Секој се труди на свој начин да искористи максимум што може од времето и од себе. Зборам за луѓе што си го ценат своето време и што не сакаат да губат. Дали тоа ќе биде работа или забава битно некои знаат како да го искористат секој момент, односно да знаат да се радуваат на тоа што го имаат и да се задоволни од себе и од направеното. Ама за жал малку се таквите. Се повеќе слушам жалење, кукање и како би било кога би било. Е баш таквите реченици се стоење у место, не се ни малку искористување на моментот. Сепак неможам да кажам дека се живее за моментот, имаш момент на љубов, момент на успех, момент на среќа и тн. Значи имаш повеќе моменти кои често знаат да ти избегаат. Сепак многу е индивидуална темата. Животот го гушкам со двете раце, не сакам да поминам покрај него туку јас да го живеам како што сакам, зашто самиот живот ти е подарок, а подароците од сакани луѓе се ценат и чуваат. Свесна сум за се она што ми се случува, зашто јас го правам да биде такво. Неможеш во секој момент да уживаш алоо, и да сакаш неможеш. Тоа е факт, реалност која не зависи од тебе туку од околината и околностите. Се трудам да живеам како што јас сакам, сега за сега ми успева, поразите ми се више нормална работа во која не уживам, ама се трудам да го искористам моментот да научам.
