Кано на својот сајт ги објаснува негативностите на Руските подморници, но доколку направете споредба помеѓу Руска подморница и карактеристиките на Кано системот ке видете дека има повеќе од 90% сличности:
Линк до Кано систем:
http://www.kanosistemi.com.mk/content.php?id=80&parent_id=73.
Линк до произведител на парно од тип Руска подморница:
http://translate.google.com/transla...=http://galan.ru/products/electrod/index.shtm.
Сличности:
1. И двата системи место грејачи користат електроди кои што дирекно ја загреваат водата (од овде доаѓа и нивната голема ефикасност).
2. Системот на Кано има заштита со максимален притисок од 3 бари, додека руската подморница од линкот погоре е со 2 бари (не сум баш најсигурен, но мислам дека обичните парна работат на неколку пати повисок притисок, како на пример 10 бари).
3. И двата система автоматски се гасат доколку протече вода, а ова и не е нешто за што се специјално дизајнирани, туку произлегува од начинот на загревање на водата (доколку нема вода помеѓу електродите, а водата е таа што го поврзува струјното коло, односно протекува струја низ неа, па нормално е дека системот ќе се изгаси).
4. И двата система имаат можност за едноставно премостување на фаза, доколку во едната фаза моментално нема струја (оваа функционалност е достапна и кај обичните котли, доколку нели сите фази не се користат од котелот).
Разлики:
1. Руската подморница користи (обична или дестилирана) вода и сода бикарбона или сол со која се регулира електроспроводливоста на водата, додека Кано системот користи дестилирана вода со електролит кој што е откритие на Кано и се држи во голема тајност. Од што се состои електролитот никој не знае, па може да е и раствор од сода бикарбона. Шала на страна, негативностите што ги носи солта и сода бикарбона не се познати само на Кано и неговиот тим, и мислам дека и производителите на руски парна се свесни за ова, па имат работено на решавање на проблемот. На пример руската подморница од линкот погоре може да ја користите и со специјален раствор (електролит Galan Protector) кој го продава самиот производител (
http://galan.ru/products/fluid/index.shtm).
2. Мислам дека се толку
, не гледам други разлики.
Она што сакам да го дознаам е од кои се состојки се состои електролитот на Кано... од кај инаку ќе знам дека е еколошки, безбеден, не е токсичен/канцероген... па нели на сите производи треба да има декларација за нивниот состав, а и некоја институција треба да потврди дека растворот навистина е безбеден за употреба.
Друго нешто што дојдов до заклучок читајќи по форуми и разни сајтови е дека ефикасноста на системот на греење доаѓа и од начинот на негово користење. Користењето на дигитални тајмери, кои што го исклучуваат котелот кога нема никој дома или да се вклуче со поголема моќност кога е на ефтина струја. Исто така постојат и специјални термостатски вентили со кои може да се регулира секој радијатор поединечно, па може одредени простории што не се користат често да се одржуваат на пониска температура (wc, спална, ходник). Со користење на вакви accessories , се заштедува до 30-40% од потрошената струја за греење. Еве само погледнете каде отиде светот со паметни термостати:
www.nest.com.
Поздрав
