Во кој правец се движи Македонија ?

[realen_07]

Освен политичките, еве и еден од економските показатели за тоа во кој правец се движи Македонија:

Граѓаните во чудо како да се преживее

Месечните издатоци за основните десет производи од прехранбената кошница во јуни годинава, во однос на јуни минатата година, се зголемени во просек за 500 денари, пресметано за килограм од тие производи. Реалната слика за процентот на поскапување на храната и на пијалаците кои месечно ги троши едно четиричлено семејство покажува дека месечно се трошат по неколку килограми од овие десет производи, што значи екстра-трошоците за храна годинава се многу поголеми од минатата година.

На тоа треба да се додаде фактот дека потрошувачката кошница не се состои само до десет производи, туку многу повеќе, статистиката брои 63, кои на крајот ја даваат горе-долу вистинската математика за потребите на едно семејство која, пак, излегува од рамките на статистичките пресметки на трошоците.

Заводот за статистика ја составува месечната кошница врз основа на просечните потреби на населението, кои често се многу помали од реалните.

Така, според статистичарите, едно семејство месечно троши по 26 килограми леб, 13 килограми млеко, 1,6 килограми месо, 2,3 килограми сирење, 700 грама кашкавал, 6 литри зејтин, а секојдневното живеење покажува дека тие количини се поголеми.

„Потрошувачката кошница се составува врз основа на просекот на потрошувачката на количествата на производите. Тоа значи дека со методологијата на испитување сме пресметале дека толку може да си дозволат граѓаните, што не значи дека тоа е доволно за живеење“, велат во Заводот за статистика.

Ова на некој начин го поништува податокот дека со издвојување средства за просечната потрошувачка кошница од една просечна плата на семејството му остануваат вишок средства во висина од 3.395 денари овој јуни или 3.837 денари минатиот јуни. Овој вишок практично е стопен од честите поскапувања на храната и екстра-трошоците што треба да се издвојуваат за парно, струја и за други комуналии, па на крај излегува дека просечната плата е премала за се' друго, освен за неопходната храна.

Поскапувањата на храната различно се одразуваат врз различна категорија граѓани. Не е исто зголемувањето на цените на храната за оние што земаат, на пример, 20.000 денари плата и за оние што земаат 8.000 денари плата, кои се наоѓаат на егзистенцијален раб, велат социолозите.

Со ваквите движења на примањата и издатоците за храна, Македонија спаѓа во редот на земји каде што сиромаштијата зема замав, со оглед на тоа дека трошоците за храна се индикатор за мерење на оваа појава. Растечките цени на храната се закануваат уште повеќе да го оптоварат семејниот буџет на граѓаните.

Рекордно зголемување на цената на храната во последните десет години е забележано и во Европа. Според Европската агенција за статистика „Еуростат“, тешката финансиска криза на светскиот пазар и високите цени на нафтата се причина за „неподнослива инфлација“ во некои земји од Источна Европа, каде што одделни продукти поскапеле и за 86 проценти.

Она што е страшно е тоа што меѓу поскапите производи се и оние најнеопходните, леб, млеко, сирење, јајца, овошје и зеленчук. За помалку од една година цената на храната во Бугарија е зголемена за повеќе од 25 отсто, во Литванија за 22 процента, во Унгарија 14, во Романија и во Словенија 12 отсто и 10 проценти во Чешка.

Излез од ваквата ситуација, според домашните експерти, е зголемување на производството на храна, со цел да се амортизира ударот врз потрошувачите. Проблемот со недостиг од храна е од светски размери, кој уште посилно се рефлектира врз Македонија, каде што за купување храна и пијалаци едно македонско семејство издвојува околу 80 отсто од просечната плата. Тоа е далеку над просекот во ЕУ, каде што средствата што се даваат за храна се движат во рамките од 10 до 20 отсто од просекот на примањата.

