Во врска со Џон Ленон
ЛОС АНЏЕЛЕС (Ројтерс) - Дваесет и пет години по убиството на Џон Ленон, продолжува судскиот процес околу тоа дали да се објавуват последните 10 страници од тајните досиеја на ФБИ за поранешниот Битлс без изгледи за разврска. ФБИ составил околу 300 страници документи за пејачот кој стана активист во 1971 година и 1972 година како дел од напорите на претседателот Ричард Никсон да го депортира и замолчи Ленон како критичар на Виетнамската војна, вели историчарот Џон Вајнер, која ја води судската битка за објавување на досиејата.
"По долги години судење, ФБИ ги објави сите страници освен 10, кои ги задржа како прашање на националната безбедност", вели Вајнер, професор по историја на Универзитетот на Калифорнија-Ирвајн. "Во време кога се соочуваме со прашања за живот и смрт како што е тероризмот, ФБИ ја тривијализира националната безбедност во име на политичката целисходност", вели тој.
Вајнер и Американската унија на граѓански слободи на Јужна Калифорнија првпат ја покренале судската постапка за Слобода на информирањето во 1983 година за да добијат пристап до тајните досиеја за Ленон. Случајот стасал до Врховниот суд пред ФБИ во 1997 годинада се согласи да ги обелодени документите освен последните 10 страници. Во септември 2004 година, судијата на американскиот обласен суд во калифорнија му наредил на ФБИ да ги објави и последните 10 страници, но најнов пресврт е оној од 20 октомври годинава кога ФБИ поднесе жалба на одлуката на судот.
Според законот за Слобода на информирањето, ако информациите се добиени од странска држава, тие информации се ослободени од законот за објавување", вели портпаролот на ФБИ Бил Картер. Марк Чепмен го уби Ленон на 8 декември 1980 година додека влегуваше во зградата во која живееше во Менхетен.
- каков вокал!
