На денешен ден!

1840 Во Ница умре Николо Паганини, италијански композитор и виолинист. Компонира виолински концерти, сонати, камерна музика и познатите "каприча" на соло виолина. Роден е во Џенова, на 27.10.1782 година.
1878 Родена е Исисдора Данкан, прочуена северноамериканска балерина, жена на рускиот поет, Сергеј Есенин. Умре во Ница, во 1927 година.
1957 Пуштен е во погон првиот агрегат на ХЕЦ "Вруток".
1964 Во Њу Делхи умре Џаварахал Нехру, државник кој беше симбол на нова Индија. Со децении се бореше за независноста на земјата и стекна голем меѓународен углед. Тој е еден од основачите на Движењето на неврзаните. Роден е на 14.11.1889 година.
1993 Република Македонија е примена во членството на ООН за индустриски развој.
1996 Република Македонија и Обединетите Арапски Емирати воспоставија дипломатски односи на ниво на амбасадори.
- Дена македонското електростопанство.
 
1926 Во Лос Анџелес е родена Норма Џин (Мерилин Монро), американска филмска артистка. Играше во филмовите "Џунгла на асфалтот", "Нијагара", "Автобуска станица" и "Седум години верност". Умре на 5.08.1962 година.
1953 Во Женева е основана Европската организација за нуклеарни истражувања.
1974 Умре Хуан Перон, аргентински политичар и државник. Роден е во 1895 година.
1992 Во Скопје е поставен камен - темелникот на Домот - музеј на народна музика, објект што на Македонија и го подарија македонските естрадни уметници Есма и Стево Теодосиевски. Свечено е пуштен во употреба во мај 1996 година.
1994 Во Скопје е поставен камен темелник на Институтот за применета кинезиологија и рехабилитација.
 