Анализата на европските истражувања покажува дека Македонците плаќаат поскапи производи отколку жители на земји-членки на ЕУ. Германците, на пример, ја полнат месечната потрошувачка кошничка за 160 евра, а граѓаните во земјава за основните продукти за живот треба да платат 200 евра. Грчкиот весник „Та неа“ неодамна објави дека потрошувачката кошница со 86 производи ги чини Грците 215,7 евра и потенцираше дека жителите на Грција купуваат за 168 отсто поскапи производи во споредба со Германците или со Холанѓаните, што земјата ја прави европски лидер според скапотијата. Според грчко истражување, килограм кисело млеко во Берлин чини 0,93 евра, во Атина 2,49 евра, а кај нас од 0,5 до две евра. Шише газиран пијалак Грците ги чини 0,74 евра, Германците 0,39 евра, а Македонците 0,73 евра. Европските аналитичари сметаат дека во последните две години најмногу поскапеле прехранбените и млечните производи, маслото и нафтата, што важи и за нашата земја.

Извор
​

 

[cuski]

1.5 кг месо и 13 литри млеко :pos2: сега ке има реклами и спотови да бидеме на диета не за друго туку за наше здравје па поделете ги 1,5 месо и 13 литри на 30 дена се гледа по владата когадојдоа на власт беа како манекенки слаби и анорексични ,сега слобоно можат да боксуваат во супер тешка

 

[n/a]

Ова што се случува во Македонија последниве години...
кога ќе запалам цигара и ќе размислам непристрасно...
ми изгледа скоро идентично на ситуацијата во Аргентина пред десетина години.
Разврската...
уште таа не ми е јасна.
(кога ќе се случи).

 

[cuski]

ПА ВО АРГЕНТИНА имаше воена хунта ,разврска кога народот ке крене глас и ке им каже ама на сите партии по ред дека веке нема заебанција ,до тогаш ке молчи и трпи и ке мизерува.нека му е кога дозволува да го дупат во мозок(тоа важи за сите партии) вез исклучок,

 

[realen_07]

Тоа е истата парламентарна демократија, онаква каква што ја има воведено, усовршувано и применувано, сегашната опозицаија, поранешна власт. ДПМНЕ нема друг пример од кој да учи како треба.

На место ти е забелешката дека и со оваа влада продолжува да се негува традицијата на претходните - народните избраници да бидат само обични бројки кои седат во клупи за да држат кворум, и ништо повеќе од тоа.


Грешка. Тоа не и штети на државата, туку напротив и користи. Колку повеќе оваа опозиција е дезориентирана, обезглавена и онеспособена, толку помалку опасност и штета ќе има за државата.

Ова е исто така продолжение на педантно негуваната традиција од претходните влади. Разликата е само во етикетите. Порано беа изолационист, популист, антиевропеец. антинатовец.

ЕУ е за нас неприроден сојуз.

Повторно ја критикуваш традицијата воспоставена од претходната власт, сегашна опозиција. Моја препорака ти е, од здравствени причини, да не се занимаваш со нивните блуеници. Читај белетристика место Утрински, Дневник, Шпиц, Вечер итн. Ќе се чувствуваш многу поубаво.

Значи накратко сакаш да кажеш дека ова влада е поуспешна, само во лошите работи кои ги правеше СДСМ додека беше на власт. Јас така те разбрав.

 

[Winston]

Ова што се случува во Македонија последниве години...
кога ќе запалам цигара и ќе размислам непристрасно...
ми изгледа скоро идентично на ситуацијата во Аргентина пред десетина години.
Разврската...
уште таа не ми е јасна.
(кога ќе се случи).

Aj te boli kur moze ke iskoci nekoj nov MAradona od tuka ...bar ke navijame

 

[_The Great_]

НИКАДЕ.Сеуште си стоиме надвор од ЕУ и НАТО, неверојатна двоцифрена инфлација, сиромаштија, невработеност итн итн

 

[realen_07]

Еве како гледа Марија Митевска од Скопје на состојбите во државава преку писмо објавено во "Утрински".

Груевски не доби мандат да пишува писма

Премиерот доби поддршка од 400.000 гласачи затоа што вети подобра економија, борба со корупцијата и заложба за евроинтегративните процеси, неменување на името без да реши народот на референдум. Но, тој не доби мандат да пишува писма и на тој начин да ја става Македонија во изолација. Ако на дел од населението тоа им се чини како исправна политика, се прашувам зошто не добиваме одговори од странските држави како што ни одговара. Баросо му пиша дека Европскиот парламент не е надлежен за малцинствата, но, од друга страна, не' условува со договор за името за што се прогласува за надлежен.

