Снукер

[Dexter26]

UK Masters 2011

Од 9 јануари 2011 до 16 јануари 2011
во лондонската Вембли Арена.

14 јануари 2011
Шести ден:
Нил Робертсон 4:6 Марк Ален;
Питер Ебдон 0:6 Марко Фу.

Во вторите два меча од четвртина финалето, фаворитите изгубија.
Марк Ален е дефинитивно во одлична форма на UK Masters 2011, прво го водеше Нил Робертсон со 2:0, за да подоцна губи од Робертсон со 4:3, и на крајот го победи Робертсон со 6:4. Робертсон, кој беше единствениот фаворит од осмина финалето, кој успеа да се пласира во четвртина финалето, за жал, не успеа да се пласира и во полуфиналето.

Денеска дефинитивно не му беше денот на Питер Ебдон.
Вообичаено кога Питер Ебдон игра против Али Картер, Картер буквално тренира кога игра против Ебдон, не помнам колку пати
Ебдон има изгубено од Картер, но сепак, во осмина финалето на UK Masters 2011, Ебдон беше подобар од Картер, бидејќи
играа до последен одлучувачки 11 фрејм, кој беше освоен од страна на Ебдон, кој со победата од 6:5 над Картер се
пласираше во четвртина финалето на UK Masters 2011.
Не очекував Ебдон да победи во четвртина финалето на UK Masters 2011 и да се пласира во полуфиналето, но дефинитивно не очекував да изгуби без притоа да освои ниту еден фрејм.

Секоја му чест на Марко Фу, од самиот почеток до самиот крај на мечот помеѓу него и Питер Ебдон во четвртина финалето на UK Masters 2011, Фу уживаше во тотална апсолутна доминација над Ебдон.

Бидејќи полуфиналето ќе се одржи утре, сабота, 15 јануари 2011,
а финалето ќе се одржи задутре, недела, 16 јануари 2011,
ја поправам печатната грешка на почетокот од постот,
каде што пишува од кој до кој датум ќе трае UK Masters 2011 турнирот во снукер.

Погрешните датуми водат потекло од официјалниот веб сајт на ЕуроСпорт кој,
како што имам забележано во последно време, секојдневно претрпува технички
проблеми, но не верувам дека и печатните грешки можат да бидат резултат на
истите тие технички проблеми, но сепак, и техничките проблеми и печатните грешки
не се мои, туку на ЕуроСпорт, на мене останува само да се извинам за печатните грешки
кои ги објавив во моите постови за UK Masters 2011, а тоа се постовите #94, #99, #104 и #105

 

[Dexter26]

UK Masters 2011

Од 9 јануари 2011 до 16 јануари 2011
во лондонската Вембли Арена.

15 јануари 2011
Седми ден - Полуфинале:
Марк Ален 4:6 Марко Фу;
Динг Џунхуи 6:3 Џејми Коуп.

Марк Ален, кој пред почетокот на мечот помеѓу него и Рони О'Саливен во осминафиналето на UK Masters 2011, изјави дека е дојден за да победи,
го владееше Марко Фу со 4:1 во нивниот меѓусебен меч во полуфиналето на UK Masters 2011, а потоа, среќата премина на страната на Фу,
кој успеа да освои 5 фрејмови по ред и да го победи Марк Ален со 6:4, со што се пласираше во финалето на UK Masters 2011.

Џејми Коуп направи неочекувани грешки во меѓусебниот меч помеѓу него и Динг Џунхуи во полуфиналето на UK Masters 2011, но дефинитивно не
попушташе лесно пред притисокот предизвикан од стравот да изгуби во мечот, дури и во моментот кога губеше од Динг Џунхуи со 4:1
и успеа да го намали водството на Динг на 4:2.
Потоа Динг освои уште еден фрејм, овој пат зголемувајќи го своето водство на 5:2, по што Коуп уште еднаш демонстрираше дека сеуште не
попуштил пред притисокот предизвикан од стравот да изгуби во мечот со тоа што освои уште еден фрејм и со тоа успеа да го намали водството на
Динг на 5:3, по што Динг го освои деветтиот фрејм и ја запечати судбината на присуството на Коуп на UK Masters 2011 и се пласираше во финалето
на турнирот.

