Летување во Грција

[fennel]

Една пофалба и од мене за Афитос, поготово со партнер/ка ако одиш топ е местото, романтичен вајб дава местото, посебно на зајдисонце да си седниш на вечера кај тие таверните горе над плажа, преубава глетка и амбиент.
За со деца плажите се по удолници и малце е комплицирано.

Сум била неколку пати, најдобро поминавме кога бевме сместени во едно хотелче Стратос се викаше, пречисто, топ соби, со базенче со сите нишани беше хотелчето, и многу богат доручек имаше.

Афитос е супер, само плажите се мноогу доле. Плус само едно делче е песочна, другото лизгав камен.

 

[STEALTH]

"Топ дестинација со две-три добри плажи"

Каква ти е оваа топ дестинација со 2-3 добри плажи?

 

[Sussaro]

Е баш ти фала, ќе го користам ова како нарачник при изборот. Некое хотелче нешто сместување да препорачаш, имаш?

Не сум по хотели, повеќе сум по апартмани, не сакам да ми е однапред диктирано темпото на јадење, а и плус си сакам фрижидерче да ставам работи за ладење, мала кујна да направам нес кафе, салата со ракија/узо и слично.

Сум престојувал на Трани Амуда во Хотел, додуша не знам дали баш да го нарачам хотел, Мелтеми, имаат свои лежалки на плажа што значи ќе куртулиш од тој трошок а и самиот хотел е на 20 метра од плажа, имаат доручек и во собата имаш фрижидер ама нема кујниче. Јас бев задоволен, на Букинг е 9.5 значи и други биле.

Meltemi, Ormos Panagias, Greece

Set in Ormos Panagias, a few steps from Trani Ammouda Beach, Meltemi offers accommodation with a garden and free private parking.

www.booking.com

И јас вториот крак го поштувам многу повеќе од првиот, и горе долу целосно се сложувам со рецензијата, само би додал уште една плажа, која според мене вреди да се посети, а тоа е Paradise Kavourotrypes. Водата е фантастична и има преубав поглед од горе, само што е премала и пренатрупана со лежалки, па исклучиво за посета вон сезона и да не е за викенд.


Плажата на Арменистис од друга страна ми е омилен за посета, бидејќи освен што е феноменална водата и е просторна, има и ресторан со готвена храна (па немора да јадеш клуб сендвич или фаст фуд како на некоја од другите плажи), а исто така има и маркет, кафичи и убави сенки во камп населбата, па можеш и да се скриеш некаде за време на најтоплиот период од денот. Е сега се плаќа влез, ама вреди дефинитивно.

Да, Кавуротрипес не ја спомнав, затоа што за мене Портокали, Мега Портокали и Кавуротрипес се едно те исто само ги дели гребен како Градиште 1, 2 и 3 само што за разлика од Градиште не се споени копнено туку секоја плажа има посебен пристап.

Јас планирам за Скијатос две недели од сега. Некои препораки и искуства кој има нека сподели. Гледав неколку видеа за Скијатос и ми изгледа како топ дестинација со две три добри плажи и редовен превоз. Кој знае повеќе би сакал да сподели свое искуство за да се подготвам психички што да очекувам.