Западот јасно ни кажува дека водиме погрешна политика која нема да не' одведе никаде. Остануваме како имот кој на крај ќе го раскрчмат соседите. Не знам на кого му оди во прилог народот да го задојува со национализам, а, од друга страна, бугарските пасоши да бидат ветената карта за Европа. Ги прашувам најгоропадните националисти дали ние како држава од 2.000.000 жители имаме економска, воена и дипломатска сила да се избориме за она за што се изборија Косовците. Какви контрааргументи нудиме за сите прашања што ги отвораме, а за кои гледаме дека никој не не' есапи.

Во ред е од националистички побуди да кажеме "да", добро е што тоа прашање го отвораме, но, од друга страна, прагматично треба да дадеме и одговор на кого со тоа му штетиме, на Грција или на самите себеси. Русија соодветно одговори на Грузија и сите со по некоја изјава дадоа коментар. Но, војната престана кога Русија ја запре. Дали ние имаме таква моќ, на таков начин да ги решиме прашањата со Грција, па се расфрламе со писма. Нашиот народ треба да сфати дека оддалечувајќи се од интегративните процеси, ние стануваме лесен плен за нашите соседи. Како ќе реагираат ЕУ и САД ако, не дај боже, бугарската армија навлезе во Македонија со цел да го заштити своето малцинство кое, според бројот на пасошите, не е мало, а на сето тоа соодветно одговори и Албанија како членка на НАТО, која исто така има малцинство во Македонија кое и со Устав е опфатено благодарение на воениот конфликт од 2001.

Лесно е да се прави политизација на сите прашања, лесно е на сиромашен и неук народ да му ги воскреснеш националните чувства и со популизам да му ги потхрануваш. Тешко е со мудра политика да го изведеш на прав пат, а имавме прилика со стекнување на кандидатскиот статус. Но, има големо "но". Некој не сака Македонија да биде во НАТО и ЕУ. Се' што беше можно да се направи на тој пат, погрешно се направи. Кога ќе почне да се препрочитува историјата, јасно се гледа дека Третиот рајх ја искористи пропагандната машинерија да дојде до својата цел, а тоа е задоволување на болниот ум на еден човек - да биде голем иако беше мал.

Свесно се движиме кон сопствената пропаст, не размислувајќи рационално и прагматично, туку националистички и популистички, кое на долг рок покажало катастрофални резултати. Македонија е мала држава со мирен народ и само со мудра политика може да дојде до својата цел. Само нека ги погледне Хрватите на кој начин ги решаваат тие прашања со Словенија. Ние не сме воена и економска сила која може да се избори за своето прашање на тој начин. Пример ни беше воениот конфликт во 2001 кога 500 Косовци не' надитрија и успеаја од терористи да станат борци за права на албанското малцинство. И згора на тоа, ни ги сменија Уставот и законите. Истото ќе ни се случи и сега ако продолжиме на ваков начин.

Сакале или не сакале, ние ќе мора да живееме во оваа држава. Немаме друга, а сведоци сме дека оној што ја продуцираше војната во 2001 си зеде бугарски пасош и си замина. А ни ветуваше сечење на орловски канџи, гасни комори за Албанците, не' заслепи со национализам, па многу наши деца загинаа за тие идеали, а тој се одмора на Црно Море.

Не смееме да дозволиме уште еднаш национализмот да не' заведе и да го изгубиме ова парче земја што ни остана.

Утрински Весник
​

 

[Павел Липранди]

Еве како гледа Марија Митевска од Скопје на состојбите во државава преку писмо објавено во "Утрински".

Реален, веќе ти реков дека е штетно за здравјето да читаш Утрински. Или ајде читај, но под никаков услов не си дозволувај да им веруваш. Ќе та фатат за нос.

Премиерот доби поддршка од 400.000 гласачи затоа што вети подобра економија, борба со корупцијата и заложба за евроинтегративните процеси, неменување на името без да реши народот на референдум. Но, тој не доби мандат да пишува писма и на тој начин да ја става Македонија во изолација.

Откаде со писма “се става Македонија во изолација“? Каква логика има да се рече вакво нешто?

Западот јасно ни кажува дека водиме погрешна политика која нема да не' одведе никаде.

Западот ни го негира правото да се викаме Македонија. Дали таа политика им е исправна или не, нивни проблем. Но тоа што “Утрински“ се нарекува македонски весник, а ни ги продава истите муда место бубрези, е наш проблем.

Ги прашувам најгоропадните националисти дали ние како држава од 2.000.000 жители имаме економска, воена и дипломатска сила да се избориме за она за што се изборија Косовците.

