Eве ви ја целата вистина и се` она што се случува во македонското пливање. По овој текст, извадок од дневниот весник „Време“ ќе ви стане јасно зошто јас толку бев против настапот на Михајло на ЛОИ.
Повелете, читајте, текстот е вистинит.
Текстов е реплика на статијата која ја напиша тренерот на Михајло, Марјан Соколовски, која ако ја најдам, ќе ја постирам и неа.
Учи и не спомнувај ме веќе Во врска со натписот „Пливачите и тренерите на СП во Рим како туристи“, објавен во „Време“, во кој е цитирана изјава на тренерот Марјан Соколовски, а потпишана од новинарот З.С., во интерес на вистината и правилното информирање на македонската спортска јавност, Ве молам да го објавите следново: - Срамно е од страна на Марјан Соколовски, „тренерче“ на ПК „Акватик“, да обвинува за „туризам“ на македонските пливачи и тренери за учество на СП во Рим 2009, кој истиот во 2008 како голем измамник и турист со неговиот пулен-маратонец, настапуваше на ОИ во Пекинг 2008, во дисциплината 200 краул, освојувајќи го извонредното претпоследно место.
- Дотичното „тренерче“, инаку е сопственик на ПК „Акватик“, создаден пред неколку години, не со цел да се занимава со квалитетно пливање, туку со пливачка школа и да ги мами родителите за да собира членарина.
- Кога велам дека е измамник, мислам, пред се, на тоа што со помош на ПФМ успеа да ја измами дури и Меѓународната пливачка федерација (ФИНА), дека неговиот пливач е најдобриот во нашата држава во 2008 година, иако тоа беше Сергеј Наумовски, со далеку повреден резултат од неговиот пулен, но, за жал, успеа да се прошета до Пекинг и сега изигрува олимписки тренер.
- Ноторна вистина е дека пливачите Сергеј Наумовски (1988) и Бојан Јованов (1990), сениори, на последното сениорско првенство, кое се одржа во Скопје, ги постигнаа највредните резултати, далеку подобри од неговиот „фаворит“ Александар Јеремиќ, кој во моментов е најдобриот младинец на Македонија, но не настапи на ЕП за младинци (каде му е местото), а го форсира за учество на СП. Искрено, не ми е јасно зошто!?
- Пливачот Евгениј Поп-Ацев на СП во Рим е пријавен како учесник во маратонската трка на 25 км, како најнадежен и вистински наследник на нашиот афирмиран маратонец Томи Стефановски, а тоа, мислам и ти ќе се согласиш, нема врска со неговиот настап на Универзијадата во Белград на 400, 800 и 1500 краул, каде што не беше последен како што наведуваш.
- Срамно е што во својата изјава колегата Зоран Величковски го поистоветуваше со Зорица Велковска (која не е во пливачкиот тим), иако многу добро знаеш дека е дипломиран професор на ФФК во Скопје и вклучен во процесот на тренирање на пливачите многу порано од тебе.
- Срамно е што забораваш и воопшто не ти пречеше да бидеш водач на македонската репрезентација на СП во Мелбурн 2007. Со ниту еден пливач со исполнета минимална норма.
- Не сум никаков „послушник“ на Стефан Пулејковски, кого бесрамно го споменуваш иако знаеш дека без негова помош, немаше да бидеш на СП во Барселона 1993, ниту на СП во Мелбурн 2007, ниту на ОИ во Пекинг 2008 и на многубројни маратони во светот, туку човекот веројатно правилно и објективно ги проценил луѓето што се инволвирани во пливачкиот спорт во Македонија.
- И на крајот (иако има уште многу да се каже), сакам да ти порачам тебе и на твоите пајташи, дека без мој одговор во средствата за јавно информирање во Македонија ќе останеш тогаш кога на Македонија ќе и донесеш: 1 златен, 2 сребрени и три бронзени медали од ЕП за младинци (Маленко, Бошевска, Стојановска), четврто место од ЕП за сениори (Бошевска “ Берлин 2002), шесто и деветто место од СП во куси базени (Маленко “ Рио де Жанеиро и Гетеборг), 10 место од СП (Мечковска - Рио-95), четврто место на Медитерански игри (Мешковска -1991) итн., а до тогаш молчи, учи, вредно работи, прави резултати и веќе не спомнувај ме.
Проф. д-р Димитрија Поповски
Извор: Време
![[ Македоникус ]*](/data/avatars/m/26/26045.jpg?1373015970){kind=avatar}
Се прашувам дали некој од овие што постигнаа светски рекорд пливаше со некој друг костим :raz:
