Кога проблемот нема да се реши навреме, со секој поминат ден добива на тежина. А ние влечеме проблем стар 16-17 години. Во оваа ситуација тешко е било која страна да направи отстапка затоа што ќе биде осудена во сопствената држава. Затоа никој нема г’з сам да донесе одлука.
Мислам дека владата и институциите најдобро се запознаени со целокупната ситуација и многу подобро знаат од Кире што киднал од Етуц и гордо фрлал со камења по грчката амбасада или од Ламбе од Австралија. Од друга страна иако сме мала држава со еден куп внатрешни проблеми, дури и кога се работи за државните интереси се мешаат во игра партиски шеми, собирање на поени и не знам што.
Кај што има сила, нема правдина. Македонија тоа најдобро го знае. Затоа можеби и има простор за некоја мала отстапка, нешто како ДР Македонија, ако тоа нас ни гарантира безбедност (сега со самостојно Косово, внатрешни проблеми и вакво опкружување дефинитивно ни е потребна) а тоа значи влез во НАТО + влез во ЕУ што е можно поскоро, укинување на визи (преговорите за целосно укинување почнуваат денеска) и што е можно повеќе странски инвестиции и раст во економијата (зборувам за нашата мизерна економија која и тоа како зависи од Грција и грчкиот капитал партиципира во неа).
За предлозите Нова, Стара, Горна, Долна, Северна или не знам каква сум против. И за ДР Македонија сум против во нормални услови, ама во сегашната ситуација, услови и моќ на државата и Македонскиот народ може да се разгледа како опција. На крајот постои и референдум како изјаснување на граѓаните (иако и крајниот резултат од ваквата форма горе-доле зависи од маркетингот и презентацијата пред граѓаните, односно на која страна овчарот ќе ги поведе овците).
Ај времето ќе покаже.