Дали авторот се прави на будала, или ги прави читателите будали? Косовците не се изборија за ништо. Западот е тој којшто се избори за “Независна Држава Косово“.

Русија соодветно одговори на Грузија и сите со по некоја изјава дадоа коментар. Но, војната престана кога Русија ја запре. Дали ние имаме таква моќ, на таков начин да ги решиме прашањата со Грција, па се расфрламе со писма.

Стандарден слоган на субверзивната пропаганда однатре: “ние сме мали и немоќни“

Нашиот народ треба да сфати дека оддалечувајќи се од интегративните процеси, ние стануваме лесен плен за нашите соседи.

Порано беше “без Југославија, стануваме лесен плен итн“. Истата пропаганда со која се промовира слугински менталитет и зависност.

Како ќе реагираат ЕУ и САД ако, не дај боже, бугарската армија навлезе во Македонија со цел да го заштити своето малцинство кое, според бројот на пасошите, не е мало, а на сето тоа соодветно одговори и Албанија како членка на НАТО, која исто така има малцинство во Македонија кое и со Устав е опфатено благодарение на воениот конфликт од 2001.

Како ќе рагираат на што? На војната замислена во главите на пропагандистите од “Утрински“? Војна која може само НАТО да ја отпочне и од која само НАТО може да не одбрани? Колку помалку логика и здрав разум има во кажаното, толку поинтензивно се напаѓа потсвеста на читателот. Внимавај добро кога читаш “Утрински“!

Кога ќе почне да се препрочитува историјата, јасно се гледа дека Третиот рајх ја искористи пропагандната машинерија да дојде до својата цел, а тоа е задоволување на болниот ум на еден човек - да биде голем иако беше мал.

Повторно, стндарден пропаганден зафат. Проекција. Сопствените намери му се припишуваат ан оној кој сакаш да го оцрниш.

Свесно се движиме кон сопствената пропаст, не размислувајќи рационално и прагматично, туку националистички и популистички, кое на долг рок покажало катастрофални резултати. Македонија е мала држава со мирен народ и само со мудра политика (на Глигоров, разбира се) може да дојде до својата цел.

Повторно, субверзивно риење по претпоставениот комплекс на инфериорност кај таргетираната група.

Само нека ги погледне Хрватите на кој начин ги решаваат тие прашања со Словенија. Ние не сме воена и економска сила која може да се избори за своето прашање на тој начин.

ibid.

Пример ни беше воениот конфликт во 2001 кога 500 Косовци не' надитрија и успеаја од терористи да станат борци за права на албанското малцинство. И згора на тоа, ни ги сменија Уставот и законите. Истото ќе ни се случи и сега ако продолжиме на ваков начин.

ibid.

Не смееме да дозволиме уште еднаш национализмот да не' заведе и да го изгубиме ова парче земја што ни остана.

Стандардна, но разорно деструктивна конструкција која е во оптек непрекинато од 1945. Иако претходно националистите од УЧК ги воздигнува во итреци, силни и херои, повторно недостатокот на логика и одењето против здравиот разум се убиствено оружје кое напаѓа директно на потсвеста кај примателот на пораката.

http://www.utrinski.com.mk/?ItemID=CF3367CB226D4D45A0E677EA8C8D1F71​

Заклучок: Ниту мене не ми се допаѓаат писмата на Груевски и мислам дека во многу нешто греши. Но тоа никако не смее да биде изговор како противтежа на неговите недозреани потези, да се лажеме дека лек ќе ни биде цијанкалиумот подготвен во штабот на СДСМ.

 

[vancevtodor]

Реален, веќе ти реков дека е штетно за здравјето да читаш Утрински. Или ајде читај, но под никаков услов не си дозволувај да им веруваш. Ќе та фатат за нос.

