Успешнa приказна за македонските слободни индустриски зони

[arheolog]

Заложбите за привлекување странски инвестиции дадоа резултати
„Џонсон контролс“ и „Џонсон Мети“ пo 20 години ја сменија структурата на извозот на македонската економија и наместо како порано да извезуваме полупроизводи од челичната и од текстилната индустрија, придонесоа да извезуваме готови производи со додадена вредност, изјави министерот за економија Ваљон Сараќини по средбата со менаџментот на двете компании кои оперираат во ТИРЗ Скопје 1, Бунарџик.

- Целта на посетата е да се запознаам со проблемите што ги имаат компаниите и на кој начин можам да помогнам во решавањето на сите институционални проблеми кои се процедурални и може да се решат, изјави министерот Сараќини.

Тој посочи дека во услови на криза во последниве две години „Џонсон контролс“ и „Џонсон Мети“ успеаја да го задржат темпото на извоз и да најдат и нов пазар, Велика Британија. Притоа, двете компании годинава и следната година планираат за 50 проценти да го зголемат извозот, со што дури 50 отсто од вкупниот извоз на земјава ќе се реализира од компаниите кои оперираат во ТИРЗ.

- Пред две недели беше најавен влезот на три нови компании од Турција кои ќе почнат да градат фабрики во Бунарџик, а минатата недела беше објавено дека турска компанија ќе гради фабрика во ТИРЗ - Тетово. Има уште две компании што се при крај на донесувањето одлука за инвестирање во ТИРЗ, така што зоните веќе почнуваат да даваат резултати, рече Сараќини.
http://www.dnevnik.com.mk/?ItemID=2EA295D83ED1B94A8F6F18C171BA16E6

 

[Hiryu]

Ај вака - Пошто имам фамилија во МКД, се надевам дека ќе биде подобро.Кога сите ќе ги повлечам надвор(другарите веќе се иселија сите надвор), може слободно нуклеарка да падне, око нема да ми трепне.
Од тоа што го гледам и од тоа што ми кажуваат, нема да ве биде ни во 100години.Задоволен?

А ти не си НАС???

Твојата фамилија не е ниту местото ти родно или родниот крај испеано и тоа

Ајде не негирај, какво е чувството кога идеш ваму?

 

[fmi]

Има статистика, колкав е точно извозот от двете фабриски и како точно са го променили извозот?

 

[arheolog]

Доколку се земат предвид ефектите врз домашната економија од постојните странски инвестиции во зоните, како онаа на „Џонсон Мети“ и „Џонсон контролс“, кои целосно ја сменија структурата на надворешната трговија на Македонија, со реализација на инвестициите од Германија, Турција и од другите земји во наредниот период може да се очекуваат позитивни ефекти врз македонската економија

КОНЦЕПТ СТАР 2.000 ГОДИНИ ПОЧНА ДА ДАВА РЕЗУЛТАТИ И ВО МАКЕДОНИЈА
Нови инвестиции од Германија, Турција, Америка и од Холандија може да се очекува во наредниот период да влезат во Македонија, а некои од овие инвестиции би требало да бидат реализирани во слободната економска зона Бунарџик, најавуваат владини претставници. Доколку се земат предвид ефектите врз домашната економија од постојните странски инвестиции во зоните, како онаа на „Џонсон Мети“ и „Џонсон контролс“, кои целосно ја сменија структурата на надворешната трговија на Македонија, со реализација на инвестициите од Германија, Турција и од другите земји во наредниот период може да се очекуваат позитивни ефекти врз македонската економија. Во јавноста често се дебатира колку е успешен концептот на зголемување на економскиот пораст преку отворање слободни зони, а најдобар показател дека во отсуство на природни ресурси нема друг рецепт за зголемување на економскиот пораст во една земја се досегашните искуства на повеќе земји од регионот, но и од светот. Домашните експерти потврдуваат дека станува збор за успешен концепт и додаваат дека доколку земјата беше членка на НАТО и Европската Унија, интересот на инвеститорите ќе се зголемеше, бидејќи, покрај олеснувањата, на вложувачите им е потребна и сигурност.
Веле Самак, министер без ресор задолжен за привлекување странски инвестиции, вчера потврди дека две-три од најавените инвестиции треба се сместат во слободната економска зона Бунарџик.
- Во наредниот период се очекуваат повеќе нови инвестиции низ Македонија, главно од Германија, Турција, Америка и од Холандија. Од овие, две-три се специфични за Бунарџик - вели Самак.

