Сакам да зготвам соленки, имам прашање за квасецот колку време му треба да стои во вода?
Второ прашање сарма како се прави?
И трето прашање освен руска салата, која друга салата ја правите за празнициве?
1. За се кога стасува квасец препорачливо е барем 15 минути, ова е повеќе да не цркнеш од киселина инаку не прави разлика. Јас скоро во се го ставам без да стасува.
3. Салата од погоре што ти ја напишаа, веќе ја имаш пробано.
Јас правам
француска без лук и сенф. Мерките секогаш ми се од око, па и ти на вкус пробувај. Само внимавај: урдата, павлаката и мајонезот да не ти се премногу течни, зошто ако урдата пушти вода за 2 саати ќе треба како манџа да ја јадете.
2. Кнап ми е кога треба со мерки ама ај ќе се обидам:
Ќе ти треба ( за повеќе од 2 лица ):
1 глава ( кисела ) зелка
300-400 гр. мелено месо ( препорачливо мешано да е, не знам таму како какво го купуваш )
1 мала
чаша ориз
3 чаши вода ( ја користеш истата со која имаш мерено ориз )
сланина по желба, околу 150 гр.
1 главица кромид
магдонос
црвен пипер
зачин, бибер, сол, зејтин
( на тивок оган ) Ставаш зејтин да се загрее ама малку, го ставаш кромидот да се пржи и кога ќе почне да омекнува го ставаш месото. Го зачинуваш по твоја желба, иако во овој случај треба да ставиш и бибер
и пржиш. Цело време мешај го за да не ти останат грутки во форма на ќофтиња, значи треба да е ситно испржено. Исклучи ја ринглата и тогаш додади го оризот и магдоносот и продолжи да пржеш уште минутка некаде.
На зелката и ги двоиш сите листови и првите ги ставаш настрана за на крај. На другите им го острануваш тврдиот дел со нож ( кочанот ) и во секој лист одприлика оди една голема лажица фил, пак од око ќе измериш. За да ти е полесно, листот нека ти стои на тврда подлога, стави го филот и првин едниот ( страничен ) крај свиткај го навнатре, после другата страна свиткај ја навнатре и дури тогаш почни да ја моташ сармата и да притискаш нежно со прстите. На овој начин нема да ти се направи растурена сарма.
Е, редењето во тенџерето е исто битно. Не треба да имаш многу простор меѓу сармите за да не пливаат. Треба да бидат една до друга, со замотаниот дел надолу и плус не треба да ти бидат во повеќе од два реда ( значи да не трупаш една врз една многу зошто ќе останат живи и плус ќе ја сменат формата). Што значи ќе користиш
пошироко, а пониско тенџере.
Кога ќе ги завиткаш сите, им редиш сланина ( ако сакаш, не е задолжително ) и на крај завршуваш со листовите зелка што ги тргна на почетокот. Кога се тоа ќе ти е готово, ги налеваш со 3 чаши врела вода. Во мало тенџерче спремаш врел зејтин со една лажична црвен пипер и попаруваш сосема на крај. ( за сол ќе го пробаш филот со месото и ќе треба да ти е доволно солен т.е треба да мислиш и на тоа дека и вода ќе ставиш )
Тенџерето поклопи го и стави го во загреана рерна на 150 степени. Или ако сакаш на рингла на тивко. Кој начин и да го користиш не треба да ги форсираш за да не ти се свари оризот, а зелката да ти крцка многу. Што потивко, помирна глава ( одприлика се прават околу 2 часа, во зависност од рерна/плоча и каков ориз ќе користеш). Готови се додека ќе снема вода внатре. Иако највкусни се кога барем еден прст течност ќе остане, за да бидат сочни.
И ти најдобро знаеш каков ориз ќе користиш, ако прима повеќе вода, стави и 4 чаши за најсигурно да не ти остане жив.
Опфатив се?
........... Сунѓер салата (суви везени пиперки ќе ставиш во рерна со зејтин, ама да не изгорат...... кога ќе се оладат исечкај ги на ситни парчиња, додај му неколку капки лимон и измешај ги со урда, лажиче мајонез и сецкани маслинки). 
Ич не е тешко.
