Кинезите навистина се погрижија да добиеме перфектно добро отворање на Олимпијадата, и се грижеа за сите детали.
Претходно дојде информацијата за компјутерско симулирани 55 секунди од отворањето кое одеше на ТВ, а сега доаѓа информација дека девојчето кое ја пееше кинеската песна со револуционерна тематика „Ode to the Motherland“ само ја отворало устата.
Лин Миаоке (9) е името на девојчето во црвено фустанче кое ја воодушеви кинеската но и светската јавност со нејзиниот прекрасен глас и убав изглед но како што објавуваат кинеските медиуми, таа била само „убаво девојче во црвено фустанче“ кое ја отворало устата.
Вистинскиот ангелски глас го поседува Јанг Пеији (7) која не била поставена на теренот поради оценката на организаторите дека не ги поседува доволните критериуми за убавина со кои треба да ја претстави кинеската нација пред светот, поточно најмногу поради кривите заби.
Покрај оваа, и информацијата за компјутерско симулираните 55 секунди од отворањето наменети за телевизискиот пренос, треба да ја одбележиме и веста која вели дека поради недостиг од публика која би се заинтересирала да ги следи игрите, организаторите ангажираат „навивачки групи“, лажни навивачи и љубители на спортските игри, кои можете да ги видите облечени во жолти маици.
Колку многу (скандалозни) информации, за толку малку денови... што значи, има што да очекуваме понатака...
Како прво ако сметате дека повеќе одговара за Чек Дис Аут преместете го таму, а како второ што сметате вие во случајов?
Ова би му дошло како опомена до сите кои имаат талент а „немаат“ убавина да не го покажуваат талентот или јас таков впечаток сум добил?