1624. Роден е полскиот крал Јан Трети Собјески, кој во текот на владеењето од 1674 па се до смртта во 1686 година го оневозможи длабокиот продор на Турците во Европа.
1584 Католичките држави во рамките на светото Римско царство го усвоија Грегоријанскиот календар.
1740 Роден е францускиот писател Донасјен Алфонс Франсоа де Сад, познат како Маркиз де Сад. Дела: романите „Јустина“ и „Жилиета“.
1789 По донесувањето на американскиот Устав со кој се утврдија начелата на државното уредување и надлежностите на претседателот, во САД се одржаа првите претседателски избори на кои убедливо победи Џорџ Вашингтон, прочуениот водач на војната за независност.
1804 Роден е рускиот композитор Михаил Иванович Глинка, творeц на рускиот национален стил. Автор е на првата руска национална опера „Иван Сусањин“. Според истоимената поема на Александар Пушкин, го напиша либрето за операта „Руслан и Људмила“. Останати дела: фантазија „Камаринскаја“, увертирата „Ноќ во Мадрид“, камерна музика, романси, црковна музика, соло песни.
1840 Роден е Томас Харди, англиски писател. Поради специфичниот реализам и извонредно пластичниот опис на амбиентот во кој се случува дејството на неговите романи, тој е сметан за најдобар англиски автор од тоа време - „последен викторијанец“. Неговите дела целосно го застапуваат трагично-фаталистичкиот поглед на светот. Познати се неговите дела „Под гринвудското дрво“, „Далеку од лудата толпа“, „Градоначалникот на Кестербриџ“ и други. Умре на 11 јануари 1928 година.
1857 Роден е англискиот композитор и виолинист Едвард Вилијам Елгар. Дела: ораториумот „Геронтијусов сон“, концертните увертири „На југ“, „Енигма за варијациите“, „Фалстаф“, две сомфонии, концерти за виолина и виолончело.
1882 Умре италијанскиот револуционер Ѓузепе Гарибалди, водач на движењето за обединување на Италија.
1886 Во Пчеликово умре Алексанар Николаевич Островски, руски драмски писател, автор на педесетина драмски дела што ја претставуваат основата на рускиот класичен драмски репертоар. Меѓу најпознатите негови дла се „Бура“, „Мома без мираз“, „Шума“, „Свои сме, ќе се разбереме“, „Волци и овци“ и други. Роден е во Москва, на 31 март 1823 година.
1898 По конституирањето на првата подморница која се движеше на тркала по морското дно и со додавање на цевка низ која во подморницата влегуваше свеж воздух, американскиот техничар Симон Лејк водеше телефонски разговор од својата подморница со претседателот на општината на градот Балтимор. Тоа значеше почеток на новиот начин на телефонско комуницирање.
1902 Во селото Пателе, Леринско, во борба против турската војска, откако му приврши муницијата, се самоуби Диме Абдарманов, истакнат македонски револуционер. Беше член на ТМОРО од 1896 година, а како комита особено стана популрен како народен заштитник. Роден е во селото Пателе.
1904 Во Виндбер, Пенсилванија, е роден Џони Вајсмилер, американски пливач, ватерполист и филмски актер. Беше најуспешен толкувач на ликот на Тарзан во серија филови. Умре во Акапулко, Мексико, на 20 јануари 1984 година.
1916 Во Скопје е роден Јордан Николов-Орце, народен херој на Македонија. Тој беше еден од организаторите и раководителите на работничкото движење во Македонија и член на Покраинскиот комитет на КПЈ за Македонија. Во ноќта меѓу 3 и 4 јануари 1942 година, на пат за Македонија, минувајќи ја планината Кукавица кај селото Туба, во близина на Владичин Хан, убиен е од заседа на бугарскиот фашистички окупатор.
1924 Американскиот Конгрес го призна државјанството на сите преостанати Индијанци, староседелци на територијата на која се создадени САД.
1940 Роден е грчкиот крал Костантин Втори, последниот монарх на Грција кој владееше од 1964 до 1967 година. Воениот режим во Грција ја укина монархијата во 1973 година.
1943 Во Њујорк умре Никола Тесла, еден од најголемите умови и пронаоѓачи на полето на електротехниката. Тој е пронаоѓач на трофазен систем за пренос на електрична енергија, на индукциониот мотор, на генераторот и трансформаторот и на цела низа други откритија врз кои денес се заснова модерната електроника. Тој е пионер на радиотехниката и според него струјата со висок напон го доби името Теслина струја. Роден е во селото Смилјан, кај Госпиќ, на 10 јули 1856 година.
1946 Италијанците на референдум се изјаснија за републиканско уредување, отфрлајќи ја монархијата.
1953 Британската кралица Елизабета Втора е крунисана во Вестминстерската катедрала во Лондон. Таа е прва церемонија која е пренесувана на телевизија.
1983 Советскиот Сојуз од стелит во орбитата на Земјата лансираше нова вселенска сонда за истражување на планетата Венера.
1987 Умре шпанскиот гитарист Андрес Серовиј, најголем мајстор на овој инструмент во 20 век. Со само седум години приредувал концерти ширум светот, извонредно толкувајќи дела на класични мајстори, со што гитарата ја смести во редот на концертните инструменти за серизона музика.
1997 Во Џорџтаун умре Адолфус Док Читам, една од последните американски џез легенди, водечки трубач во оркестарот на Кејб Неловеј. Роден е во Нешвил, на 13 јуни 1905 година.
1999 Во Јапонија, по повеќедецениски полемики, се легализира употребата на средствата за контрацепција.
2006 Умре рускиот вајар Вјачеслав Кликов. Тој е еден од иницијаторите и организатор на Деновите на словенската писменост и култура, а беше и претседател на Меѓународниот фонд за словенска писменост и култура.
 