Во недела, на 16 јануари 2011, ќе сведочиме на интересен меч,
двајца кинези ќе си ги измерат силите во професионален снукер во финалето на UK Masters 2011.

 

[Dexter26]

UK Masters 2011

Од 9 јануари 2011 до 16 јануари 2011
во лондонската Вембли Арена.

16 јануари 2011
Осми ден - Финале:

Динг Џунхуи 10:4 Марко Фу.

Динг Џунхуи доминираше во текот на целиот меч помеѓу него и Марко Фу во финалето на UK Masters 2011.
Попладневната сесија Динг ја заврши со водство од 6:2 над Фу.
Во вечерната сесија Фу ги освои првите два фрејмови и успеа да го намали водството на Динг на 6:4,
со што на кратко се врати оптимизмот дека можеби Фу ќе успее да израмни на 6:6 и финалето да трае подолг временски период,
но Динг ги освои наредните 4 фрејмови за да го запечати финалето, а со тоа и крајот и исходот на UK Masters 2011,
со победнички резултат над Фу од 10:4.

Иако Британскиот Мастерс турнир во снукер 2011 не е рангирен турнир, односно ниту еден од учесниците на
турнирот нема да освојат ниту еден рангирен поен, сепак, нема да си отидат со празни раце.

На останатите учесници на турнирот не знам што им следува, но знам дека
Марко Фу ќе си оди со сребрен медал и 75.000 британски фунти кои што му следуваат поради неговото
учествување во финалето на UK Masters 2011, што дури и за британците ама воопшто не се малку пари,
особено во овие кризни времиња.

А од друга страна, Динг ќе си оди со трофејот и со 150.000 британски фунти
кои што му следуваат поради неговата победа во финалето на UK Masters 2011.

Наредниот турнир ќе биде Германскиот Мастерс турнир во снукер 2011, кој од рангирачки турнир во сезоните 1995/1996, 1996/1997 и 1997/1998,
и нерангирачки турнир во сезоната 1998/1999, се враќа на снукер сцената за прв пат после цели 11 снукер сезони, овој пат како рангирачки турнир кој би требало да трае од 1 февруари до 5 февруари 2011.
Овие датуми не се само од официјалниот веб сајт на ЕуроСпорт, туку и од официјалниот веб сајт за снукер на Светската Асоцијација за
Професионален Билијард и Снукер така да, доколку бидат грешни, тогаш значи и ЕуроСпорт и Светската Асоцијација за Професионален Билијард и
Снукер си имаат проблеми со синхронизацијата на нивните часовници и календари со текот на настаните.

 

[Dexter26]

Германски Мастерс 2011
Од 3 февруари 2011 до 6 февруари 2011
во берлинската Темподром Арена.

5 февруари 2011
Трет ден - Полуфинале:

Граем Дот 4:6 Марк Селби;
Марк Вилијамс 6:3 Марко Фу.

Не го пратев турниров во целост, бидејќи бев презафатен изминативе недела дена.
Една работа што ми се допадна во Германскиот Мастерс 2011 турнир во снукер беше тоа што во
берлинската Темподром Арена се играа дури 5 или 6 мечови истовремено, не помнам точно,
но немаше никаква разделба помеѓу масите за да спречи играчите да гледаат како се одвива играта
на другите маси, односно за да не се деконцентрираат истите, но по се изгледа дека ваквата атмосфера
повеќе ги опушти играчите, наместо да предизвика притисок или деконцентрација.

Исто така, турнирот ќе остане во вечно памтење за Џон Хигинс, кој на 4 февруари 2011 го изгуби својот татко.
Имено Џон Хигинс Постариот (или Сениор), татко на трикратниот светски шампион во снукер,
Џон Хигинс Помладиот (или Јуниор), после 6 годишна битка со ракот, почина на 4 февруари 2011.
На истиот ден Џон Хигинс го известија дека состојбата на неговиот татко се влошила поради што, Хигинс веднаш го
напушти турнирот, оставајќи му на Марко Фу против кого требаше да игра во осмина финалето истиот тој ден,
место во четвртина финалето, каде што Фу го победи Џо Свеил со 5:1 и успеа да се пласира во полуфиналето,
каде што изгуби од Марк Вилијамс со 6:3.
Но за жал, на пат кон Шкотска, Хигинс го информирале дека неговиот татко починал.

Уште една личност која ќе го помни Германскиот Мастерс 2011 турнир во снукер е Нил Робертсон,
кој го изгуби својот пасош и во последен момент успеа да фати лет за Германија, за да пристигне
непосредно пред неговиот меч против Ентони Хамилтон, во кој изгуби од Хамилтон со 5:4 во 16-на финалето.

Во недела, 6 февруари 2011, во финалето на Германскиот Мастерс 2011 турнир во снукер,
силите ќе си ги одмерат Марк Вилијамс и Марк Селби.

 

[Dexter26]

Германски Мастерс 2011
Од 3 февруари 2011 до 6 февруари 2011
во берлинската Темподром Арена.

6 февруари 2011
Четврт ден - Финале:

Марк Вилијамс 9:7 Марк Селби.

Тоа што се случуваше вечерта на 6 февруари 2011 во берлинската Темподром Арена е за паметење.
Марк Вилијамс го водеше Марк Селби со 7:4, по што Селби освои 3 фрејмови по ред и успеа да израмни на 7:7.
Во 15-от фрејм, Селби успеа да го снукерува Вилијамс, кој направи грешка и размести голем дел од топките на масата,
по што судијата Јан вер Хас си имаше малку потешка работа да ги врати сите топки на позициите на кои беа пред Вилијамс
да ги размести истите, затоа што Селби го остави Вилијамс да се обиде и по втор пат. Вилијамс повторно направи грешка
по втор пат но овој пат, за среќа на Јан вер Хас, не размести ниту една од топките на масата, по што Селби го остави
Вилијамс да се обиде и по трет пат. Вилијамс погоди по трет пат, по што Селби имаше доста лесни топки на почетокот, но на
крајот промаши црна, со што му пружи нова шанса на Вилијамс да го освои фрејмот. На Вилијамс му тргна добро, се до
моментот кога заврши со црвените топки и почна да ја чисти масата од шарените топки. Откако ја внесе жолтата, лошо ја
позиционираше белата за зелената, по што му пружи нова шанса на Селби, така што многумина веруваа, а по се изгледа и
Вилијамс се помири со губењето на 15-от фрејм. Но Селби повторно промаши, по што Вилијамс ја исчисти масата и повторно
го превзеде водството во мечот со 8:7.
Последниот фрејм повеќе делуваше како вежба за Вилијамс, кој лесно ги освои 82 поени, кои беа повеќе од доволно за Селби
да стане, но не за да се врати на масата, туку за да се ракува со Вилијамс и за да му ја честита победата во финалето на
Германскиот Мастерс 2011 турнир во снукер.

Воопшто не се сомневам дека Вилијамс воопшто не ни планираше да остави нешто на случајност, особено ако се земе во
предвид фактот дека пред речиси 2 месеца беше на прагот да го освои Британскиот Шампионат во Снукер 2010, каде што го
водеше Џон Хигинс со 9:5 во финалето, за да потоа Хигинс ги освои наредните 4 фрејмови по ред и успешно израмни на 9:9,
по што играа до последен одлучувачки 19 фрејм, кој исто така беше тензичен и тежок и за двајцата играчи, а кој беше
освоен од страна на Хигинс, а со тоа и победата во финалето на Британскиот Шампионат во Снукер 2010 ја однесе Хигинс
така да, верувам дека Вилијамс беше одлучен да не остави ништо на случајност во финалето на Германскиот Мастерс 2011
турнир во снукер против Марк Селби, после искуството што го имаше во финалето на Британскиот Шампионат во Снукер 2010 со Џон Хигинс.

