П
Паспарту
Гостин
Kaнадскиот суперстар DJ и продуцент Tiga, роден во Монтреал во последните години успеа да изгради бренд од своето име, во исто време интересен за underground и mainstream публиката. Инспириран од својот татко кој бил исто така DJ, уште како мал го придружува на неговите настапи во 80-тите а најзначаен за него е престојот на Гоа - Индија каде се запознава со клубскиот живот за по враќањето уште како тинејџер почнува да врти по клубовите во Монтреал во раните 90-ти, промовирајќи го притоа acid-house звукот во тој дел на Канада. Незадоволен од атмосферата на клубските забави тој се обидува да го пренесе rave-моментот кој го научил од Гоа и е забележан како прв организатор на големи rave забави во таа земја. Следува отворањето на неговата прва продавница за плочи DNA и првата издавачка куќа Turbo Recordings која денес е една од најдобрите dance ориентирани label-и во светот. До 2000 година издава музика од други продуценти но инспириран од феноменалниот ремикс на големиот хит Sweet Dreams на Eurythmics од Miss Kittin & The Hacker одлучува и самиот да прави авторска музика. Патот до светската слава му го трасира ремиксот на Sunglasses at night заедно со неговиот пријател од Финска Jori Hulkkonen кој го издаваат под името Tiga & Zyntherius. Одеднаш Tiga излегува од анонимност, Sunglasses at night доживува неверојатен успех и стекнува култен статус. Во периодот што следува Tiga работи ремикси за имиња како Martini Bros., Alpinestars, Linda Lamb, Crossover, FC Kahuna, Cabaret Voltaire, Telepopmusik, Felix da Housecat, Fischerspooner, FPU, The Devils (Nick Rhodes), Soulwax, Peaches, LCD Soundsystem и Danni Minogue. Издава за големи издавачки куќи како Intec, Drumcode и Electrix, познат е и по соработката со Mateo Murphy под псевдонимот TGV. Во 2003 година издава микс за еден од најпознатите DJ mix серии DJ Kicks, за label-oт К7 и едноставно постанува еден од предводниците на elektro-house сцената која во тој миг станува се поголема. Инзвонреден успех постигнува и со ремиксот на познатиот рапер Nelly на неговиот хит Hot in herre.
2004 година е пресудна за Tiga да постане она што е денес, неговиот сингл Pleasure from the bass се зацврстува на сите топ листи низ светот, прогласуван за еден од најдобрите клубски хитови истата година. Славата која ја добива му овозможува да работи ремикси за големи автори како Depeche Mode, Mylo, Moby, Philippe Zdar, Drama Society и многу други. Кулминација доживува со издавањето на веќе култната You gonna want me во соработка со Jake Shears од Scissor Sister's, траката се слуша насекаде, искористена е и за многу телевизиски и радио реклами за големи компании и постанува голем хит кој истовремено го вртат и комерцијалните и underground медиуми. Како никој друг на модерната електронска сцена успева да го одржи балансот и да биде омилен од секаков вид публика.
Конечно во 2006 година, после многу издадени синглови и ремикси го издава својот прв албум Sexor, продуциран од неговите пријатели Jesper Dдhlback и Soulwax. Албумот доживува неверојатен успех и се вбројува во еден од најуспешните dance албуми истата година, за потоа да биде прогласен за највисоко рангиран elektro DJ на престижниот DJ Mag Top 100. Моментално е актуелен со неговиот последен заеднички проект со Zombie Nation под псевдонимот ZZT, со кои ја издаваат една од највртените dance траки оваа година Lower State of Consciousness. Последно соработува и како со имиња како Pet Shop Boys и Coldcut, во исто време настапувајќи на сите престижни фестивали и клубови низ целиот свет.
