Трип-хоп

  • Креатор на темата Креатор на темата TargeT
  • Време на започнување Време на започнување
Еве и нешто наше што ако ништо друго, барем се приближува до Трип Хоп, особено со вокалот на Angela McCluskey .

 
Wax Tailor xD
--- надополнето: 1 декември 2013 во 14:34 ---
Има две верзии на песнава
--- надополнето: 1 декември 2013 во 14:37 ---
Dragonborn122 напиша:
Wax Tailor xD
--- надополнето: 1 декември 2013 во 14:34 ---
Има две верзии на песнава
Кликни за повеќе...
 
Ај, пошто ми тргна со објаснување на музичките жанрови и поджанрови деновиве, да пишам и збор два за Trip Hop-от, за што прочепкав троа по нетов денес. Прво ги прелистав сите 17 страни од темава уште еднаш, и иако низ постовите е речиси се кажано, а двајца веќе имаа дадено дефиниција и поопширни постови за тоа што е Trip Hop (меѓу кои еден е Andrew), овде сакам само да сумираме.
_________________________________________________
AllMusic.com (претходно познат како AMG - All Music Guide) во нивната класификација на музички жанрови која денес во светот ја сметаат за најдобра и најреална, Trip Hop-от го класифицира на две места:
1.како под-жанр на Hip Hop-от, уште наречен Bristol Sound;
2.како вид на Downtempo музика, а Downtempo-то е всушност под-жанр на Електронската музика. Други видови на Downtempo според AllMusic се: Acid Jazz, Balearic Beat, Chill Out, Dub Music, Dubtronica, Ethnic Electronica, Moombathon, New Age и Nu Jazz. Со оглед на тоа што сите можеме да направиме дистинкција помеѓу Trip Hop и класичниот современ Hip Hop, проблемот е всушност да се разграничи Trip Hop-от од овие гореспоменати правци.

Значи, како прво - не може да се прави разлика меѓу Downtempo и Trip Hop, затоа што Trip Hop е вид на Downtempo!

Знаеме дека се појавил во раните '90-ти во Велика Британија, особено во Бристол, како директен потомок на Post-Acid House музиката. Терминот Trip Hop првенствено се употребувал за да за да опише еден експериментален вид на breakbeat кој во себе содржел влијанија на Jazz, Funk и Soul. Подоцна го нарекуваат и „фузија на електроника и хип хоп, во која ни еден од двата правци не е целосно препознатлив“. Најблизок е до амбиенталната музика (Ambient), а содржи и елементи од Hip Hop, R&B, Dub, House, и сите правци на електронската музика.

Називот trip-hop го е создаден во 1989, но прв пат во печатот станало збор за trip-hop во 1994. За пионери на Trip-Hop-от сите знаеме дека ги сметаат Massive Attack, а нивниот прв албум Blue Lines, издаден во 1991 се смета за прва позначајна манифестација на Trip-Hop, а хит синглот "Unfinished Sympathy" подоцна го сметаат за првиот Trip-Hop сингл (ова „подоцна“ - затоа што во времето на издавањето на Blue Lines, терминот Trip-Hop иако постоел, не бил на никаков начин поврзан ни со албумот, ни со Massive Attack, затоа што истиот масовно почнал да се употребува дури по 1994 година).


1994 и 1995 се годините кога Trip Hop-от процветува. Тогаш се појавуваат изведувачи како: Howie B, Naked Funk, Earthling, Red Snapper и др, но овој период го одбележало појавувањето на два бенда кои, заедно со Massive Attack, ја дефинираат Trip Hop сцената со години потоа:
-во 1994 Portishead го издаваат нивниот деби албум, "Dummy".
-во 1995 Tricky го издаваат својот деби албум, "Maxinquaye".
Други изведувачи кои вреди да се споменат, а се појавиле во овој период се Poe, и британскиот бенд Archive, кои иако на почетокот се Trip Hop изведувачи, подоцна се преориентирале кон Progressive Rock.


Следи периодот на постандардизиран звук на Trip Hop музиката, наречен Post-Trip-Hop. Значајни изведувачи: Esthero, Morcheeba, Sneaker Pimps, Anomie Belle, Alpha, Jaianto, Mudville и Cibo Matto. Овие изведувачи ја вклучуваат Trip Hop музиката и во другите правци, како Ambient, Soul, IDM, Experimental Industrial, Dubstep, Breakbeat, Drum 'n' bass, Acid Jazz, and New Age. Trip Hop-от влијаел и на редица други изведувачи од други жанрови, па тој провејува низ нивните дела: Gorillaz, Emancipator, Nine Inch Nails, Travis, Allflaws, How to Destroy Angels, Beth Orton, The Flaming Lips, Dido, Bitter:Sweet, Beck, Deftones, Björk, Janet Jackson, Kylie Minogue, Madonna и Radiohead се само дел од имињата. Trip Hop-от создал и свој подвид, познат како Illbient - Trip Hop базиран на Dub, кој комбинира Ambient и Industrial Hip Hop.



Најзначајните музички елементи на Trip Hop се:
-тежок бас ритам, често потпомогнат од забавените Breakbeat семплови типични за Hip Hop-от од ’90-тите;
-најчесто женски вокали, со вокални карактеристики слични на вокалите од R&B, Jazz и Rock музиката (секако, со забележителни исклучоци од ова правило - пр. Massive Attack);
-Кај Trip Hop-от најкарактеристична е меланхоличноста. Ова е можеби како последица на честата инспирација од Post Punk бендовите (и Massive Attack и Tricky имаат користено семплови од песни на забележителни Post-Punk бендови);
-мошне често се користат семплови во кои се забележителни саксофони, труби или флејти;
-текстовите се разликуваат од Gangsta Rap-от, но се многу слични со текстовите на Industrial Hip Hop, со кој што го спојуваат и breakbeat ритмите.
 
You must log in or register to reply here.

Kajgana Shop

Back
На врв Bottom