Не знаев каде на друго место да прашам, затоа ајде нека биди овде, па кој знае нека одговори.
Живеам во стан во Германија во којшто греењето е со гас. Најголем дел од населението во Германија е со централно греење, но доста голем дел се греат или со гас или со масло.
Во претходниот стан во којшто живеев затоплувањето беше со централно греење и во зградата немаше сепаратен/засебен уред за загревање, но во станов каде што моментално живеам газдата има „гас-бојлер„ кој служи за загревање на водата.
Е сега прашањето ми е поврзано со функционалноста и зажтедата на енергија...
Моментално за затоплување се употребува само еден радијатор кој е наменет само за една просторија. Ме интересира како точно функционираат одделно радијаторот и самиот уред за загревање на гасот, бидеќи и на двете страни има регулатор на топлина.
Обично радијаторот го оставам на 3-ка преку цела зима, барем така прочитав дека било поекономично отколку да го гасиш и потоа наредниот ден наново да затоплуваш. Што всушност ми е прашањето околу точноста и исправноста на овој метод. Дали на овој начин стварно се заштедува на потрошувачка или сепак другиот метод е поефикасен?
А исто така ме интересира и засебната улога на бојлерот и радијаторот во врска со затоплувањето.
Во врска со тоа имам два методи на регулирање...
1. Бојлер на број 4, радијатор на 5.
2. Бојлер на број 7, радијатор на 3.
Дали заштедата е поголема во случај 1 или 2?
Бидеќи без разлика дали зголемуваш на радијатор или на бојлер, топлината во просторијата се зголемува и на двата начини.
Е сега не ми е јасно како одделно функционираат двете страни. Ок кај бојлерот е веќе јасно, троши енергија при затоплување онака како што ќе го подесиш, но како радијаторот регулира топлина?
Дали е поврзано со брзината на протокот на вода? Пример топлината на одржување на водата е 60 степени, па доколку радијаторот е регулиран на 5-ка, тогаш протокот на вода е подинамичен со цел оддржување на таа температура во радијаторот.