Македонија моментно има четири технолошки индустриски зони: зоните 1 или Бунарџик и трговско-индустриската зона 2 во Скопје и по една зона во Штип и во Тетово. Инвеститорите во слободните зони не плаќаат ДДВ и се изземени од данок на доход и персонален данок за период од десет години по нивното отворање. Странските инвеститори во зоните, исто така, се целосно изземени од плаќање од 5 до 20 отсто царински давачки за увоз на стока, суровини и опрема. Компаниите добиваат бесплатен приклучок за гасовод, водоводна и канализациска мрежа, а Владата учествува во трошоците за градба во висина до 500.000 евра. Вкупната вредност произведени стоки и услуги во 2011 година во македонските слободни зони се зголеми за 29,13 отсто и достигна 1,3 милион евра. Моментно во фабриките во четирите зони работат повеќе од 1.150 луѓе, но тој број, како што вели директорот на индустриските зони Виктор Мизо, се очекува да се зголеми на 3.000 вработени.

- Бројката на сите досегашни и идните вработувања што се планирани во индустриските зони Скопје 1 и 2 и Штип ќе достигне над 3.000 луѓе. Дури и во услови на економска криза и работењето на автомобилскиот сектор во негативни услови, сепак кај нас компаниите работат рентабилно и се во фаза на отворање нови погони - истакна Мизо.

Покрај досегашните зони и најавите за отворање нови погони од постојните компании, најавена е изградба на седум индустриски зони во Прилеп, Гевгелија, Кичево, Струмица, Ранковце, Струга, Радовиш и уште три нови во Берово, Виница и Струмица.

Србија и Турција имаат најмногу зони

Универзитетскиот професор на Американ колеџ, Јован Пејковски, вели дека слободните индустриски зони се добра економска мерка и се еден од факторите што ја подобруваат економијата и го зголемуваат вработувањето, а на овој начин се зајакнува инвестирањето.

- Доколку Македонија би била во НАТО и во ЕУ, ние би имале уште повеќе инвеститори, бидејќи капиталот бара сигурност, на тој начин би се зголемил и бројот на компании. Поволностите од даночните олеснувања и пристапот до комуналните приклучоци им се потребни на компаниите, но за работењето е потребна и сигурност - појаснува Пејковски.

Слободната зона Пирот во Србија претставува една од најдобрите слободни зони во Европа, која се простира на површина од 150 хектари на Коридорот 10. Од неа во просек дневно излегуваат околу 400 шлепери со стока. Магазинот за директни странски инвестиции, разгранок на британскиот весник „Фајненшл тајмс“, ја рангираше на 41-то место во светот.

Во слободната зона домашни и странски компании работат по доста поволни услови. Во зоната Пирот извозот и увозот на стока се целосно слободни, компаниите се ослободени од плаќање на царинските давачки за увоз на стока, таму не се наплаќа ДДВ, дури ни на енергијата.

Драган Костиќ, директор на слободната зона Пирот, вели дека на тој начин ги привлекуваат инвеститорите. Им нудат поволни услови за работа, а го вработуваат локалното население.

- На ливадите никој не собира данок. На тој начин ќе привлечеме компании што ќе го вработат локалното население, а парите ќе ги трошат во опкружувањето - вели Костиќ.

Слободната зона во Пирот сака да работи по примерот на Кина. Формулата е следна: помагање на компаниите да се развијат доволно за да бидат силни бидејќи и по евентуалниот поврат на ДДВ и на данок, овие фирми не чувствуваат никаков трошок. Србија и Турција имаат најголем број слободни зони во Европа. Во Србија има 12 и во нив работат 211 компании, меѓу кои и „Фијат“, „Сименс“, „Панасоник“ и други. Компаниите што работат во Пирот само во 2011 година оствариле промет од речиси пола милијарда евра.

