на купишта оружја и печалба од истото приказ на светот во промени (падот на СССР) и така натака... приказна без... шознам и фали многу дури и премногу како документарец е вака... оценка: 6,9/10

Banlieue 13 - Ultimatum

Париз... иднина, блиска иднина... париз поделен на кварт на ајдуци и кварт на нормални... ајдуциве забегуваат, џандариве сакаат да ги решат инаку џандарите се корумпирани и тоа многу и сакаат да се решат со битангиве... паркур до бесвест и остала бесна гимнастика 8/10

Enemy at the Gates

Втора светска војна... руски фронт, приказ на русите пред да се свестат што прават и приказ на моментот кога се освестуваат и ќе почнат да ги шибаат дотогаш несопирливите германци, прикажано низ биографијата на најдокажаниот руски снајперист Василиј Зајцев (Џад Лоу), херој каков што дотогаш немале во своите редови, синоним за храброст со кој прават цела реформа... љубовна приказна, прекрасни кадри фатени низ снајперските нишани и убава приказна оценка: 9/10 (сакам филмови од 2св)

Saints and Soldiers

​

Филм кој ме остави без зборови, приказ на масакр на американска воена единица од страна на германците во Франција... филм снимен со мнооогу мал буџет (не ми текнува колку беше ) доста реална приказна на трауматизирани преживеани од масакрот и обидот да се спојат со нивните... кои се на само една германска армија пред нив. Оценка: 8,5/10

​

 

[Zona Pelucida]

Викенд на мртовци
Македонски филм
Имам само да кажам :pos2::pos2::pos2::pos2::pos2::pos2:
Солзи ми течеа од смеење,мислам дека сите го имате гледано,вреди повторно да се погледне.Нема да окртивам детали за оние кои го немаат гледано,само да кажам дека нема да се каете,овие македонциве се одлепени скроз на скроз.

 

[Apokalipto]

Фтор дел:

Jarhead

Маринци... обука, Ирак - Пустинска Бура, филм за американските маринци - scout снајпер дивизија и животот во перидот на трањето на операцијата Пустинска бура... биографија за животот на еден и на сите. Оценка 7/10

Beowulf

Некоја си скандинавска бајка за чудовиште кое прогонува едно кралство, и кралот бара некој кој ќе го убие, херој над хероите за награда ја добива кралицата која е значително помлада од кралот... но не е се така лесно... доста поучна приказна и прекрасна анимација/синхронизација оценка 9/10

The Guardian

Ештон Кечер и Кевин Костнер, вториов т.е првиов иако втор е спасувач во крајбрежната стража и е веќе во поодминати години, зафатен од забот на времето шо би стресиле поетиве му се случува несреќа со неговата екипа и е префрлен во тренинг центарот каде што регрутираат нови кандидати за спасувачи, дотогашен апсолутен рекордер во сите категории во кои се оценуваат новите кандидати но тука е предизвикот кој го носи еден впечатлив млад лик (Ештон Кечер) следува борба за престиж.... Оценка: 8/10

Predator (1987)

Го изгледав од чиста досада... верувам познат на повеќето Шварци е главна улога кој со тимот на платеници (воени) одат во некои прашуми во Јужна Америка да спасат некои нивни војници... но нешто навистина не е во ред со непријателот... Оценка: некој друг пат.

Natural Born Killers & Death Proof & Jackie Brown

Тарантино кој го сфати... негово си е, инаку кратка содржина за сите три... ок за првите два, крв... психоделични сцени... крв... психоделични сцени... крв и така натака... третиот едноставно незнам на што бил Тарантино додека го работел, некако му фали крв и забеганост, групна оценка 7/10

Terminator Salvation

Најновиот дел од Терминатор... го нема шварци ама конечно не носат во иднината да ја видиме борбата во уништениот свет, она кое останало од него... добра приказна и убави ефекти мене искрено ми се допадна и ќе му дадам 8/10 иако Шварци како заштитен бренд на филмов го немаше (барем се до крајот).

Ќе пишев за Дистрикт 9 ама Џимеј убаво рецензирал иако не се согласувам целосно со него оценката од мене е 7/10.
​

​

 

[Io Sono Interista]

Star Trek (2009)

Дакле:

Кирк и компанија во 1966:

​

Кирк и компанија во 2009

​

Како фан на Стар Трек успеав да издржам цели 4 месеци и нешто додека филмов конечно излезе на ДВД - Рип и со тоа малку ќе можам да ја надоместам загубата што не можам да го гледам во кино.

Да не должам многу: I Like It!

Филмот е (барем така беше најавен) "prequel". Кој ги гледал оригиналните Стар Трек знае за легендарната посада на легендарниот Џејмс Т. Кирк на бродот Enterprise. Ова е (беше најавено како) приказна за нивните први чекори на Enterprise. Исто така, добрите чичковци од преку океанот кои навреме си го гледаа филмот во кино тврдат дека ова е најдобриот "prequal" (филм предходник) на сите времиња. Јас се согласувам, ако е "prequal". Филмот зборува за младите Кирк, Спок, Ухора, Чехов, Сулу и останатите, па од таа гледна точка филмот е "prequal". Но филмот исто така се случува во изменета (алтернативна) реалност, со што животите на овие млади луѓе се малку изменете, но како и да е...