1098. По петмесечна опсада во Првата крстоносна војна, крстоносците го зазедоа градот Антиохиј (денешна Антакија на југот на Турција).
1657 Умре англискиот лекар Вилијам Харви, основач на модерната физиологија. Тој ја откри природата на циркулацијата на крвта во срцето како пумпа. Научното толкување за работата на срцето и физиологијата на крвотокот го основа со правење експерименти врз животни.
1808 Роден е американскиот државник Џеферсон Дејвис, претседател на Конфедерацијата на Американските Држави.
1875 Умре францускиот композитор Жорж Бизе, автор на операта „Кармен“, ремек дело на францускиот музички реализам, еден од најоригиналните и најсугестивните оперски композитори. Останати дела: операта „Ловци на бисери“, сценската музика за „Арлезијанка“, од Алфонсо Доде, „Симфонија во C-dur“.
1896 Во Москва е потпишан договор меѓу Русија и Кина за ненапаѓање во следните 15 години. Кина и одобри на Русија да ја користи железницата во северна Манџурија.
1899 Умре австрискиот композитор, виолинист и диригент Јохан Штраус Младиот, творец на виенските оперети. Компонирал и валцери, маршеви. Дела: „Слепиот глушец“, „Циганин барон“, „Ноќ во Венеција“, валцерите „На убавиот син Дунав“, „Приказни од виенските шуми“, „Виенска крв“, „Виена, жени и песни“.
1906 Родена е француската пејачка од афроамериканско потекло Жозефина Бекер, која во Втората светска војна му се приклучи на движењето на отпорот против нацистите за што беше одликувана со највисоки француски ордени. Со светска слава се стекнала после 1925 година, кога настапувала во париските кабареа „Фоли Бержер“ и „Казино д Пари“. Пеела шансони, збогатувајќи ги со типично француски песни со елитен џез. Како истакнат борец против расизмот, уште во раната младост посвоила многу сираци од различни раси одгледувајќи ги во духот на братството и човечковата солидарност. Нив ги издржувала од приходите стекнати со гостување ширум светот.
1924 Во Виена умре Франц Кафка, австриски писател. Во своите раскази и романи го изразува учеството на несигурност кај човекот и во нив осамениот човек што доаѓа во конфликт со бездушната бирократија. Негови најпознати дела се романите „Процес“, „Америка“, „Замок“ и расказите „Преобразба“, „Селски лекар“ и други дела. Роден е во Прага, на 3 јули 1883 година.
1926 Роден е американскиот писател Ален Гинзберг. Дела: „Кадиш“, „Празно огледало“, „Индиски дневници“, „Пад на Америка“.
1940 Хитлеровите окупаторски сили ја почнаа офанзивата против француските сили од линијата Девил - Седан во северна Франција. Целта беше освојување на Париз. Пред тоа германските сили ги зазедоа Холандија, Белгија и Луксембург.
1942 Кај островот Мидија, на Пацификот, почна тридневната поморска битка меѓу американските и јапонските сили. Победата на Американците донесе рамнотежа на воените сили.
1963 Умре римскиот папа од италијанско потекло Јован XXIII, поглавар на римокатоличката црква од 1958 година и водач на реформската црковна струја. Во 1962 година го свика Вториот екуменски концил (собир) на кој беа најавени далекусежни реформи во римокатоличката црква, кои подоцна беа спроведени.
1965 Американскиот астронаут Едвард Вајд излезе од вселенскиот брод „Џемини 4“, кој кружеше околу Земјата. Со тоа тој стана првиот Американец „шетач“ по вселената, три месеци по рускиот космонаут Алексеј Леонов.
1973 Советскиот суперсоничен авион „Тупољев 144“ се урна во близина на Париз при париската воздухопловна изложба, усмртувајќи ги сите шест членови на екипажот и седум француски селани.
1997 Водачот на Социјалистичката партија Лионел Жоспен стана претседател на владата на Франција по убедливата победа на левицата на парламентарните избори.
2001 Во Бостон умре Ентони Квин, американски филмски актер од мексиканско потекло, добитник на две награди Оскар за епизодни улоги. Роден е во Чивава, на 21 април 1915 година.
2006 Собранието на Црна Гора усвои одлука за прогласување независност на Република Црна Гора, според која Црна Гора е независна држава со сите меѓународни правни субјекти
 
