Пишав одамна на една друга тема, па би сакал тоа да го повторам и на оваа:
Мене навистина не ми е јасно кој профил на луѓе одат на одмор во Охрид. Тоа најчесто се:
- тинејџери
- луѓе кои не успеале да извадат пасош или виза или ги мрзело
- луѓе кои неможат да земат повеќе од неколку слободни денови од работа, па да отпатуваат некаде подалеку
- луѓе кои незнаат дека за истите пари ќе летуваат на море и луѓе кои никогаш не биле на море
- луѓе кои по потекло се од Охрид
- пензионери
- луѓе од дијаспората
- луѓе кои првпат одат во Охрид
1. Тинејџери
Тинејџерите кој немаат парични средства доволни за 10 дневен одмор или не одат на летување, или одат во локалните места. Со други зборови и тие бараат поефтинки места. Во случајов, во право сте за набилданите цени, па сите размислуваат за кампување во кампот "Градиште".
2. Луѓе кои не успеале да извадат пасош или виза или ги мрзело.
Пасошот кошта 1500 денари, и некој смета дека за тие пари ќе плати смештај за 3-ца луѓе во Дојран, за 5 дена, како порано што беше минатата година во Охрид.
3. Луѓе кои неможат да земат повеќе од неколку слободни денови од работа, па да отпатуваат некаде подалеку.
Обично овој тип на луѓе, отпатуваат на локалните туристички места, како Охрид, Дојран или Преспа.
4. Луѓе кои незнаат дека за истите пари ќе летуваат на море и луѓе кои никогаш не биле на море.
Во овој случам мора да ви кажам дека за тие пари што ги давате за смештај во Охрид во апартмани, ќе одите во Хрватска или Црна Гора. Колку што сум известен смештајот е 5 ЕУР од човек и од ден (најефтиното) во Охрид, за тие пари имате смештај во хотел со 3 ѕвезди (10 дена) во Хрватска, 240 ЕУР сосе превоз од човек. Во Охрид би те коштало сигурно 200 ЕУР во хотел, и тоа без превоз.
5. Луѓе кои по потекло се од Охрид.
Овој тип на луѓе колку што знам, 90% не мрдаат од Охрид. Оние луѓе кои се во можност да летуваат некаде во странство и кои сакаат да сменат нешто, се само 10%.
6. Пензионери.
Не би рекол дека пензионерите се оние кои го посетуваат Охрид. Повеќе знам пензионери кои одат по бањите, исто и во Дојран, поради лековитата тиња. Ретко пензионер да оди во Охрид (освен ако е во близината на Охрид).
7. Луѓе од дијаспората.
Би рекол дека луѓето од дијаспората, доаѓаат колку да се рече дека се мешаат меѓу народот, и се почесто можеме да ги видиме во Охрид, бидејќи сега Охрид е "центарот на вниманието" кај македонските тинејџери, а исто и новинари.
8. Луѓе кои првпат одат во Охрид.
Луѓето кои прв пат одат во Охрид, би рекол дека се многу мал процент, речиси најмал од сите категории погоре. Не би рекол дека ако некој прп пат оди во Охрид, дека е во финансиска состојба да ги издржи цените на смештајот во Охрид.
Заклучок: Се се сведува на паричната состојба на народот, и набилданите цени во Охрид. Иако сега е се преполно во Охрид, јас би рекол дека од наредната сезона ако продолжат овака, значително ќе се намали процентот на домашни туристи во Охрид. Јас би рекол дека повеќе се во прашање цените, отколку лошиот однос на мештаните кон домашните туристити.
