Општи дискусии за ТВ серии

[StoleD]

Дали има заинтересираност од тие кои се повеќе по сериите да се „собереме“ и да направиме еден каталог за тапчовци за серии, по примерот на двата за филмови? Кој сака да учествува, нека пише подолу, па ќе видиме - ако има интерес, може да направиме нешто такво.

Може. Ама ќе треба две теми за веќе завршени серии и оние кои што се во тек.

 

[Zlatikevichius]

По повеќе од 25 години откако прв пат бев телепортиран во Макондо, конечно екранизирана „Сто години самотија“ од Маркез. Вчера на Netflix излегоа првите 8 епизоди од вкупно 16 колку што ќе има минисеријата. Денес ги изгледав сите, во еден здив. Пренесено буквално се, од А до Ш, баш онака како што на времето сум ги замислувал работите. Штета што ќе треба да почекаме за последните 8 епизоди.

 

[Факе]

Legion ја има некој глеано?

 

[Zlatikevichius]

До овој момент, 27.12.2024, 13:30 часот - 677 епизоди од 54 различни серии за мене во 2024! Го поминав рекордот од 657 во 2023. Подолу - тоа што беше најдобро во годината за мене и препорака - не смеете да го испуштите:

01. Slow Horses (Apple TV+)

Серија за која пишував, пишував, пишував... отворив и посебна тема... и за која ќе продолжам да пишувам. Вистинско откритие за мене беше годинава и дефинитивно број 1 серијата која ја изгледав. Британците обично не разочаруваат, особено со ваквиот тип на серии за тајни агенти, интриги, политика... Уште ми е во сеќавање одличната Bodyguard од пред некоја година и уште ми е мака што не ја продолжија. Е па ова е на најмалку исто ниво, во секој поглед! ОД-ЛИЧ-НА!

02. Yellowstone (Paramount+)

Oва може да се нарече мојот guilty pleasure за 2024 (всушност, претходно ја имав гледано целата серија, во 2024 ми останаа само последните епизоди кои цел свет ги критикуваше дека не било тоа тоа без Костнер, дека Шеридан си дал простор за себеси и неговиот douchbag карактер за да пополни простор и време... Но за мене беа неколку епизоди полни со толкав емотивен набој што на крај навистина не можев да се воздржам да не заплачам. Последната епизода беше masterpiece, според мене едно од најдобрите заокужувања на серија, ever, иако ќе прочитате на интернет тотално спротивставени тези. Иако цел универзум започна со Yellowstone, хронолошки по случувањата во него се започнува во 1883, со гласот на Елса Датон како наратор и причина зошто фамилијата Датон се најде баш во Yellowstone и остана таму век и половина. Во последната епизода од Yellowstone, се завршува со нејзиниот глас повторно и иако дел од ликовите остануваат и ќе продолжиме да ги гледаме и во продолжението на 1923 кое се очекува наскоро, но и во трите нови спин-оф серии кои се најавени (а скоро извесна е и четрвртата), сепак се доби една заокружена рамка од околу 150 години и седум генерации Датон кои се обидуваат да го зачуваат Yellowstone од сите бури кои го демнат низ годините. A masterpiece!

03. Lessons in Chemistry (Apple TV+)

Ова беше серијата од која најмалку очекував годинава, а која ме измести целосно. Се работи за минисерија за една хемичарка која ќе направи бум во телевизијата во САД во 60-тите со нејзиното феминистичко шоу за готвење во кое ќе ги имплементира знаењата од хемија. Да, кога вака ќе прочитате, звучи досадно. Но кога ќе почнете да ја гледате, по само неколку епизоди ќе ви приреди таков шок што сум сигурен дека уште не завршена, ќе сакате да ја репризирате. Најубавата љубовна приказна во 2024! Мора да ја погледнете.

04. Baby Reindeer (Netflix)

Веројатно најнаградуваната серија од сите во 2024. Веројатно и сите сте слушнале или сте ја гледале. За оние кои не - ѕирнете ја, нема да зажалите. Само да ве предупредам: се работи за вистинска приказна и иако голем дел од нештата се вметнати за драмски ефект, имајте на ум дека главниот актер / креатор / сценарист, Ричард Гад, го доживеал се тоа на сопствената кожа. Во целиот овој „свет“ на wokeness и политичка и што ти знам веќе каква коректност, убаво е за промена да се види и серија во која и белиот маж кој (барем најпрво) не припаѓа на некое обесправено малцинство, може да биде жртва.

05. Cien años de soledad / One Hundred Years of Solitude (Netflix)

Една од сериите кои долго се чекаа, екранизација на прекрасниот магичен роман на Маркез - Сто години самотија, за која пишував малку погоре. Туку најмногу бев маѓепсан од начинот на кој буквално е пренесен романот на екран, па се чувствуваш исто како кога го читаш романот: целосно пренесен во магичното Макондо. Мора да ја гледаат сите љубители на книжевноста, на магичниот реализам, на Маркез, на филмската уметност... сите љубители на убавото, воопшто.

