Виза
Предуслов за влез во Англија е да имаш виза, се добива со пополнување на форма кон агенција во Скопје и ти го земаат пасошот на 2-3 недели и ти го враќаат со виза. Ова не кошташе од прилика 250 евра по човек.
Пат до Манчестер и назад
Летови до Манчестер директни нема, јас гледањето фудбал го искомбинирав со трип до Лондон. Летав од Тирана до Лондон, па после неколку дена со автобус до Манчестер. За враќање исто со автобус од Манчестер до Лондон Лутон Аирпорт, па назад до Тирана. Има и летови од Скопје до Лондон ама термините се полоши, на пример леташ за Лондон вечерта и денот ти е изгубен (барем јас така гледам
). Летовите се доста евтини, околу 1500, 2000 денари во правец, ама со 20кг багаж вкупно ме фати 15000 денари за во двата правци.
За од Лондон до Манчестер можно е подобра опција да е воз, не разгледав многу, ама пошто јас патував на Boxing Day возови скоро и да немаше или беа со некое прекачување што е на некоја трета локација, а автобусите беа директни. Автобусот ме фати околу 50 фунти по човек во правец, знаци вкупно 100 фунти за тоа. Бидеќи утакмицата со Newcastle беше првично закажана за во сабота а после ја преместија за петок, изгубив околу 30тина бидејќи првично букираниот автобус не одговараше на новиот термин и морав да рефундирам колку што можев, така што добро е да имаш и малку флексибилност кога букираш.
Во Манчестер лесно е за стигнување до ОТ, има трам линии што на Google maps ќе ги најдеш или било кој да прашаш ќе ти каже со кој.
Карти за натпреварот
Искрено не знаев каде да барам карти, после кратко истражување мислам дека на официјалната се најевтини ама брзо се продаваат, и голем дел од тие се купуваат со цел да се препродатат. Јас ги купив на livefootballtickets по 250 евра карта, со тоа што барав седиштата да се од страните а не зад гол, да не бидат во ќошовите, да не бидат најдолу или најгоре, и бидејќи бевме двајца барав и seated together. Ако си побрз и ако имаш помалку услови од мене можеш да поминеш доста поевтино, можеби по 100 евра по тикет. Бев во секција N3406 што е ко што гледаш горе на сликата ама следен пат би одбрал еден или два блока подолу.
Смештај
Booking, јас избегнувам Airbnb или изнајмување куќи / станови од станари, како и делење соби, така што секогаш земам хотел или мотел. Бев во Motel One во Манчестер, за 2 вечери околу 100 евра по лице.
Booking confirmation бараат и во апликација за виза, така што посигурно е да букираш нешто со free cancellation.
Груба пресметка би дошло кај мене околу 1000 евра потрошени за таа намена, ама кога би одел посебно само за Манчестер да гледам има неколку места каде што би можел да скратам трошоци, пример нема да ми треба толку багаж, ќе одберам однапред кој натпревар сакам да го гледам и ќе купам карти доста порано, и ваљда зависи од барањана на секој лично за смештај, позиција на седиште на натпреварот...
Ова е вака од прва што ми текна како информации што јас ги истражував, ако било кој го интересира нешто пишете ми и директно слободно.