Во Хрватска има 13 слободни зони, од кои четири се наоѓаат во близината на Пула, Риека и Сплит. Главните финансиски олеснувања од користењето на хрватските слободни зони се ослободување од царината за увоз на стоки и намалување на данокот на добивка во висина од 50 отсто во првите пет години за корисниците што вложуваат во изградба на инфраструктурни објекти што чинат повеќе од милион куни.

Во Малезија 900 компании

Малезија, која беше премногу зависна од своите примарни производи како гума и дрво во 1950-тите години, направи свесен напор на премин во индустријализација откако земјата стекна независност во 1957 година. Првичниот фокус беше ставен на поттикнување на увозот во замена за индустрии како што се производи за широка потрошувачка. Меѓутоа во 1960 година, земјата се соочи со недостиг од работни места за сѐ повеќебројната популација. Во услови на зголемување на невработеноста, владата одлучува да воведе слободни индустриски зони што ќе привлечат странски инвеститори и ќе почнат со вработување на локалното население. Досега во Малезија има 18 слободни зони со повеќе од 900 компании, од кои само во четири од нив вкупните инвестиции изнесуваат 4,19 милијарди евра за четиристотини проекти и генерираа речиси 90.000 работни места. Сите слободни зони во Малезија вработуваат околу 30 отсто од вкупната вработеност во производствениот сектор.

Кога во 1978 година Кина одлучи да ја реформира националната економија, кинеската влада се оддаде на политиката на отворање кон надворешниот свет.

До 2000 година кинеската економија во слободните зони прими над 5.900 странски претпријатија, со вкупна инвестиција од речиси 30 милијарди долари и над 5.000 домашни претпријатија од целата земја. На овој начин се формира столб од индустрии главно од автомобилската индустрија, електрониката и компјутери, апарати за домаќинство и биолекови.

Грција бара спас во слободните зони

Претседателот на европскиот парламент, Мартин Шилц, неодамна ги поддржа плановите на грчката влада за воспоставување посебни економски зони и предложи контролен механизам за европските претставници што одлучуваат за инвестициските проекти наменети за зголемување на економскиот пораст. Атина планира да формира посебни економски зони во кои ќе ги привлекува инвеститорите преку ниските даноци и олеснети бирократски препреки.

- Сметаме дека таквите зони ќе ја поттикнат економијата, ќе привлечат инвеститори и ќе го зголемат извозот - изјави неодамна министерот за економија, Костатс Хаџидакис, пренесува Ројтерс.

Од Министерството притоа порачуваат дека инвеститорите нема да можат да се надеваат на ниски плати за работниците, особено затоа што минималната бруто-плата последните две години е намалена од 751 евро на 586 евра. Министерството исто така очекува да добие зелено светло од Европската комисија за овој план.

Сепак, на ваквите планови на Грција се спротивстави Меѓународниот монетарен фонд така што отворањето на слободните зони во оваа земја е сѐ уште неизвесно.

Се очекува наскоро да се пополни слободната зона Бунарџик / Фото: Маја Јаневска-Илиева
Традиција од 2.000 години
Институтот на слободни зони има традиција од 2.000 години, тие се воведени уште во античко време. Феникијците, Грците и Римјаните на одредени колонијални населби и поморски градови на Медитеранот им давале различни бенефиции за складирање, увоз и извоз за да го стимулираат развојот на трговија. Прва позната слободна зона била на грчкиот остров Делос во Егејско Море, кој во 166 година пр. н.е добил царински и даночни ослободувања во трговската размена со источниот Медитеран. Во средниот и новиот век многу европски земји им давале посебни трговски поволности на одредени градови, кои понатаму добивале статус на слободни градови.
http://www.novamakedonija.com.mk/NewsDetal.asp?vest=51113812109&id=10&prilog=0&setIzdanie=22876