06. Severance (Apple TV+)

Последната која ја гледав, можеби затоа е и толку високо на листата, но не верувам. Серија која почнува „лошо“, по неколку епизоди сакав и да ја прекинам, но последните 3-4 толку те мава во психа што буквално не дишеш додека пред тебе се нижат сликите. Толкав тензичен набој во серија не памтам од кога не сум доживеал! Сега едвај ја чекам најавената втора сезона.

07. Landman (Paramount+)

Пак Шеридан! И пак одличен! Серија која уште не е завршена, и за која за жал се позасилени се коментарите дека нема да биде обновена за нова, втора сезона, иако останува да видиме, ама феноменална! И за неа беше пишувано погоре. Ако сакате добар хумор, одлично возење низ нафтените полиња низ западен Тексас, добра драма и прекрасни цицки, ова е вистинската серија за вас!

08. Ted Lasso (Apple TV+)

Уште едно емотивно збогување со еден лик со кој три сезони се смеевме и кој одлично го долови значењето на фразата: „и зад најшироката насмевка може да се кријат многу демони“.

09. Star Trek: Strange New Worlds (Paramount+)

11 Star Trek серија, спин-оф на не толку фалената Discovery, ги врати ѕвездените патеки на старите патеки. Го следи патувањето на капетанот Кристофер Пајк на бродот Enterprise во 23 век додека открива чудесни нови светови низ галаксијата. Меѓу другите позитивни работи, мора да се забележи враќањето кон епизодното, односно антологиско раскажување во кое секоја епизода е посебна приказна, што одлично функционира со Патеките.

10. Foundation (Apple TV+)

Немам зборови за оваа серија! И по одличната прва сезона на која и замеруваа за фрагментираното раскажување во кое тешко беше да се поврзат работите хронолошки, во втората сезона каде нештата течат далеку полинеарно е многу полесно за следење, но грандиозноста - идентична. Една од најдобрите научно-фантастични серии некогаш направени и никој не може да ме убеди во спротивното!

HONOURABLE MENTIONS:
11. The Walking Dead: The Ones Who Live (AMC)
12. Shogun (FX/ Hulu)
13. The Morning Show (Apple TV+)
14. The Gilded Age (HBO Max)
15. 3 Body Problem (Netflix)
16. Monster: The Lyle and Erik Menendez Story (Netflix)
17. The Bear (FX / Hulu)
18. Outlander (Starz)
19. Bodies (Netflix)
20. The Tourist (BBC 1 / HBO Max)
21. How I Met Your Father (Hulu)
22. Fallout (Amazon Prime Video)
23. The Gentlemen (Netflix)
24. One Day (Netflix)

По години и години на HBO првенствено, па и на Netflix на првите 2 места на листата најдобри креатори на ТВ серии, годинава барем за мене дефинитивно беше година на Apple TV+ и Paramount+.

Од 2025 очекувам многу. Од тоа што вака рано е најавено: 1923 и The White Lotus, потоа се надевам дека конечно ќе излезе екранизацијата на Музеј на невиноста на Памук, па конечно можеби ќе има и турска серија меѓу најдобрите... и не знам што друго. Најавени се многу нови проекти, но што од тие ќе видиме во 2025, останува да почекаме.

 

[Zlatikevichius]

Откако ја изгледав Severance, пребарував на форумов да видам кој што напишал за серијата. И не е важно што најдов, не е тоа муабетот, туку - следно сакав да гледам нешто лесно, некоја тинејџерска серија која нема да ме замара, нервира и напнува, зашто последните неколку се беа такви. Имав неколку на ум, ама барајќи ги мислењата за Severance, најдов едно од @123456 каде во една реченица ја уби од фалење Outer Range. Нејсе, си продолжив да си читам за Severance, ама некако ми застана на ум мислењето на @123456 , ама сум прочитал не сум дочитал, па си помислив дека ја фали Outer Banks. И бидејќи баш таква серија барав, ја пуштив. 10 минути од прва епизода и сфатив дека или јас не сум во ред, или @123456 не е во ред. Ја исклучив и се отепав од барање на неговото мислење, со пребарувачов тука, мме. Ама го најдов! И сфатив дека јас не сум во ред. Sorry @123456 .