1783. Француските пронаоѓачи браќата Етјен и Жозеф Монголфје првпат јавно демонстрираа летање со балон полнет со загреен воздух.
1798 Умре италијанскиот авантурст Ѓакомо Ѓироламо Казанова де Сеингал, синоним на латински љубовник. Неговите „Мемоари“ претставуваат скапоцена слика на европското општество и епоха во кои живеел.
1867 Роден е финскиот маршал и државник Карл Густав Емил фон Манерхајм, претседател на Финска од 1944 до 1946 година.
1878 Англија го присвои Кипар. Претседателот на британската влада Бенџамин Дизраели потпиша таен договор со Портата на која Англија се обрза да ги брани турските поседи во Азија, а како награда за тие „идни услуги“ Турција и го предаде на „привремена управа“ островот Кипар - важна стратегиска точка во источниот дел на Средоземното Море. До овој настан дојде неколку дена пред почетокот на Берлинскиот конгрес, каде што се решаваа прашањата на Санстефанскиот мир и териториите што ги држеше Турција. Англија, подготвувајќи се за Берлинскиот конгрес, настојуваше да ги зајакне своите позиции на штета на Портата со „заштита на турските интереси загрозени со Санстефанскиот мир“.
1903 Во близина на манастирот „Свети Стефан“, кај месноста Гумниште, Охридско, подмолно и мистериозно е убиен Наум Чакаров - Лондра, македонски војвода, член на Охридското револуционерно началство, горски началник на Охридската околија и учител. Роден е во Струга, во 1869 година.
1916 Под команда на рускиот генерал Алексеј Брусиолов почна првата фаза на руската летна офанзива во Првата светска војна. Целта беше да се пробие австриско-унгарскиот фронт, кој беше успешно завршен до 15 јуни 1916 година. Во пробивот, Австријците загубија околу 250.000 војници. Притоа руските единици стигнаа до Карпатите, а Романија тогаш влезе во војната на страната на Антантата.
1941 Умре бившиот германски цар и пруски крал Фридрих Вилхелм II Виктор Алберт, творец на политиката за продор на исток и предизвикувач на низа воено-дипломатски кризи, вклучувајќи го и објавувањето на војна со Србија во 1914 година, со што започна и Првата светска војна.
1942 Почна четиридневната борба за пацифичките острови Мидвеј, во која Американците им го нанесоа првиот посериозен пораз на Јапонците во Втората светска војна.
1943 Војската го тргна од власт претседателот на Аргентина Рамон Кастиљо.
194 - Генералот Хуан Перон е избран првпат за претседател на Аргентина.
1971 Умре унгарскиот филозоф Ѓерѓ Лукач, протагонист на „западниот марксизам“. Дела: „Теорија за роман“, Егзистенцијализам или марксизам“, „Естетика“.
1989 Гасоводот покрај Транссибирската пруга експлодира и запали два патнички воза во кои загинаа 575 луѓе.
1996 Европската ракета „Аријана 5“ експлодира 40 секунди по лансирањето.
2000 Во земјотрес на индонезискиот остров Суматра загинаа повеќе од 100 луѓе.
 
1599 Во Севилја е роден Диего Родригес де Силва Велескес, еден од најголемите шпански и светски сликари. Неговите дела се одраз на генијалноста на уметникот кој екстатичниот барок и мистицизмот на своето време ги надмина со духот на критичкиот реализам. Најпознати негови дела се "Дворски дами", "Предавањето на Бреда", "Венера со огледало" и "Ткајачки на килими". Умре во Мадрид, на 7.08.1660 година.
1799 Во Москва е роден Александар Сергеевич Пушкин, еден од најголемите руски и светски писатели. Негови најпознати дела се "Евгениј Онегин", "Борис Годунов", "Пикова дама" и "Капетановата ќерка". Умре во Петроград, на 10.02.1837 година.
1875 Во Лајпциг е роден Томас Ман, германски писател - романсиер, есеист, новелист и критичар. Негови најзначални дела се "Буденброкови", "Доктор Фауст" и "Волшебниот брег". Во 1929 година ја доби Нобеловата награда за литература, а во 1949 година, Гетеовата награда. Умре во Цирих, на 12.08.1955 година.
1948 Во Скопје е формиран Пионерскиот дом "Карпош".
 
