Што ли е ин а што е аут дниве?
Ин е да имаш став за Скопје 2014. Добар, лош не е битно. Битно имаш став, ја користиш твојата демократска тиква за држиште на прашање од такво конструктивно нивоу.
Многу е Ин да го знаеш значењето на зборот лоботомија и да го користиш во секој можен муабет особено кога се работи за политичка ситуација.
Ептен многу е Ин на 12 години наместо да пишуваш песничка во Наш Свет да имаш колумна и/или блог каде што го користиш своето граѓанска должност да ги лоботомираш постарите чичовци и тетици од јавната ни естрада наречна троец парламент-влада-опозиција, не сфаќајќи како во целиот тој процес најмногу се лоботомираш себеси. А после НГО-ата ви се криви.
Ин е да го стопираш маж ти додека денса на 223-305 те чекам драга јави се, и да се смешиш на ХБО комеди, наместо да денсаш во клуб и да се смееш во кафана или во природа. А ХБО е НГО, ваљда.
Ин тернетот е дефинитивно Ин се повеќе и повеќе. Можеби тој ќе ви направи дете еден ден. Ин витро се разбира.
Да се пуши е аут. Да се дише 98 октанскиот воздух ијонизиран, филтриран и спонзориран од Окта е ин.
Инцикопедиите секогаш биле Ин. Ауткулот е аут.
Акцизите се аут. Или дупло ин зависи како сметаш.
Концерт на македонскиот евергрИН е ИН. Со македонците Каљопа и Жак (Превер?)
Да гледаш Велики Брат, Кој те шиша е аут. Да гледаш Велики Брат,кој те шиша и притоа да се криеш е ин.
Двојна пенетрација е скриен ин. Бакнежот е аут.
Англицизмите се Ин, гласовната комуникација аут.
Слаткар е Ин. Слаткар е исто така аут. Затоа што аут е да си ин, и ин е да си ин, а да си аут е ин.
А нај ин ми се чизмите. Оние ороспискине со штикла пола жени од Скопје што ги носат. Тоа е некоја нова мода со што повисоки штикли, фармерките бутнати во нив и високи до средина на бутната коска (онаа што ти го врзува коленото со најдрагоцениот дел од твоето битие). Повикуваат да бидеш Ин. Биди Ин и твоја ќе биде. Затоа бидете Ин.
Пу зашто не можам да го најдам спотот со ЕСМ (за покетабисите сегашно ЕВН).