Јас одамна чекав на Стар Трек со специјални ефекти какви што филмот заслужува. До сега, Enterprise ќе го погодеа со неколку ласери, ќе се занишаше, ќе пукнеше некоја цевка, некого ќе го стресеше струја и уште малку ќе се гаѓаа со ласери... тоа беа одприлика ефектите. Новиот Стар трек има фантастични ефекти, посебно ова се однесува на делот кога се случува борба. Исто така, вонземјаните изгледаат подобро и поуверливо. За разлика од новите Star Wars, во кои малку претераа со ефектите па на моменти не знаев кој пие а кој плаќа, овде се е како што треба. Ефектите буквално го воскреснуваат Enterprise и ја прават неговата појава фантастична.

Покрај тоа, актерите се одлични, комплетно ги отсликуваат старите актери, си ја завршија работата на најдобар можен начин. Прв пат го видов и Ерик Бана во улога на негативец и тоа одлично го сработи, а во филмот се појавува и стариот (оригиналниот) Спок.

Самиот филм зборува за храброста на една млада посада која тргнува во истражувачка мисија а завршува на бојно поле против гигантски и надмоќен противник. Мисија која полека - полека ќе оформи една група на млади луѓе кои не се познаваат во легендарна посада на бродот.

Самата содржина не е којзнае што, се се случува прилично брзо, како што е и во старите Трек филмови. Разликата е што овој нов Стар Трек е многу подинамичен, се чувствува тензија на бродот, постојано нешто се случува, има многу повеќе акција. Уште една добра работа е што нема многу реченици од типот: „ако го исклучам менорфизаторот можеби ќе постигнам секундарна триангулација и ќе ги вратам фрозоните во хезотична состојба...“ Не, во овој Стар Трек се зборува на лесен англиски јазик

Е сега, филмот има 8.3 на IMDB но и многу единици и десетки кај фановите на Стар Трек кои се или воодушевени или смртно разочарани. Јас сум од првите и мислам дека народски речено вторите го тупат многу. Де содржината не била којзнае што (а што очекувавте?), де немало научно-истражувачка компонента (ако имаше ќе кажеа филмот дека бил досаден), и секогаш актуелниот проблем: Time travel ефектот и последиците (зошто сега ова, зошто не она).

Едноставно, многу си го замараат мозокот а ова не е (и Стар Трек никогаш не бил) за замарање мозок. Некои критики читав дека ова бил полош филм од старите Трек филмови. И јас сум фан, ама дајте искрено: сериите се ОК, филмовите се досадни. Старите Трек филмови се како една дупла епизода од сериите, непотребно продолжена.

Значи, не сакам со рецензијава да ви ги подигнам до максимум очекувањата и да се разочарате. Мене лично ми се допадна многу. Добив се што очекував: ефекти, глума, акција... и што е најважно, Стар Трек се враќа на голема врата. Кој очекува нешто друго, може и да не му се допадне.

Од мене, 9/10 и препорака за гледање.



LIVE LONG AND PROSPER!

 

[Marionka_z]

MAN ON FIRE

Филм на Тони Скот, со Дензел Вашингтон и Дакота Фенинг. Преубава содржина, ме остави без зборови и кога прв пат го гледав, а и сега.
Филм за љубовта пред се и над се, за човечноста, за алчноста што ја предизвикуваат парите и моќта и за тоа колку се губиме во тој вртлог, така што сме во состојба да ги жртвуваме и најблиските.
Филм за корумпираноста на институциите на системот, за немоќта да се справиш со сето тоа и за моќта на локалната мафија која владее со секој сегмент од општеството.
Филм за безусловната љубов- детска, мајчинска, човечка...
Филм на кој плачам како мало дете...не знам зошто...ама не можам да се воздржам.
Најдете време и нека го погледне секој што не го гледал.

 

[paraglajder]

MAN ON FIRE

Филм на Тони Скот, со Дензел Вашингтон и Дакота Фенинг. Преубава содржина, ме остави без зборови и кога прв пат го гледав, а и сега.
Филм за љубовта пред се и над се, за човечноста, за алчноста што ја предизвикуваат парите и моќта и за тоа колку се губиме во тој вртлог, така што сме во состојба да ги жртвуваме и најблиските.
Филм за корумпираноста на институциите на системот, за немоќта да се справиш со сето тоа и за моќта на локалната мафија која владее со секој сегмент од општеството.
Филм за безусловната љубов- детска, мајчинска, човечка...
Филм на кој плачам како мало дете...не знам зошто...ама не можам да се воздржам.
Најдете време и нека го погледне секој што не го гледал.

A како се вика филмот?

 

[SV-Strange]

The Final Destination (2009)

Немојте случајно да го гледате, еден од најлошите филмови некогаш направени како продужетоци, и бадијала потрошени 1:15мин.