Бугарија бара голема отштета од Турција
Софија бара со 10 милијарди долари да бидат обесштетени бегалците од балканските војни
Веселин Желев
Дописничко биро на ВАЦ
БРИСЕЛ - Оптоварената земја кандидат за ЕУ, Турција се соочува со нов предизвик - соседна Бугарија се подготвува да бара од неа 10 милијарди долари како надомест за потомците на воените бегалци од 1913 година, кои турските војници ги присилиле на бегство во денешна Источна Тракија или европскиот дел на Турција.
На 21 мај Европскиот парламент усвои резолуција со која бара Анкара „да го зголеми, во духот на добрососедските односи, дијалогот со Грција (на пример, за егејскиот континентален гребен) и со Бугарија (на пример, имотните права на бугарските бегалци од Тракија) со цел да ги реши сите нерешени билатерални прашања“.
„Тоа не треба да се гледа како непријателски чин насочен против ’членството на Турција во ЕУ’“, вели бугарскиот член на Европскиот парламент Евгени Кирилов, кој ја предложи споменатата клаузула. „Напротив, тоа имплицира дека како земја кандидат за ЕУ, Турција треба да ги подмири сите сметки од минатото со нејзините соседи за да не можат подоцна да ја опседнат Унијата“.
Кирилов вели дека според договорот потпишан во 1925 година, Турција се заложила да обесштети стотици илјади етнички Бугари, кои го загубиле имотот за време на балканските војни од 1911 до 1913 година. Турските војници палеле села и масакрирале етничко бугарско население во Источна Тракија во 1913 година, додека ја одбивале офанзивата на бугарската војска, која стигнала до предградијата на Истанбул. Бегалците ја напуштиле нивната територија и имотот и се слеале во Бугарија без средства за живот.
Кирилов истакнува дека тие имаат околу 800000 потомци и легални документи кои им овозможуваат сега да го побараат нивниот имот. Посебна единица од бугарското Министерство за надворешни работи со децении работеше на ова прашање, и во 1983 година вкупниот износ на барањата на бегалците го процени на 10 милијарди долари.
Турција не беше кооперативна за ова прашање за време на студената војна, кога Бугарија беше ривал. Сепак, сега состојбата се смени. Балканските соседи се сојузници во НАТО и Бугарија се приклучи кон ЕУ на почетокот на 2007 година. Турција се' уште води тешка борба за членство, на која многумина во ЕУ се спротивставуваат. Франција, која го презеде ротирачкото шестмесечно претседателствување со ЕУ во јули, е против конечен пристап на Турција, но најави дека преговорите за членство можат да продолжат.
Резолуцијата на Европскиот парламент и' овозможува на Бугарија барањето за обесштетување да го направи дел од разговорите - под поглавје „Правда и фундаментални права“ - кои Анкара и Брисел допрва треба да ги започнат, вели Кирилов. „Имотот е фундаментално право. Без нас тие не можат да го затворат тоа поглавје од преговорите“. Тој не е сигурен дали Бугарија на крај ќе ја добие целата побарана сума. „Како и да е, само почетни преговори за тоа прашање би биле голем успех“, додава тој.
Турција одамна инсистира пред какви било разговори Бугарија да се согласи да им исплати пензии на етничките Турци од Бугарија, кои побегнале од комунистичките репресалии во средината на 1989 година и се населиле во Турција. Кирилов вели дека Софија ќе биде кооперативна за тоа и исплатите нема да бидат прекумерен товар за нејзиниот буџет.
http://utrinski.com.mk/?ItemID=2607633CADF6E748B7A0EEECC908F842
Софија бара со 10 милијарди долари да бидат обесштетени бегалците од балканските војни
Веселин Желев
Дописничко биро на ВАЦ
БРИСЕЛ - Оптоварената земја кандидат за ЕУ, Турција се соочува со нов предизвик - соседна Бугарија се подготвува да бара од неа 10 милијарди долари како надомест за потомците на воените бегалци од 1913 година, кои турските војници ги присилиле на бегство во денешна Источна Тракија или европскиот дел на Турција.
На 21 мај Европскиот парламент усвои резолуција со која бара Анкара „да го зголеми, во духот на добрососедските односи, дијалогот со Грција (на пример, за егејскиот континентален гребен) и со Бугарија (на пример, имотните права на бугарските бегалци од Тракија) со цел да ги реши сите нерешени билатерални прашања“.
„Тоа не треба да се гледа како непријателски чин насочен против ’членството на Турција во ЕУ’“, вели бугарскиот член на Европскиот парламент Евгени Кирилов, кој ја предложи споменатата клаузула. „Напротив, тоа имплицира дека како земја кандидат за ЕУ, Турција треба да ги подмири сите сметки од минатото со нејзините соседи за да не можат подоцна да ја опседнат Унијата“.
Кирилов вели дека според договорот потпишан во 1925 година, Турција се заложила да обесштети стотици илјади етнички Бугари, кои го загубиле имотот за време на балканските војни од 1911 до 1913 година. Турските војници палеле села и масакрирале етничко бугарско население во Источна Тракија во 1913 година, додека ја одбивале офанзивата на бугарската војска, која стигнала до предградијата на Истанбул. Бегалците ја напуштиле нивната територија и имотот и се слеале во Бугарија без средства за живот.
Кирилов истакнува дека тие имаат околу 800000 потомци и легални документи кои им овозможуваат сега да го побараат нивниот имот. Посебна единица од бугарското Министерство за надворешни работи со децении работеше на ова прашање, и во 1983 година вкупниот износ на барањата на бегалците го процени на 10 милијарди долари.
Турција не беше кооперативна за ова прашање за време на студената војна, кога Бугарија беше ривал. Сепак, сега состојбата се смени. Балканските соседи се сојузници во НАТО и Бугарија се приклучи кон ЕУ на почетокот на 2007 година. Турција се' уште води тешка борба за членство, на која многумина во ЕУ се спротивставуваат. Франција, која го презеде ротирачкото шестмесечно претседателствување со ЕУ во јули, е против конечен пристап на Турција, но најави дека преговорите за членство можат да продолжат.
Резолуцијата на Европскиот парламент и' овозможува на Бугарија барањето за обесштетување да го направи дел од разговорите - под поглавје „Правда и фундаментални права“ - кои Анкара и Брисел допрва треба да ги започнат, вели Кирилов. „Имотот е фундаментално право. Без нас тие не можат да го затворат тоа поглавје од преговорите“. Тој не е сигурен дали Бугарија на крај ќе ја добие целата побарана сума. „Како и да е, само почетни преговори за тоа прашање би биле голем успех“, додава тој.
Турција одамна инсистира пред какви било разговори Бугарија да се согласи да им исплати пензии на етничките Турци од Бугарија, кои побегнале од комунистичките репресалии во средината на 1989 година и се населиле во Турција. Кирилов вели дека Софија ќе биде кооперативна за тоа и исплатите нема да бидат прекумерен товар за нејзиниот буџет.
http://utrinski.com.mk/?ItemID=2607633CADF6E748B7A0EEECC908F842