Наредниот професионален турнир во снукер е Велшкото Отворено Првенство во Снукер 2011,
рангирачки турнир во снукер кој ќе се одвива од 14 февруари 2011 до 20 февруари 2011.

 

[Аеродром]

Ги пратам,робинсон ми е најубав !

 

[Dexter26]

Ги пратам,робинсон ми е најубав !

Кој е тој Робинсон ?
Или мислиш на Нил Робертсон ?

Патем, тазе новопечениот шампион на Германскиот Мастерс 2011 турнир во снукер, Марк Вилијамс,
во интервју бил прашан што мисли за отсуството на Рони О'Саливен, кој во последен час го откажа
своето присуство на Германскиот Мастерс 2011 турнир во снукер.
Во интервјуто, Вилијамс рекол дека во Берлин убаво било и без О'Саливен, но сепак признал дека
О'Саливен е фактор во светот на снукерот, велејќи дека само неговото присуство на натпреварите
е повеќе од доволно за да го дигне адреналинот кај публиката поради што, ако е неопходно,
треба на О'Саливен да му се плати само за да се појави, а камо ли па за да игра.

Извадок од изјавата на Вилијамс:
" Не е потребен Рони, го видовме тоа тука во Германија каде што публиката беше многубројна,
но сепак Рони со себеси носи дополнителна возбуда кај публиката. Тоа е крајниот заклучок.
Секаде каде што оди, ќе продадете повеќе билети. Можеби единствениот начин на кој може
да го убедат да се појавува почесто е ако му плаќаат само за неговото присуство. ".

Противникот на Марк Вилијамс во финалето на Германскиот Мастерс 2011 турнир во снукер,
финалистот Марк Селби, кој изгуби од Вилијамс со 9:7, не се согласил со ваквата теза на
Вилијамс, велејќи:
" Не се согласувам едни правила да важат за само еден играч, а други правила да важат за сите останати играчи ".

Претседателот на Светската Снукер Асоцијација, Бери Херн, за Рони О'Саливен,
кој ги има пропуштено 10 од вкупно 12 помали рангирачки турнири при снукер сезоната 2010/2011,
препорачал дека контроверзната ѕвезда на снукерот:
Цитат:
" треба да почне да размислува за својата иднина во светот на снукерот
како и за одговорностите кои произлегуваат од неговото присуство во истиот тој свет ".
Затворен цитат.

 

[Dexter26]

Велшко Отворено Првенство во Снукер 2011
од 14 февруари 2011 до 20 февруари 2011
во велшкиот Њупорт Центар

14 февруари 2011
Прв ден:

Џон Хигинс 4:3 Џек Лисовски;
Али Картер 4:3 Бери Хокинс;
Динг Џунхуи 4:3 Маркус Кемпбел;
Џејми Коуп 4:3 Рори Меклеод;
Марк Кинг 4:1 Мајкл Холт.

Најинтересен беше мечот помеѓу Џон Хигинс и Џек Лисовски.
Имено, уште недела дена пред да започне турнирот, Џек Лисовски кажа дека веќе успеал да го оствари тоа по кое што
дошол во Њупорт, а тоа е да игра против неговиот идол Џон Хигинс. Самиот Лисовски кажа дека, без разлика каков ќе биде
конечниот резултат во мечот помеѓу него и Хигинс сепак, неговата желба да игра против својот идол е веќе исполнета.
Хигинс го превзеде водството со 3:1, но Лисовски успеа да ги освои 5-от и 6-от фрејм еден по друг за да израмни на 3:3
по што мечот заврши со клучниот 7-ми фрејм кој беше освоен од страна на Хигинс.

