За носител на листа во СДПМ на Јаневски е битно совпаѓање на имињата со кандидатите на СДСМ
Вистински куриозитет на овие избори претставува партиската листа на Социјалдемократската партија на Македонија (СДПМ) предводена од Бранко Јаневски. Таа како да е составена од „двојници“ на носителите на листи од партијата која и без тоа носи слично име - Социјалдемократски сојуз на Македонија (СДСМ).
Ролјата на овие избори на една од најстарите регистрирани партии во Македонија, која има безначајна улога во политичкиот живот и никогаш не се појавува на рејтинг–листите, изгледа е единствено да ги збунува гласачите на СДСМ кои ја предводат „Сонце - коалиција за Европа“. Паѓа в очи дека единствен критериум за да се стане носител на листа во партијата на Јаневски како да бил колку што е можно поголемо совпаѓање со имињата и презимињата со кадрите на СДСМ.
Така, во Првата изборната единица, противкандидат на лидерката на СДСМ е извесна Рада Шеќеровска, во „двојката“ на Јован Манасиевски ќе му се спротивстави Јован Манчевски, додека актуелниот градоначалник на Струмица, Зоран Заев, кој е носител на листа во „четворката“, ќе се бори во изборниот ринг со Зоран Зашев. Еден од потпретседателите на СДСМ, Јани Макрадули, во „петката“ треба да биде „заменет“ со својот партиски близнак од СДПМ, кој случајно се вика Јанис Макрис. Игор Ивановски-Шема, пак, кој е носител на листа на коалицијата „Сонце“ во ИЕ 6, како противкандидат го има човекот со исто име и презиме - Игор Ивановски од СДПМ. Единствено лидерот на СДПМ, Бранко Јаневски, во „двојката“ го „расипал“ просекот на партиски парови на двојници, па лично ќе се соочи со лидерот на НСДП, Тито Петковски. Останува нејасно дали причината за отстапката била тоа што во СДПМ имале недостиг од имењаци на Тито или, пак, Јаневски не сакал своето место да му го препушти на некој друг.
Ова не е прв пат некои партии да се служат со вакви методи за доведување на гласачите во заблуда. И на минатите парламентарни избори Никола Поповски од СДСМ, кој беше носител на листа во „четворката“, случајно или не, доби „двојник“ со исто име и презиме на друга листа, па така загуби многу гласови.
ОД што се плашат простаците од ДПМНЕ на овие избори кога рејтингот му бил трипати поголем од на СДСМ?
Десетици илјади вработувања, кампањи со државни пари, слични имиња на листи, претседател на изборна комисија - член на Бугарашката партија.... Чувствувам паметно спремен фалсификат.
Сваштааа..