Цела среќа, таму некаде меѓу Severance мислењата имаше и едно на @Комита Ултрас за The O.C. колку му легнала и колку била лесна за следење. И знаев дека е тоа тоа и нема промашај. И еве си уживкам во неа. Не сфаќам само зошто веќе не прават вакви серии? Публиката за која се наменети веројатно не ја интересираат, I get it. Ама еве ние, геријатријата уште сакаме да се вратиме на нешта кои беа во свет толку подобар од денешниот. Еве споредба за тинејџерски серии денес: Sex Education, Elite, 13 Reasons Why, новата Heartbreak High... Полни со (демек срушени) секс табуа на разбудената американска и шпанска младина, полни со дрога, оружје, насилство, родови или што ти знам какви дегенерисувања и триста други глупости. Невиност и наивност кои беа својствени за овие серии од 1990-тите и 2000-тите = 0. Пред некоја година ја репризирав цела Beverly Hills 90210 (293 епизоди), пред 10+ години ја изгледав цела One Tree Hill, годинава ја репризирав и првата сезона од оригиналната Heartbreak High... И еве сега The O.C. - прекрасни серии! Прекрасни времиња кои за жал засекогаш отидоа во неповрат и неповратно се изгубени за денешниве генерации. За жал.

 

[wot]

Legion ја има некој глеано?

Да, јас. Ја препорачувам, кууки е и оригинална.
Најдобрата суперхеројска серија за мене.

 

[Хефест]

Наскоро пост од мене како Лост е најдобрата серија на сите времиња. Мораше тек сега да ми се разјасни ова

Ајде џими, до кај е постот?

Ја сум на 4-тиот rewatch моментално.

 

[Solaire of Astora]

Imawa no Kuni no Arisu (TV Series 2020– ) ⭐ 7.7 | Drama, Horror, Mystery

50m | TV-MA

m.imdb.com

Alice in Borderland. Ja izgledav za praznicive, vo dva dena dvete sezoni. Nesto nalik na Squid Game, so taa razlika sto e sto pati podobra, i izvorna, praena e spored roman. Mislam ne ocekuvajte slicnosti nekoi so Squid Game, ama konceptot na prezivuvanje e toj. Ne znam zosto ne e tolku komercijalna i poznavata, serijava e zakon i e nesto od najdobrite raboti koi sum gi gleal. Filozofski dobro postaveno prasanjeto za zivotot, smrtta i smislata na zivotot, dali zivotot ima i treba da ima smisla i dali taa e univerzalna?

Da ne gnjavam, gleajte nema da zazalite voopsto.

 

[Shawn Spencer]

Alice in Borderland. Ja izgledav za praznicive, vo dva dena dvete sezoni. Nesto nalik na Squid Game, so taa razlika sto e sto pati podobra, i izvorna, praena e spored roman. Mislam ne ocekuvajte slicnosti nekoi so Squid Game, ama konceptot na prezivuvanje e toj. Ne znam zosto ne e tolku komercijalna i poznavata, serijava e zakon i e nesto od najdobrite raboti koi sum gi gleal. Filozofski dobro postaveno prasanjeto za zivotot, smrtta i smislata na zivotot, dali zivotot ima i treba da ima smisla i dali taa e univerzalna?

Da ne gnjavam, gleajte nema da zazalite voopsto.

Tocno
Godinava treba da izleze treta sezona izgleda. Ne znam samo u koj pravec ke ja teraat posto so dve sezoni ubavo ja zavrsija.

 

[123456]

кој обожава вестерн нема да згреши да ја погледне оваа, ептен е брутална

 

[Mark Renton]

Од каде симнувате српски серии? Имаат некој српски/балкански сајт?

 

[123456]

Од каде симнувате српски серии? Имаат некој српски/балкански сајт?

Crnaberza

 

[Mark Renton]

Crnaberza

А дали можи да добијам покана за регистрација?

 

[123456]

А дали можи да добијам покана за регистрација?

prati mail u poraka

 

[Gags]

Почнав да ја гледам Алиса во Бордерлендс и сум до 5 епизода и за сега ми се допаѓа многу, се надевам ќе биде вака до крај.

Автоматски споено мислење: недела во 23:12

Alice in Borderland. Ja izgledav za praznicive, vo dva dena dvete sezoni. Nesto nalik na Squid Game, so taa razlika sto e sto pati podobra, i izvorna, praena e spored roman. Mislam ne ocekuvajte slicnosti nekoi so Squid Game, ama konceptot na prezivuvanje e toj. Ne znam zosto ne e tolku komercijalna i poznavata, serijava e zakon i e nesto od najdobrite raboti koi sum gi gleal. Filozofski dobro postaveno prasanjeto za zivotot, smrtta i smislata na zivotot, dali zivotot ima i treba da ima smisla i dali taa e univerzalna?

Da ne gnjavam, gleajte nema da zazalite voopsto.

Случајно ја открив серијава читајќи рецензии за Сквид Гејмс и за сега е одлична но ќе почекам до крај, Сквид почна исто одлично но како што прогресираше стануваше се поразочарувачка.