Со оваа победа мислам дека тоа е тоа за сезонава, излегоа со желба да победат, плус играа пред своја публика со полна стадион и пукаа од самодоверба. Аталанта не е истата екипа од пред година две, многу се паднати и беше нереално да се очекува дека ќе ни помогнат. Сасуоло пак да не збориме, класичен push over ќе бидат.
Леао експлодира сезонава и баш тој е најзаслужен за резултатите. Секогаш кога на Милан не му одеше добро или се мачеше со затворени екипи овој наоѓаше начин претрча два тројца, да даде гол и да донесе бодови.
Сепак мислам дека Интер исто имаше добра сезона, два трофеи баш против ривал од кои традиционално губи. Против Милан што изгубија со пресврт неможе да им се земе на душа, сепак дерби е, мало невнимание и ако е квалитетен противникот казната ќе стигне. Ама против Болоња што излегоа на терен како да им е освоено скудетото на 10 кола пред крај е тоа неможам да сфатам.
Одлична сезона за следење и посакувам и наредната да биде интересна вака до крај, па кој изигра машки нека крева пехар на крај. Веќе нема екипа како Јувентус од пред 4-5 години која одскокнуваше во ростер, сега е барем поизедначено од тој аспект.