Еден ден до големиот Тиесто!
Вторник, 31.08.2010
Македонска сцена
Само еден ден до спектакуларниот настап на светскиот диџеј број еден Тиесто, во Метрополис арената во Скопје. Светската промотивна турнеја Калеидоскоп, вклучува промоција на новиот албум и преслушување на старите добро познати траки и нови ремикси.
Тиесто во Скопје доаѓа со својот тим, со приватен авион. По настапот во Скопје, со оглед на тоа дека секој ден менува држава и град, има еден ден одмор, ќе го искористи за ручек во некој од луксузните ресторани во нашата метропола. Неговите скромни барања, вклучија само црно – бел апартман, неколку шишиња скапо вино, водка, многу вода и енергетски пијалоци. Почетокот на журката е закажан за 20 часот. Пред Тиесто, на сцената во Метрополис со свој сет најпрвин ќе излезат Urban Dance диџеите Бушава Азбука, Дј Satellite и Navigator
Светската турнеја на Тиесто трае 14 месеци, вклучува 6 континенти и 150 настапи. Ова лето, овој диџеј број еден во светот, во клубот „Privilege“ на Ибица, го промовираше најновиот албум наречен „Kaleidoscope remixed“.
Траките од овој нов албум, ќе имате можност да ги слушнете и во Скопје, доколку утре со почеток во 20 часот и вие се најдете помеѓу илјадниците фанови на Тиесто, во Метрополис Арена. Организаторите најавуваат, одлична забава и незаборавна вечер. А Бекстејџ ветува дека за сите оние што нема да бидат дел од журката, импресиите ќе ги пренесе доследно....
Е сеа за тоа шо ќе пушта ќе видиме. Не мора стари ствари, само нека биде малце поживо, да не го тапша со хаус.
