Денес читав на телетексот на А1 телевизија дека 3 камионџии биле малтретирани од грците(не треба името да им се спомне).како шо пишуваше 3 македонски камионџии на границата дојрани им било кажано доколко сакаат да поминат низ границата да го исчистат граничниот премин и им биле дадени метли,најлонски кеси и гумени ракавици.Овој цитат е преземен од a1.com.mk.
-->>Продолжува грчкото изживување врз македонски граѓани. Тројца камионџии од Скопје и еден од Кочани се новата мета на грчките цариници.
Изутринава во 5 часот четворицата на граничниот премин Стар Дојран не можеле да ја напуштат Грција се додека не го исполниле условот за влез во Македонија.
Биле натерани со метли да го расчистуваат ѓубрето од грчка страна пред да влезат во Македонија.
Откако го завршиле понижувачкиот услов, веднаш по влегувањето во земјава случајот го пријавиле на македонската полиција.
„Грчките полицајци на секој од нив му дале по една метла, пар гумени ракавици и најлонски кеси за да собираат отпадоци и за да го исчистат граничниот премин“, изјави Иво Котевски, портпарол на МВР.
„Откако тие ја извршиле наредбата, повторно дошле грчките полицајци и им кажале дека им е дозволен излезот од Република Грција“, рече Котевски.
Четворицата камионџии работат за „Фени“ и како и секогаш, и изутринава превезувале руда со камионите.
Честото патување во Грција и назад најверојатно е причината што се обидоа да останат анонимни во текот на целиот ден.
МВР испрати службена белешка до МНР за изживувањето на четворицата камионџии, од каде се очекува соодветна реакција.