1848 Во Париз е роден Пол Гоген, француски сликар. Тој се инспирираше од егзотичен свет на островите Тахити и Фати - Ива. Формите на неговите слики се мирни и монументални, проткаени со еротика. Влијаеше врз развојот на експресионизмот и на формирањето на фовизмот, а се занимаваше и со скулптура. Умре на Маркишките Острови, во 1903 година.
1905 Членовите на норвешкиот Парламент донесоа одлука за одвојување на Норвешка од Шведска.
1935 Умре Иван Владимирович Мичурин, советски биолог, генетичар. Се занимаваше со подобрување на сортите на овошките во централна и во северна Русија, како и со создавање нови сорти. Работеше врз вкрстувањето меѓу водовите и родовите, притоа користејќи ја и вегетативната хибридизација (калемењето), добиваше семе и со вештачко запрашување, при што забележа дека тоа семе е поотпорно. Роден е во Долгоево, на 15.10.1855 година.
1945 Со решение на Министерството за народна просвета на Демократска Федеративна Македонија е озаконет Правописот на македонскиот јазик, чиј дефинитивен текст беше усвоен пет дена порано. Утврдувањето и озаконувањето на Македонскиот правопис преставуваше израз на континуираната борба на македонскиот народ за свој литературен јазик и правопис, кој во понатамошните години се надградуваше со нови содржини.
1991 Со одлуката на Собранието на Социјалистичка Република Македонија, одредницата "Социјалистичка" од името на СР Македонија е изоставена и Републиката го носи називот Република Македонија.
 
