Лазања со болоњезе сос на мој начин
Потребно е:
500 гр листови лазања (несварени)
300 гр мелено месо
100 гр свежи печурки
1 главица кромид
1 конзерва пелат
3 лажици црвено вино
1 мало пакување неутрална хопла
пармезан
200 гр рендан кашкавал
бибер, сол, вегета, оригано
Подготовка:
Главицата кромид ситно исечкајте ја и пржете ја на масло. Додајте ги печурките на ливчиња и меленото месо. Динстајте на среден оган 20мин, месото убаво да се испржи. Додајте бибер, сол, вегета, оригано. Мешајте и додајте ги пелатите (долгнавестите доматчиња од конзервата) насечкани на коцкички. Потоа додајте три лажици црвено вино и намалете го оганот и уште 10 минути динстајте. Потоа исклучете го шпоретот и оставете ја смесата со покриен капак.
Настрана во длабок сад, истурете ја хоплата, додајте лажица пармезан, сол и убаво промешајте. Ако е многу густа, слободно додајте неколку лажици вода.
Во долгнавест огноотпорен сад, истурете на дното од конзервата доматен сок и наредете го првиот ред лазања. Посипете со хопла и дел од зајрето. Повторете ја постапката додека останете со најгорниот дел листови лазања. Полијте ги обилно со хоплата и ставете ги да се печат на 200 степени 30 минути. Кога ќе фатат коричка, извадете ги од рерна, врз нив посипете го ренданиот кашкавал и вратете ги во рерна. Исклучете ја - од топлината ќе се растопи кашкавалот и ќе го направи јадењето божествено.
Слика:
Прегледај го приврзокот 159985
Не сме на натпревар во профи ресторант и дома никој не мери со 0000,00005 грама, оставете ги луѓето да бидат среќни во храната и советувајте без да деградирате.