Скијатос е реалтивно мал остров 7-10 дена максимум се доволни пред да стане монотоно. Ако не се оди со сопствен превоз најпаметно е да се сместите во градот, освен ако не сакате да терате ептен пензиско. Навечер главните збиднувања се во градот, а автобуси нема па ако не сте сместени во градот ќе треба да плаќате многу за такси. Тоа важи и за другите туристички дестинации во Грција, секогаш гледајте да се сместите во местото каде што навечер е интересно а преку ден со автобуси и комбиња може да ги ловите плажите. Денски журки има на Банана бич каде што е шемата, Кукунарес е убаво ама знае да биде многу полно, ако ви е за раат плажа најдобра е Елени. Сите овие 3 се блиску една до друга и се на последната автобуска станица. Низ таа делница Скијатос (градот)-Кукунарес имате и уште неколку плажи и се ок. Убедливо најубав спомен ми остави Лалариа, таа тура со брод вреди да се земе. Бонус совеет-Земете си наочари за под вода, глетката е прекрасна и дефитивно го појачува целокупното доживување. Ако не ви се даваат многу пари за марка наочари, сосем задоволителни се од Џамбо за 250 денари.
Ако отиде со кола имате флексибилност да посетите повеќе работи како на пример манастирот Евангелистриа и некомерцијалните плажи во северозападниот дел на островот, ако сте по уживања во природа без гужви. Автобуси до таму нема, со кола се стига ама патот е песоклив. Има неколку плажи во тој дел јас успеав да ја фатам Мандраки и лезетски си го терав тој ден.
Многу важно ако одите со кола. На пристаништето во Волос има 2 трафики што нудат траект до Скијатос. Трафиките се споени една со друга и изгледаат како да ги држи една иста фирма ама две различни фирми од кои едната е многу поефтина. Разликата беше 80 евра помеѓу едната и другата фирма за кола + тројца патници што не е мала разлика да се опрчите +20 и кусур евра од човек за џабе, така да пазете да не се улетате.
Имате и тури со бродчиња, прогуглајте што ќе ви фати око.
Ноќниот живот е пристоен, кафичите имаат европски цени, а ноќните клубови се со бесплатен влез ама огин скапи. Чаша Смирноф беше 10 евра. Една чаша од доза 0.04 л.
Ова од тоа што ми текнува. Убав помин ако идете.

Ако ти треба плус инфо прашај.

 

[Staufer]

Nekoj dali ima iskustvo so Rhodos?

 

[gjoko-mkd]

Јас планирам за Скијатос две недели од сега. Некои препораки и искуства кој има нека сподели. Гледав неколку видеа за Скијатос и ми изгледа како топ дестинација со две три добри плажи и редовен превоз. Кој знае повеќе би сакал да сподели свое искуство за да се подготвам психички што да очекувам.

Си има доста гужва, и плажите им се накрцани. Најдобрите плажи им се далеку од градчето...па ќе ти треба превоз. Плажите им се со златно-жолта песок со одличен квалитет, ситна што не се крева нагоре во водата да ја заматува.
Многу стгранци има...воглавном тие што зборуваат англиски, па туризмот е ориентиран према нивните побарувања
нема да згрешиш...

 

[Saladin]

@Sussaro а и останатите - што е поголемо, пообемно: Стариот дел на Дубровник или градот Крф?

 

[Invisible Force]

@Sussaro а и останатите - што е поголемо, пообемно: Стариот дел на Дубровник или градот Крф?

Ја би одбрал стариот дел на Крф за сите пари. Иако и Дубровник не е за потценување.

 

[Saladin]

Ја би одбрал стариот дел на Крф за сите пари. Иако и Дубровник не е за потценување.

Дубровник сум бил, годинава сум на Крф. Прашањево ми е да знам што да очекувам за второво, плански да го истерам.

 

[Invisible Force]

Дубровник сум бил, годинава сум на Крф. Прашањево ми е да знам што да очекувам за второво, плански да го истерам.

Меѓу поубавите места на кои сум бил. Толку чисто и средено додека шеташ низ градот милина е. Единствен „проблем" е најчесто е гужва преполно е. Но градот е фантазија.

 

[old_School_mk]

Некој да бил во Јерисос (Ierissos) или Офриниу (Paralia Ofriniou) да каже збор два за нив? Конкретно ме интересираат плажите (песок, ширина, гужва) и водата (длабочина, чистота, бранови).

 

[reddevil4ever]

Знам дека пиша септември ама ќе пишам една поопшта рецензија и за други заинтересирани.

Краците и Олимписката Ривиера односно тие 5-6 саата пат во Грција ми се релативно детално познати. Генерално и општо земено плажите им се песочни, во главно чисти, ама се на се тоа е тоа, а една си видел а сите, исто му доаѓа тоа се тие типичните грчки плажи со врзани очи да се стават на било која од нив без никакви пишани знаци или луѓе да зборат во позадина пак ќе знаеш дека си во Грција. Со два исклучока ќе ги спомнам после.