- Ден а социјалните работници на Македонија
- Де на Военото воздухопловство и противвоздушна одбрана на Армијата на Република Македонија
1190 Германскиот цар Фридрих Први Барбароса се удави во реката Салеф во Мала Азија во текот на Третата крстоносна војна. На престолот застана во 1152 година, по што водеше многу војни во Италија во обид да ги потчини ломбардските градови и го принуди папата на покорност. По поразот во 1176 година покајнички се смири со папата.
1610 Првите холандски иселеници во Америка се населија на осровот Менхетн, сега централен дел на Њујорк.
1793 Во Париз е отворена првата јавна зоолошка градина „Жарден де плант“.
1819 Роден е Гистав Курбе, француски сликар. Беше учесник во Париската комуна, основач и главен претставник на реалистичката школа, еден од првите уметници кои работеа во природа. Суров и силен, ги отфрли романтичните пејзажи и идеализирањето на луѓето и доживувањата, вршејќи огромно влијание врз целокупното европско сликарство во 19 век. Умре на 31 декември 1877 година.
1832 Роден е германскиот инженер Николаус Аугуст Ото, кој во 1861 годна го направи првиот мотор на бензин, а во 1876 година го измисли четиритактниот мотор со внатрешно согорување, познат како „Ото мотор“, со што го овозможи развојот на автомобилизмот.
1836 Умре францускиот физичар и математичар Анре Мари Ампер, основач на електродинамиката. Во негова чест единицата за мерење на силата на струјата е наречена ампер или скратено А.
1915 Роден е американскиот писател Сол Белоу, добитник на Нобеловата награда за литература во 1976 година. Дела: романите „Хендерсон, крал на дождовите“, „Човек на лулашка“, „Жртва“, „Не пропуштај ден“, „Херцог“, „Планетата на господинот Семлер“, „Декановиот декември“, драмата „Последна анализа“, „Гука“, патописот „До Ерусалим и назад“.
1922 Родена е американската филмска глумица и пејачка Френсис Гам, позната како Џуди Гарланд, која се прослави уште како девојче со улогата во филмот „Волшебникот од Оз“ за која доби Оскар. Останати филмови: „Бебе во војска“, „Да основаме оркестар“, „Бебе на Бродвеј“, „Малата Нели Кели“, „Сретни ме во Сент Луис“, „Часовник“, „Зигфилдовите лудории“, „Пират“, „Ѕвездата е родена“.
1923 Роден е британскиот медиумски магнат од чешко потекло Јан Лудвик Хој, познат како Јан Роберт Максвел.
1923 Умре францускиот писател Пјер Лоти. Дела: „Во харем“, „Лотиевата женидба“, „Морнар“, „Исландски рибар“, „Госпоѓата хризантема“.
1934 Умре англискиот композитор Фредерик Делијус, импресионист познат по симфониите „Париз - песна на големиот град“, „Бриг Фаир“. Компонирал и опери и концерти.
1934 „Роден е Пајо Паторот“, еден од најпопуларните ликови во стрипивите и анимираните филмови на американскиот цртач, филмски аниматор и продуцент Волт Дизни.
1940 Фашистичка Италија влезе во Втората светска војна како сојузник на нацистичка Германија, објавувајќи им војна на Франција и Велика Британија.
1943 Кај месноста Клинска Леса, Кавадаречко, во борба против бугарската војска загина Димката Ангелов - Габерот, македонски револуционер, учител и политички комесар на Третата оперативна зона на НОВ и ПО на Македонија. Тука загинаа и борците Пано Мудров, Ило Виларов и Крсте Камчев. Димката Ангелов е роден во селото Ваташа, Кавадаречко, на 17 октомври 1916 година.
1945 На командантот на западните сојузнички сили во Втората светска војна американскиот генерал Двајт Ајзенхауер му беше врачено едно од најголемите советски одликувања - Орден на победата.
1946 Умре американскиот боксер од африканско потекло Џек Џонсон, прв црнец кој ја освои титулата светски првак во тешка категорија.
1949 Во Лилехамер, Норвешка, умре Сигрид Ундсет, норвешка писателка, истакнат антифашист. По окупацијата на Норвешка таа замина во САД и учествуваше во антигерманската пропаганда. Нејзини познати дела се романите „Марта Оули“, „Срцето на Јени“, „Пролет“, зборникот на раскази „Најсреќните години“, трилогијата „Кристин Лаврансдатер“ и други. Во 1928 година ја доби Нобеловата награда за литература за мајсторството со кое ја опишува средновековната историја на скандинавските земји. Родена е во Калунбор, Данска, на 20 мај 1882 година.
1967 Израел го прифати барањето на Обединетите нации за прекин на огнот во војната со Египет, во која Израелците против кои се бореа и Сирија и Јордан, за само шест дена зазедоа територија четири пати попространа од Израел.
1971 САД после 21 година го укинаа ембаргото на трговија со Кина.
1990 На првите слободни избори по Втората светска војна во Бугарија победи Бугарската социјалистичка партија (поранешната Комунистичка партија) која доби 47 отсто од гласовите, додека десничарскиот Сојуз на демократски сили освои 36 отсто.
1996 Чеченските исламски сепаратисти и официјални претставници на Русија потпишаа документи со кои е предвидено ставање крај на 18-месечната војна во Чеченија.
2000 Умре сирискиот претседател Хафез ел Асад, кој власта ја придоби со државен удар во ноември 1970 година. Беше еден од највлијателните државници на Бискиот Исток, а на местото претседател го замени неговиот син.
 
1812 Францускиот император, Наполеон Бонапарта, на чело на "големата армада" ја мина реката Њемен и ја започна офанзивата на Русија. Напаѓачката армија располагаше со околу 530.000 луѓе и 1.000 топови. Наполеоновата војска успеа да навлезе во Москва, која ја напуштија руските единици. Наместо мир напаѓачите доживеаа отпор и зимското невреме сосема ги уништи.
1964 Водачот на Африканскиот национален конгрес, Нелсон Мендела и уште седуммина истакнати раководители на ослободителното движење против расистичкиот режим во Јужна Африка, осудени се на доживотна робија во познатиот "Прес Ривони". Мандела е ослободен во 1990 година, а на 10.05.1994 година, во Преторија, даде заклетва како прв црнечки претседател на Јужноафриканската Република.
1993 Република Македонија стана членка на Меѓународната поштенска заедница.
1997 Република Македонија и Република Џибути воспоставија дипломатски односи на амбасадорско ниво.
 
