Дали според тебе Аргентина не е туркана на првествово (и на минатото)?
Дали судењево (критериумот) што се наметна, им одговара најмногу нив, споредено со Шпанија и Франција да речеме?
Сите фаворити се фаворизирани, Аргентина не е исклучок, освен што факторот Меси игра дополнителна улога кај нив. На една од спортските емисии некаде пред да почне четвртфиналето изброија 9 спорни одлуки од кои сите 9 отидоа во корист на фаворитот. Проблемот е кога од тоа се прави теорија на заговор за систематско туркање а се занемаруват разни фактори.. Откако постои фудбалот постои фаворизирање, сите го знаеме тоа.
Проблемите со теориите на заговор се многу. Како прво, не можат да докажат што е конечната цел. Зошто некој би си ставал товар да влегува во криминал за да ја форсира Аргентина? Што ќе се случи поточно ако Аргентина не освои? Who gives a fuck? Што ќе се случеше ако испаднеа со Капо Верде? Апсолутно ништо, ќе беше уште подобра приказна за историјата, светското и понатаму ќе останеше гледано, сите што почнавме да го гледаме ќе го довршиме без разлика кој победува а кој губи. Финансиски придобивки за никого нема. И потоа се оди со сулуди политички теории зошто Аргентина била фаворизирана кои нема да ги спомнам зошто ќе се изнервирам и ќе ги банирам сите почнувајќи од себеси.
Како второ, обидувајќи се да докажат систематско местење занемаруваат се што не им оди во прилог. На пример, дека Аргентина добила полесен дел од ждрепката, нешто што никако не можеа да го предвидат затоа што можеа да налетаат на сосема други екипи во зависност од резултатите. Никој не ја оштети Португалија на пример за да ја избегнат Аргентина. Занемаруваат и тоа дека и други фаворити добиваат одлуки во нивна полза.
Најмногу од се го занемаруваат човечкиот фактор, а тоа се судиите. Да не се правиме луди, 90% од судиите се фанови на Меси. Скоро никој од нив нема муда да му покаже црвен картон на сред светско првенство. Јас што не сум му фан не би му покажал, зошто ќе треба да бидам на острел на медиумите кои ќе анализираат како Петко исто така го нагазил Станко ама не добил црвен, па зошто сега Меси добил, како сум го уништил првенството, па ќе ми праќаат пораки и закани... никој не сака да си стави трн во здрава нога. Никој не сака да биде судијата кој му покажал црвен на Меси. Играч што е суперстар, според повеќето и најдобар на сите времиња, го има тој статус и затоа му се може. Не ти треба никаква посебна теорија на заговор зошто Меси може да одигра погрубо од другите ако сака. Или зошто на првиот фаул врз него судијата трча да му даде жолт на играчот а после натпревар веројатно да направи селфи со Меси и да им кажува на внуците дека има слика со него.
За мечот со Англија, оној што маваше во потиљак заслужи директен црвен, ама кој сака да даде црвен во 5-6 минута и да го навлече бесот на сите. Аргентина влегоа жестоко во мечот, го тестираа судијата, овој не извади жолти и си продолжија додека се фати за картоните, што беше предолго. Некој гледа заговор во тоа, јас гледам човечки фактор се додека заговарачите не презентираат докази во форма на сим картички, ако знаете на што мислам.
На крајот, Англија поведе 1-0, да не менуваа тактика најверојатно ќе дадеа и втор и поинакви работи ќе се пишуваа овде. Аргентинците играат фанатично, можеме да ги сакаме или да ги мразиме, но стигнаа каде што стигнаа со фанатична борбеност и со пресврти. Никој не ја натера Англија во 16 метри, самите си го направија тоа.
Тоа е, гледајте фудбал и не се замарајте со глупости, нема длабоки мистерии, се е човечки, несовршено и хаотично. Фудбалот отсекогаш бил таков.
