Најголем проблем беше и е квалитетот што како сектор го понудивме. Ако ги споредиш 2014 со 2024, тој квалитет е драстично опаднат. Едноставно, многу малку фирми во Македонија најдоа нешто повеќе од кодери. Имаме илјадници "инженери" на пазар кои никогаш не научија домејн, менуваа работи на секои 18 месеци, и служеа како велосити бустер, затоа што само знаат да кодираат.
Сега, потребата од велосити веќе ја нема, велосити бустерите може да си бараат друга работа. Се надевам дека од ова, многу луѓе ќе научат дека мора да носиш вредност, мора да го знаеш бизнис домејнот во кој работиш, и дека професионалниот интегритет е единствено нешто што е незаменливо.
Рече. Еве ти:
Ти си еклатантен пример на тоа што го зборам погоре. Конфузност, себенегирање во ист пост, и никаква конзистентност. Уште помалце прецизност.
Е, ок, се слагам овде.
Но, мора да се сфати дека за да се разбере бизнис домејн, особено на нешто градено со декади, бара време. Нешто што другата страна (онаа која вработува и дава пари), нема свест баш.
Ако претпоставиме дека на тебе ти требаат 10,000 саати за да бидеш експерт у нешто, иако денес тоа е помалце, но ок. Еве, во една година има 250 работни дена (не рачунајќи празници). одземи 20 дена одмор = 230 дена
230 дена х 7.5 работни саати = 1725 саати. Значи тебе ќе ти требаат буквално нешто помалце од 6 години за да ти бидеш експерт.
Малце се пластични бројкиве и климава е претпоставката, ама основата е таа.
Како може некој да очекува дека јас од девелопер на финансиска апликација, можам да бидам инстант експерт за некоја што решава проблеми во туризам ?
Едноставно индустријата е брутална.
Колку што знае(ше) да биде рај кога нештата се добри, толку знае да биде поголем пекол кога нештата идат у надолна линија, очигледно.
Знам дека така изгледа од твоја гледна точка.
Проблемот е што cashflow кога опаѓа, не им треба скалабилност, обично кога нема обрт, не треба да зголемуваш конзумација, треба да намалуваш. Секогаш има skeleton crew што прави maintenance и неопходни работи. Моментално е период кога не ти треба влегување во долг, високи каматни стапки и несигурна иднина во многу сектори, C-suite не се собрани од на улица, многу се анализира пред да се донесе одлука.
Да брат, ама далеку од тоа дека треба да се сече од корен и да се кратат трошоци кои доаѓаат од плати на продуктивен кадар. Ако пред 2-3-4 години се overspend-аше на нови луѓе, имам дојам дека денеска дупло порадикално се сече и се отпуштаат луѓе, се зголемуваат бариери за влез, до тој степен што не се гледа долгорочно. Како да има overcompensation на таа експанзија во време на короната. Едноставно како што иде времето и како што раснат нови генерации користењето на софтвер ќе биде се повеќе и повеќе застапено, и самата потреба за софтвери и кастом решенија ќе се зголеми.
Доста од сопствениците и стејкхолдерите на ова гледаат многу слепо и краткорочно, да не речам како типични baby boomers. Пари ќе си течат, што ќе им е на јузерите и клиентите нови releases и нови features. Си плаќаат цена и вака на не-мрдната апликација. Тоа им е мајндсетот. А не сфаќаат дека кога се ова ќе падне и економијата ќе биде подобра, касно ќе им биде дека ради нивна оверкомпензација веќе се outdated за маркетот во кој што се наоѓаат.
Дури и во убавите времиња, имам претстава дека се се прави со брзање, се инсистира на брзо деливирање на сметка на можеби квалитет. Се работи под притисок да се деливира, и нормално, при тоа е сосема природно да има 300 срања кога од тебе се бара да завршиш нешто за 2-3 спринта а природно е тоа да бидат 4 пример.
Друго, дури и во убавите времиња кога се примаа многу луѓе, сеуште барем по она што јас го искусувам и од други луѓе во индустријата, се добива дојам дека фирмиве се хронично understaffed за апетитите и функционалностите и нивото на квалитет кој што сакаат да го имаат. Девелопирањето е многу повеќе од штанцање код сепак.
Јас и понатаму сум прилично изненаден до кој степен фирмиве станаа гадови кога нештата почнаа да идат надолу. Знам, брутален е капитализмот, нема простор за емоции, сите тие ствари ми се јасни. Ама до тој степен, едноставно не очекував.
Искрено сметам дека ќе дојде и тој ден кога ќе се касаат за гз за таквите одлуки кои ги имаат донесено во овие тешки времиња.