Самиот Хигинс кажа дека воопшто и не ни планирал да игра, поради смртта на неговиот татко на 4 февруари 2011,
но неговата мајка му кажала да оди во Њупорт и да го направи својот покоен татко горд на него.
"Не сакав да играм, но татко ми би сакал да играм. Мислев како му беше минатата година на истото ова место.
Бев со умот низ целата сала додека играв, не можев да се концентрирам. Но навистина добро е чувството да бидам
назад во играта.", низ солзи изјави Хигинс откако ја оствари својата победа над Лисовски со 4:3.

Исто така, Хигинс додаде:
"Џек Лисовски е голем талент. Одлично се снаоѓа околу масата и го чека светла иднина во играта.
Имам само видено некои клипови од Џими Вајт кога бил млад на YouTube, но Џек Лисовски ме потсетува на него.".

 

[Dexter26]

Велшко Отворено Првенство во Снукер 2011
од 14 февруари 2011 до 20 февруари 2011
во велшкиот Њупорт Центар

15 февруари 2011
Втор ден:

Марк Ален 4:1 Род Лолер;
Марк Вилијамс 4:0 Марко Фу;
Марк Селби 4:3 Стјуарт Бингам;
Питер Ебдон 4:2 Доминик Дејл;
Нил Робертсон 4:2 Најџел Бонд.

Марк Селби си имаше еден вид тренинг со Стјуарт Бингам, кој успеа да израмни на 2:2, па потоа повторно Селби
го превзеде водството со 3:2, по што Бингам повторно израмни на 3:3, по што го играа последниот одлучувачки седми фрејм,
кој беше освоен од страна на Селби.

Но вистински маки си имаше Нил Робертсон, кој губеше со 2:0 од Најџел Бонд, но потоа среќата премина на страната на
Робертсон, кој освои 4 фрејмови по ред и го победи Бонд со 4:2.

И на Марко Фу не му беше денот, научи вистинска мајсторска лекција со резултат од 4:0 во корист на велшкиот мајстор
Марк Вилијамс, кој играше како на тренинг, охрабрен од своите сонародници Велшани.

 

[Stallion]

 

[џимеј]

^
Многу интересен натпревар ќе има ако Селби игра четврт финале со Робертсон кој ако не се лажам е моментален светски шампион. На другата страна Хигинс ќе е на killing spree како и секогаш, и ако испадне да игра против О Саливан и тоа ќе биде интересно за гледање.
Пратиме со друштвото, чисто спортски, некогаш дури и заедно се собираме да гледаме, колку да сме во тек и интересно е.

 

[Stallion]

Селби ќе го помине Кинг (толку му е силата на овој), а Робертсон - Дот ќе биде доста интересен дуел, Дот ќе бара одмазда за поразот во финалето на светското ама па од друга страна Нил е во подем и е во страшна форма така да типувам на уште една победа на Робертсон. Марк Вилијамс The Potting machine очекувам исто така да помине кај секогаш незгодниот Џејми Коуп, Марк Ален го фаворизирам во однос на "мувата".. Саливан ќе тепа со Деј, Хендри сакам да тепа со Пери а дали.. ќе видиме. Вреди да се спомене и дуелот Шон Марфи vs. Метју Стивенс имаат нерасчистени сметки овие двајца од финалето 2005 кога освои "дебелиот".
btw My favourite is Stephen Hendry



оф: Кај е основачот на темава да остаи некој коментар а? или се чека да му тргне на Хигинс :tv:

 

[Факе]

Џон Хигинс ис Д БЕСТ,да се разбереме

 

[Dexter26]

Ми се допаѓаат типувањата на секој од вас.
Секако, најмногу би уживал кога би играле Хигинс и О'Саливен.
Последен пат кога се соочија на големо беше на Светското Првенство во Снукер 2009
во четвртина финалето или во полуфиналето, не помнам точно.
Можеби се соочиле во меѓувреме повторно, но кога велам на големо,
тогаш зборувам за меч во кој ќе одиграат барем 10 фрејмови, а каде што победникот
ќе биде тој кој прв ќе освои 11 или 13 фрејмови, или повеќе се разбира
Уживам да ги гледам кога играат еден против друг на големо.

