Јасно му е дека веќе нема да е претседател, веќе некое време не стои добро во Украина, особено со доаѓањето на Трамп и губењето на американската подршка, нема да може да опстои и да го води мировниот процес.
Затоа сега сака да заврши како морален победник, украински херој кој се спротиставил на целиот свет, останал принципиелен до крај, а тие што ќе дојдат после него да бидат губитници, предавници.
Направи барем три големи грешки откако е претседател, ајде себе што се доведе во ваква ситуација, но и својата држава и народ ги стави во безизлезна ситуација. А можеше да остане само без Крим, со автономија во источниот дел, да ја сочува целосно Украина, со одредени безбедносни гаранции.
Сега е на добар пат "привремено" да изгуби околу 20% од територијата, а повторно да останат без војска или да ги внесат некако во НАТО или со тек на време некоја европска таква безбедносна организација, но поделени, а демографски и економски опустошени.
Никогаш не смееа да се доведат целосно да зависат од други, кога веќе ги имаа Русите, кои се непријателски настроени кон нив. Ако се доведеш во ситуација да зависиш од други, нема што да се буниш кога друг ќе се договара место тебе. И покрај, барем за мене, изненадувачко херојско држење на Украинците.