Eve za realen_07 eden interesen i pouchen terkst:

ШТО СТОИ ЗАД КАВГАТА ВО ДРЖАВНИОТ ВРВ
Маскирање на трагите
Ако премиерот и претседателот навистина сакаат борба со криминалот и владеење на правна држава, двете насоки кон кои треба да тргнат се мафијата, олигархијата и сите што ги направија такви.Се друго, вклучувајќи го и Зоран Заев како главна тема во државава, може да се смета како празно зборување и обид да се прикријат трагите

Повеќе недели јавноста очигледно се дефокусира од најактуелните прашања. Кај главните играчи на политичката сцена, формално предводени од премиерот и претседателот, постои очигледна тенденција на бегање од прашања какви што во моментов се, на пример, името и односите со Грција. Отворање на прашањата за Македонците од Беломорска Македонија, за МПЦ и друго, иако имаат полза гледано во историски контекст, во овој момент се наменети само за домашна употреба и за маскирање на одговорот за тоа дали Македонија е подготвена за промена на името или нема да го менуваме по ниту една цена, а преговорите значат само купување време (што не се сомневам дека го прави и другата страна). Ова дефокусирање од таа тема преку аболицијата на Заев, функционирањето на институциите и почитувањето на Уставот, може да значи две работи. Или набрзо се подготвува нешто големо за кое ние не знаеме или и двајцата како претставници на државниот врв се' уште не решиле, а мора да решат брзо, дали им се исплаќа игра со гамбит. Во случајов, брза промена на името со крајна цел забрзано влегување во НАТО и во ЕУ. Како и да е, двајцата, вклучувајќи ги и нивните сателитски партии, коалициски партнери, правни и физички лица, во клучните месеци кога треба да се одговори ова прашање, не' занимаваат со евергрин прашања за институциите на системот, за правната држава и за борба против криминалот... Но еве, да им веруваме дека навистина се загрижени за тоа. Ајде да ја отвориме темата, отворено! Правната држава во Македонија одамна е релативна категорија, затоа што релативна категорија се и институциите што треба да ја спроведуваат. А институциите не се такви поради „тешкотиите на транзицијата“, туку затоа што смислено се дерогирани уште од почетокот на преминот кон „новото“ време во 1990 година. За жал, тоа дерогирање продолжува и денес, како што може многу очигледно да се забележи преку последните активности и трендови во обвинителството, судството, полицијата... Груевски и Црвенковски, во случајов многу добро знаат за што станува збор. За смислено уништување или контролирање на сите витални институции во Македонија во текот на над две и пол децении, а поради неколку ситни, себични цели, кои немаат врска со државата и народот, а кои на крајот се претворија во рак-рани. Првата - безбедно владеење и противправно стекнување со имотна корист на мала олигархија и втората, безбедно остварување на интересите на организираниот криминал, т.е. на класичната мафија.

Кога се тргна во овој процес на почетокот на транзицијата, сите институции, органи и организации беа интересни за нивно контролирање, за моделирање, за управување или за дерогирање. Од првите денови посебно беа интересни институциите со реална моќ - полицијата, обвинителството, судството и институциите со пари - Народна банка, најбогатите министерства и неколку фондови кои безмилосно се цицаа и кои (освен Фондот за здравство) и денес се цицаат. Особено внимание и' беше посветено на една институција, чии остатоци од 2004 се некаде во Министерството за економија и скратено се викаше Агенција за приватизација. Низ оваа институција уште од времето на нејзините први директори беа трансферирани милијарди марки, долари или евра од општествена, т.е. државна сметка, на сметките на одбрани домашни поединци и по некоја странска компанија. Посебни институции што ова „стручно“ го овозможија, беа Економски и Правен факултет од скопскиот универзитет, а „технички“ се изведе преку консултантските куќи кои правеа процени и ревизии и кои беа и се во сопственост на истите тие професори од споменатите факултети, пишувачи на законите и некогашни директори на Агенцијата...

Така се создаде првата рак-рана, она што денес го нарекуваме олигархија, која од избрани и контролирани поединци се претвори во моќно друштво, кое повеќе од една деценија само ги зацврстува своите спреги со политика, ја шири корупцијата и ја запира реформата во клучни области. Крајната цел е да си ги зачува и оплоди своите интереси.Втората рак-рана, мафијата, ни се случи „не сакајќи“. Бидејќи на почетокот државните каси не беа баш полни (оние што спроведуваа државен план, Србите и Словенците на пример, ги испразнија сите државни каси во Македонија со помош на Македонци), па тајната полиција мораше да поработи малку во „трета смена“ на она истото што го работеше и за време на последната деценија од социјализмот - да шверцува цигари, нафта и друга акцизна стока, а понекогаш да „тргува“ и со психотропни супстанции. Се разбира, овој бизнис, како „државен“, а по ембаргото врз Белград и Подгорица од 1992 и како „меѓудржавен“, беше спроведуван од врвовите во полицијата и од „свои луѓе“ во високата политика. Го предводеа Срби, а Македонци, Црногорци и Албанци беа помагачи!Но, ова шурување со вањабокановци, микипешиќи и останата српска новокомпонирна багра која имаше постојани адреси и чираци во Скопје, како што тоа обично се случува, едно време се оттргна од контрола. До таму, што ова матно друштво почна да остварува туѓи геополитички валкани игри, да помага во извршување атентати (1995) и во почнување воени конфликти (2001). Другото е понова историја...Затоа, ако премиерот и претседателот навистина сакаат борба со криминалот и сакаат владеење на правната држава и на институциите, ете ги двете насоки кон кои треба да тргнат - мафијата, олигархијата и сите што ги направија такви. Имињата, деталите, случките ги имаат и тие и други. Се' друго, вклучувајќи го и Зоран Заев како главна тема во државава, може да се смета како празно зборување и обид да се прикријат трагите. Преку прикривање на трагите на мафијата, до прикривање на трагите за причините за најверојатната промена на името.

Теофил Блажевски (Авторот е новинар)

http://www.dnevnik.com.mk/default.asp?ItemID=5C2C337B32358948B1466119BB745F22

 

[ABC]

А ваму се “трештат“ писма на сите страни,Гвујо не можел да втаса,па затоа Трајко “спикерот“ му помага во пишувањето,чунки да сме виделе дека и тој бил писмен.:pos2:

 

[realen_07]

Додека ние се расправаме по форуми, дали треба да ги смениме химната и знамето....додека докажуваме чива е Мара и со кој спиела...
Додека се делиме на патриоти и предавници, србофили и бугарофили..
Комшиите наши, овие "детски сипаници" ги прележаа уште пред неколку години, и полека полека го фаќаат возот кон просперитот.
А каде стои тука Македонија?
На почетокот од осамостојувањето, репер за успешност ни беа словенците.
Словенците си заминаа со брзиот воз....нас не оставија.
На ред дојде споредбата со хрватите.
Хрватите се во НАТО....во скоро време ќе бидат и во ЕУ.
Ние....пак извисивме.
Аха...во поново време се споредувавме со секогаш ривалската Бугарија.
А блгарчето итро копиле, секогаш знае на која страна да застане.
И они не зезнаа.
До пред некоја години, секоја споредба со Србија,Босна и Албанија, беше надвор од здравиот разум.
Денес....дојде времето, кога сме немоќни и со нив да се споредиме.
Комшиите кои служеа за споредба...ни се истрошија.
Среќа што во меѓувреме се формираа уште две нови држави, Црна Гора и Косово....за да може колку толку да се тешиме со некој.
Но бројките велат дека со Монте Негро, и неможеме многу многу да правиме споредба.
И после сето ова...кога човек ќе се сврти, и погледне наназад...му иде да се уплаши.
Нема никој...само косоварите се позади нас.
Но и они ни дишат у врат.

Да видиме што велaт статистиката и бројките.

**************************************************************

Македонија осамена на балканското дно!

Македонците имаат најниска плата од сите свои некогашни сограѓани на поранешна Југославија. Со нето-плата од 255 евра во јуни годинава евидентирана од Државниот завод за статистика, Македонците се далеку од Хрватите со кои рака под рака се кандидираат за влез во Европската унија. Во Хрватска просечната нето-плата за тој месец е 570 евра. Повисока е и платата на вработените во Босна и Херцеговина, каде што нивната Агенција за статистика излезе со податок дека нето-платата е 290 евра. Особено значен пораст доживеа Србија каде просечната нето-плата се зголеми за триесетина проценти во изминатите две години. Според последните податоци на Државниот завод за статистика на Србија, во јуни просечната исплатена плата била 32.648 динари или 425 евра.

Еден од најважните показатели, според економистите, за тоа како се живее во една земја е бруто-општествениот производ (БОП) по жител. Практично, тоа значи колку чини целото производство и сите услуги што се вршеле во текот на годината, без да се оданочат, поделено со бројот на жителите. Според податоците за 2006 година што ги презентираа статистичарите, во Македонија бруто-општествениот производ по жител е 1.987 евра и е понизок дури и од оној на Босна и Херцеговина, иако таму имаше четиригодишна војна. Според првичните процени што ги објави Агенцијата за статистика на Босна за 2007 година, БОП е 2.800 евра по жител. Овие податоци се идентични со оние за Србија, која како последен податок од страна на статистичарите го објавила БОП по жител за 2005 година - 2.800 евра.