Џон Хигинс ис Д БЕСТ,да се разбереме

Се разбравме АРСЕНАЛ.
О'Саливен е најталентираниот, но Хигинс е најдобриот.
Животот е доста суров кон нив двајцата.

Татко му на О'Саливен го затворија во 1990-те поради убиство, мајка му пред некоја
година одлежа неколку месеци поради затајување данок, а талентираниот Рони си имаше
средби со алкохолот и дрогата, но сепак ништо од тоа не го спречи да остане најталентиран
и да ги освои сите тие турнири. Татко му го ослободија во 2010, па О'Саливен кажа дека сака да
помине што е можно повеќе време со семејството, со татко му, со децата свои, како и со новата
девојка (која патем не е мајката на неговите деца, чисто колку да за не дојдете до некој погрешен заклучок).
Па затоа и заебава оваа сезона, бидејќи и самиот признава дека не тренира редовно, бидејќи сака
да си помине што е можно повеќе време со семејството.

А на Хигинс му е најтешко изминативе година дена.
На крајот на сезоната 2009/2010 го наместија дека бил подготвен да прими поткуп, по што
ги помина 6 месеци под суспензија, и баш кога се испадна дека повторно тргнува кон подобро
откако го освои Британскиот Шампионат во Снукер 2010, еве татко му почина на 4 февруари 2011.
Низ солзи објаснуваше што го навело да игра на Велшкото Отворено Првенство во Снукер 2011,
откако го победи Џек Лисовски на 14 февруари 2011, само 10 дена по смртта на неговиот татко.
Ќе му треба време за да се смири и за да ја преболи смртта на татко му, но дефинитивно ништо од ова
што досега се случи не беше доволно за да го обесхрабри, ниту пак за да му ја ослаби кондицијата.
Секоја му чест, само нека се живи и здрави и тој и Рони.

 

[Dexter26]

Велшко Отворено Првенство во Снукер 2011
од 14 февруари 2011 до 20 февруари 2011
во велшкиот Њупорт Центар

16 февруари 2011
Трет ден:

Стифен Хендри 4:0 Џо Пери;
Метју Стивенс 4:0 Шон Марфи;
Стифен Мегваер 4:2 Џерард Грин;
Рајан Деј 4:2 Рони О'Саливен;
Џон Хигинс 4:1 Дејв Харолд;
Марк Селби 4:2 Марк Кинг.

Стифен Хендри беше добро расположен, како за промена, и издејствува победа над Џо Пери со 4:0.
Среќата не беше на страна на Шон Марфи, кој изгуби од Метју Стивенс со 4:0.

Изненадувањето на денот беше победата на Рајан Деј над Рони О'Саливен со 4:2.
Како домашен (Рајан Деј е Велшанин по националност) ја уживаше поддршката од публиката во Њупорт Центарот.

Но мора да се обрне внимание на фактот дека заклучно со овој последен меч, вкупно помеѓу Рајан Деј и Рони О'Саливен
се одиграни 5 мечови така што, во првите 4 мечови победата секогаш ја однел О'Саливен, додека овој 5-ти меч е првата
победа на Рајан Деј над Рони О'Саливен на професионален турнир во снукер, а мора да се додаде и фактот дека изминативе
4 сезони Рајан Деј не е баш во топ форма, така што оваа победа над О'Саливен доаѓа како вистинско изненадување од
страна на Рајан Деј.

Џон Хигинс уште еднаш ја демонстрираше својата кондиција и топ форма на Велшкото Отворено Првенство во Снукер 2011
со неговата победа над Дејв Харолд со 4:1.

Марк Селби си имаше маки со Марк Кинг, кој жилаво се обидуваше да го снукерува Селби и во неколку наврати успеа.
Но Селби успеа да се одржи во топ форма и извојува победа над Кинг со 4:2.