Прв крак е преизвикан и може да им се допаѓа само на животни од родот Homo Balkanikus, нашине, србенди, бугараши и слично. Гужва, сељачишта, сите набутани на мал простор, навечер да има народ како на Бит Пазар односно се што Homo Balkanikusot сака. Прв крак го избегавам, вториот крак за првиот е Хаваи. Со еден мал искучок Афитос. Гратчето и по архитектура и по плажа е многу поразличен од се друго на првиот крак. Како да не се наоѓаш на Касандра. Има преубава глетка и пејсаж од високо и е баш живописен, ама има и тешки маани, улиците му се тесни, плажите иако преубави се со помал капацитет и за да стигнеш со нив треба да одиш по уздолница, а кога ќе се враќаш по угорница. Ако одиш во шпиц сезона се ова ќе ти го еве целиот впечаток што Афитос може да го нуди. Така што Афитос строго вон шпиц сезона. Тоа е што се тиче прв крак.

Втор крак изобилува со преубави плажи, голем дел и затскриени и диви посебно делот кога преоѓаш од прв во втор крак, и од втор во трет. Во главно тука кај и да одиш нема да згрешиш со исклучок на Неос Мармарас и Порто Карас кои се преценети и со премногу гужва. Марамарас ти е угорници-уздолници две коли не можат да се разминат ќе ти одмили и одмор и се. Во шпицот исто за избегнување се и Никити и Сарти, нема паркинг, редици за гиро и пица навечер, нема игла кај да падне, ебење лезет скроз. На втор крак има две плажи што отскокнуваат од оној типичниот изглед на грчка плажа и имаш чувство како да си во друга земја. Првата и воедно и мојата најомилена неостровска грчка плажа е Портокали или Оранџ. За мене лично тоа е храна за сите сетила, од поглед, до чистина на вода, до природна естетика, до боровата шумичка што се протега скоро до пажата, до карпите, до песокот. Единствена маана е што во шпиц сезона сите се накрцани таму, а плажата има мал капацитет за луѓе. Филмска е ептен, или барем мене ми е.


Втората, која е многу слична на Портокали е Кариди на крајот од местото Вурвуру. Попространа е од Портокали, што значи дека имаш помалку шанси да заглавиш со гужва. Негативната страна на Вурвуру е што местото е буквално само апартмани и хотели, нема ни маркет ни ресторан за навечер и е мртва тишина, ама ако премиум плажа ти е најпрвиот приоритет, ова е местото што сакаш да го одбереш.


На 10 километри погоре ти е Трани Амуда, една долга и пространа плажа каде што место секогаш ќе најдеш дури и кога е најшпиц, едноставно плажата не може да се преполни. Тука има и 3-4 хотели со т.н. сопствена плажа каде што во цената ти влегуваат и лежалките. Ама и во ова место нема маркет. Тука предноста ти е што можеш да правиш плажа hoping, затоа што имаш неколку добри плажи на 15-20 минути возење, еден ден да си на Трани, друг ден на Кариди, трет ден на Калогриа, четврт на Лагомандра, плажата што од сесрце ја обожавам и ми е слаба точка не ти треба чадор, боровата шумичка ти е чадорот само ти треба нешто да постелиш. Плажата е поделена на 2 дела оној покомерцијалниот дел каде има лежалки за изнајмување и оној поомилениот мој некомерцијален каде цела плажа е само твоја и нема кафич и лежалка на изнајмување.


А ако ти се ловат песочни диви плажи со многу малце или ич луѓе каде што сакаш да чкртнеш нешто од твојата сексуална бакет листа, тогаш изборот е Сикија, не самото селце туку долу кај главната плажа ама патот со удолници и узгорници што оди покрај самата плажа те носи во изобилство од некои си 10тина плус мини плажички и буквално секој ден може да си на различна плажа на само 2-3 километра од самата Сикија. Каламици ти е тука во близина, ама и се во околина е супер. Ако те влеќат вакви истражувачки моменти на скриени богатства од плажи.
Ако пак сакаш кампинг или бунгалови, Арменистис ти е полн погодок. Плажата вреди да се посети и да не си сместен таму.


За краците е од прилика тоа друг пат ќе пишам за Олимписка ривиера.

Оние извикани плажи обично се преполни со луѓе така да јас би ги избегнувал, особено во шпиц на сезона.

-Кариди е преубава но е гужва. Плитка е и одлична за деца. Лани беше пречиста водата, пред некој ден пола плажа беше со ѓубре од алги или некој други зеленила.
-Фава од тој дел, доста извикана не ми беше ништо посебно, не би се вратил пак.
-Арменистис една од подобрите на која сум бил. Водата е сон, песокот брашно ситен. За влез во кампот никој не ни побара пари, има како рецепција и имаше доста луѓе што чекаа таму, ние си влеговме фино лепо, никој не не запре. Бевме во кафичот на лежалки, сет 25евра во првите 4 реда, отпозади нешто поевтино. Тивка музика и доста простор помеѓу сетовите. Може и своја опрема да поставиш. Кампот е опремен со све и свашта, право мало селце.
-Трани Амудиа, добра плажичка преголема, ок ми беше.
-Калогриа е преубава но како и Кариди пренатрупена.
-Ковиу ми е една од поомилените, мирно, нема гужва. Знае да нема паркинг.
-Плажата кај Амоа Зеус хотелот не е многу позната а ми е една од подобрите, особено за со деца е бонбона. Преголема е, нема многу гужва па ако сакаш мир и приватност можеш да одиш поблиску до хотелот/подалеку од паркингот па сами да се на радиус од 10-15 метри. Имаше добра понуда за хотелот за почеток на јуни во некоја од агенциите 1300 евра за 5 вечери со доручок и вечера, прерано ми беше за одмор инаку загреан бев. Овој период е околу 500 евра само спиење.

Ние одиме со мали деца сепак, грев е да сте сами двајца на Ситонија и да се буташ во гужвите кога има милион мали плажички(јужно од Сарти)каде што можете да бидете сами, голи афкорс. Нема боље чуство. Се што ти треба е малку опрема, желба и авантуристички дух.

 

[Invisible Force]

@Sussaro а и останатите - што е поголемо, пообемно: Стариот дел на Дубровник или градот Крф?

Ќе сакаш секој ден да го шеташ стариот дел...
Мене многу ме потсетува стариот дел на Крф на северниот дел на Италија затоа и ми се допаѓа.

 

[Sussaro]

@Sussaro а и останатите - што е поголемо, пообемно: Стариот дел на Дубровник или градот Крф?

Уф немам престава. Ама преубава е Керкира, затоа што не е онаа типичната глупа грчка архитектура, мене стварно ми се допадна градот. Еднаш го шетав денски, и уште два пати ноќе.

Ако одиш на Крф да знаеш дека тоа е шетачки остров, имав еднаш пишувано рецензија да не ја барам. Ништо не си направил ако одиш со агенција и те лупнат на Ипсос или Мораитика каде што нашите агенции обично нудат смештаи и дремеш 7 дена така, поарно оди краци барем поблиску ти е и плажите се подобри. Плажите на источниот брег се каменести и лоши затоа и нашите агенции ги нудат за евтини пари. Штета е да си веќе таму и да не ги истераш плажите на западниот брег. На Крф само со сопствен превоз или да ренташ возило, да ги фатиш убавите работи.

 

[Saladin]

Уф немам престава. Ама преубава е Керкира, затоа што не е онаа типичната глупа грчка архитектура, мене стварно ми се допадна градот. Еднаш го шетав денски, и уште два пати ноќе.

Ако одиш на Крф да знаеш дека тоа е шетачки остров, имав еднаш пишувано рецензија да не ја барам. Ништо не си направил ако одиш со агенција и те лупнат на Ипсос или Мораитика каде што нашите агенции обично нудат смештаи и дремеш 7 дена така, поарно оди краци барем поблиску ти е и плажите се подобри. Плажите на источниот брег се каменести и лоши затоа и нашите агенции ги нудат за евтини пари. Штета е да си веќе таму и да не ги истераш плажите на западниот брег. На Крф само со сопствен превоз или да ренташ возило, да ги фатиш убавите работи.

Комбинирано е, ќе бидам во Ипсос ама поентата ми е да рентам возило по подобрите плажи на западниот брег. Целата поента беше да бидам блиску до градот за да го шетам него највеќе. Плажите освен ако не се нешто посебно, можам и без нив. А видов неколку кои ми се на листата на шетање.

 

[Invisible Force]

Комбинирано е, ќе бидам во Ипсос ама поентата ми е да рентам возило по подобрите плажи на западниот брег. Целата поента беше да бидам блиску до градот за да го шетам него највеќе. Плажите освен ако не се нешто посебно, можам и без нив. А видов неколку кои ми се на листата на шетање.

Во Ипсос гледај да бидеш сместен во некој од хотелите пошто апартманите им се катастрофа...