... објасни како се појавиле ѓејој пошто не се вклопуваат некако во еволутивните процеси...
Па нормално дека не се вклопуваат во еволутивните процеси, кога се така создадени од господ
Атеист, не би рекол дека прашањето е хомофобично. Ете прилика да се расчисти и таа дилема: ако не се дел од еволуцијата, тогаш така се создадени од некој. Или крај краева, е само право на избор
Ама секако дека се дел од еволутивниот процес. Многу имам пишувано за ова, ама еве ќе повторам и овде.
Како прво, хомосексуалноста ја има кај скоро сите животински видови, како и кај човекот.
Недоволното количество тестостерон во крвта на мајката во периодот кога фетусот го оформува нервниот систем, доведува до тоа одредени центри од машкиот ХУ мозок да не претрпат потребни измени под негово дејство и да продолжат да функционираат како што се сите нервни системи во почетокот -женски. Од нивото на недостиг на овој хормон, зависи степенот на немаскулинираност (намерно не велам феминизираност) на нервниот систем на новата единка.
Резултатите од многуте истражувања, почнувајќи од Менгеле, па се до врвната невробиологија на 21 век, покажаа дека пресуден за ориентацијата е т.н. центар за спарување/привлекување, кој определува на каква форма на тело, гестикулации, глас... сексуално ќе се возбудува секоја единка. Еден друг центар, за моторика/движење, пак, определува на каков карактеристичен начин ќе се движи и ќе гестикулира единката. Ако тој центар не добил потребно количество хормон, ќе остане да работи како женски. Така всушност и се објаснува појавата на феминизирани стрејтери и маскулинизирани гееви. За секоја функција, во мозокот постои центар, а секој центар не добива исто количество тестостерон. Мало количество од овој хормон го остава центарот за ориентација неразвиен, затоа мнозинството жени сеуште се лоши возачи, и лесно се губат во непознати места. Мажите спротивно, бидејќи самата еволуција барала од нив да умеат да се ориентираат за време на лов и да запамтат како да се вратат кај жените и децата со храна. Жените седеле со децата, па затоа и центрите за говор и читање од лицето подобро се развиле.
Самата еволуција го сторила тоа.
Хомосексуалноста е творевина на еволуцијата од аспект на развој на општеството во постресна средина за живеење, а стресот е најголем непријател на хормоналниот баланс на идните мајки. Во матријархатот мајките не се грижеле од кого е детето, бидејќи целото племе соработувало во барањето храна и одржувањето на групата. Денес идните мајки во состојба на невиден стрес дознаваат дека се бремени, со право, бидејќи некој треба да се грижи за детето, а племето повеќе го нема за да обезбеди храна.
Освен ова, дијабетесот и претходното користење контрацептивни пилули, влијаат (научно докажано) на намалување на нивото на тестостерон во крвта на идната мајка. Значи, не станува збор за класична еволуција, ниту за генетски промени, ниту за хормонално пореметување кај хомосексуалната единка. Условите во кои се развива нервниот систем на фетусот (критичните 6, 7 и 8 недела од зачнувањето) -се пресудни.
Се надевам, ова ќе го сфатите добронамерно.