Драматично побогати се Хрватите со околу 5.500 евра бруто-општествен производ по жител, и тоа според податок од 2004 година, како последен објавен од страна на нивниот завод за статистика.
Словенија, пак, има повеќе од 16.000 евра бруто-општествен производ по жител. Колку за илустрација, кога влегуваше во ЕУ, таа имаше повеќе од 7.000 евра бруто-општествен производ по жител, а просечно Европската унија има околу 20.000 евра. Економистите се едногласни дека за го достигне Македонија она ниво на економски развој пред распадот на Југославија треба да имаме висок пораст на бруто-општествениот производ. Според податоците од Народната банка, објавени за вториот квартал од годината, стапката на пораст ни е 5 проценти. Економистите сметаат дека со стапка од 8 проценти ќе ни требаат дваесетина години за да го достигнеме нивото од крајот на деведесеттите. Во Македонија, просечната стапка на пораст во периодот од 1989 година до 2005 година е 1,52 отсто. Ова е една од причините поради која Македонија се наоѓа на врвот по невработеноста.

Кај нас стапката на невработеност е 36 проценти, во Хрватска и во Србија околу 13 проценти, а најмалку невработени има Словенија - 6,9 проценти, но тој процент е највисок во Еврозоната.

Извор

*************************************************************

Да резимирам:

Просечна нето плата.
Македонија - 255 евра.
Хрватска - 570 евра.
Босна - 290 евра.
Србија - 425 евра.
Словенија - 815 евра.
Црна Гора - 415 евра.

Бруто општествен производ:
Македонија - 1.987 евра.
Босна - 2.800 евра.
Србија - 2.800 евра.
Хрватска - 5.500 евра.
Словенија - 16.000 евра!!!
Европска Унија просек - 20.000 евра.

Стапка на невработеност:
Македонија - 36 %
Хрватска - 13 %
Србија - 13 %
Словенија - 6,9 %
Бугарија - 7 %

Пред неколку месеци на форумов напишав дека ако продолжиме вака, и ќе нема веќе со кој да се споредуваме.
Денес ќе кажам.
Мразам кога сум во право.



Прашање на деценијата:
А чија беше Мара ?

 

[Winston]

Mara bese svalerka na pradedo mi Prelich :tv:

Просечна нето плата.
Македонија - 255 евра.
Хрватска - 570 евра.
Босна - 290 евра.
Србија - 425 евра.
Словенија - 815 евра.
Црна Гора - 415 евра.

Бруто општествен производ:
Македонија - 1.987 евра.
Босна - 2.800 евра.
Србија - 2.800 евра.
Хрватска - 5.500 евра.
Словенија - 16.000 евра!!!
Европска Унија просек - 20.000 евра.

Стапка на невработеност:
Македонија - 36 %
Хрватска - 13 %
Србија - 13 %
Словенија - 6,9 %
Бугарија - 7 %


Rezime : NE NE BIVA ZA KURAC ! Niti vojni imavme , niti sankcii , 3 pati pomala sme teritorija i pak ne uspeavme nisto , mentalitetot lopovski , malodusnosta i sitnite celi, sindromot na ovci ne dovede do tuka i uopste ne me chudi ova so Hazarite da e 100 % tocno. Da se cenat Makedoncite da imaat stav i da ziveat SEGA a ne vo nekoi minata mozebi i ke bese nesto vaka... ideme u KURAC poleka no sigurno .... niedna zemja u svet ne bila 20 godini u TRANZICIJA , so sme nie retardirani ????

Ne mozam da pisam vise maka mi e idam da pijam kafe :kesa:

 

[Quark]

so sme nie retardirani ????

DA...

 

[ABC]

ОПСТАНОК:
-Странец,3000 евра плата,1000 троши за стан,1000 за храна и енергија а другите 1000 под разно,не ни знае каде “му одат“ па ги потрошил.
-Македонец,250 евра плата,150 троши за стан,150 троши за храна и енергија,оние 50 не ни знае од каде “му идат“ за да ги потроши.Тоа е Македонскиот феномен.:smir: