Јас ја гледав таа утакмица, да, играа Самарџиев и Гечевски, имаше двајца американци, црнецот Тимоти Бурогс-центар и Ренди Дак- плеј многу атрактивни играчи беа и двајцата, освен нив во Орка играа и браќата Боцевски, имаше еден албанец Артан Кучо, и Деан Јовановски беше во Орка ама мислам дека беше повреден, имаше уште неколку добри играчи не се сеќавам точно кои. На 2 минути до крајот Орка водеше 13 разлика и сите помисливме дека нема шанси да не стигнат, играчите се опуштија скроз, и тогаш почна серија на тројки за Работнички а ние не дадовме ни еден кош и така не победија. Имаше мислам еден спорен момент на крајот Бурогс даде кош у последните секунди ама мислам дека судиите досудија чекори. Тогаш беа други времиња кога играше Орка одевме 2 саата пред почетокот на утакмица за да влеземе ако можеме некако оти картите се продаваа пред време, салата се полнеше по 4000 души, се местеа помошни трибини зад кошевите, тоа беа незаборавни денови. Ама еве сега шанса и за помладата генерација да осети нешто слично како пред 10 години, така да се надевам дека нема да ја пропуштат таа прилика.