323 п.н.е.- Во Вавилон умре Александар Македонски, син на Филип Втори Македонски и на Олимпија, ученик на Аристотел. Со своите походи, на кои неговата војска за осум и пол години мина 18.000 километри, создаде држава каква што не постоела во пространство ниту пред него, ниту по него. Роден е во Пела, на 22.07.356 г.п.н.е.
1831 Во Единбург е роден Џемс Кларк Максвел, англиски физичар, најголем теоретски физичар на 19 век. Тој ги даде теоретските основи на радиобрановите. Умре во 1897 година.
1894 Пуштена е во сообраќај железничката пруга Битола - Солун.
1943 Во месноста Лопушник, во близина на партизанската печатница, кичевско, во несреќен случај загина Кочо Рацин, македонски поет и револуционер. Неговата прерана смрт претставува голема загуба за македонската литература. Најпознато негово дело е збирката песни "Бели мугри".
1956 Последните британски трупи ги напуштија базите кај Суецкиот Канал, препуштајќи му го, по 74 години, овој воден пат на Египет.
 
1837 Во Неапол умре Џакомо Леопарди, еден од најголемите италијански поети. Неговата поезија е израз на неговиот песимистички став кон човековото битисување. Во стих и проза, тој создаде "силен" јазичен израз. Роден е во Реинати, на 29.06.1798 година.
1904 Во Сремска Каменица умре Јован Јовановиќ Змај, српски писател, преведувач, новинар, академик и лекар, еден од најпопуларните детски писатели, кој се смета за родоначалник на српската поезија. Негови познати дела се "Пејанија" и "Трендафилчиња". Како новинар основа и уредуваше повеќе списанија од кои најзначајни се сатиричното дело "Змај" и списанието за деца "Невен". Роден е во Нови Сад, на 6.12.1833 година.
1962 Во Париз, е основана Европската организација за истражување на вселената.
1986 Во Женева умре Хорхе Луис Борхес, аргентински писател, фантазер, еден од најголемите интелектуалци на современата култура, која длабоко ја одбележа латинско-американската книжевност, поради што се вбројува меѓу најголемите светски писатели. Најпознати негови дела се "Универзална историја на бесчестието", "Фантазии", "Алеф", "Извештај за Броди" и "Девет есеи за Данте". Роден е во Буенос Аирес, на 24.08.1899 година.
1994 Во Лос Анџелес умре Хенри Мансини, познат американски композитор на музика за многу филмови. Роден е во Кливленд, на 16.041924 година.
1996 Во Скопје е отворен Британскиот информативен центар.
 
1671 Под водство на легендарниот јунак Стенка Разин, во Русија избувна востание против спахиите и царските чиновници кои слободните козаци ги претвораа во кметови, а на селаните им наметнуваа уште поголеми давачки.
1963 Првата жена - космонаут Валентина Терешкова се вивна во орбитата околу Земјата со вселенскиот брод "Васток - 6". Таа беше шести советски, а десетти светски космонаут.
1993 Во Скопје, умре Борко Лазески, македонски академски сликар, еден од првите апстрактни автори во Македонија. Најпознат е по своите фрески изведени во Скопје, Кичево, Велес, Сиудат Мексико. Автор е на повеќе мозаици. Роден е во Прилеп, на 22.10.1917 година.
1997 Република Македонија и Кувајт воспоставија дипломатски односи на амбасадорско ниво.
 
1936. Во местото Горки, кај Москва, умре Алексеј Максимович Пешков, алијас Максим Горки, руски, односно советски писател, еден од основачите на советската книжевност. Негови најпознати дела се драмите "На дното", "Малограѓани", романите "Животот на Клин Самгин", "Делото на Артанови" и "Мајка". Роден е во Нижни Новогород, на 28.03.1868 година.
1940 Францускиот генерал Шарл де Гол ги повика од Лондон сите Французи да ја продолжат борбата против германските освојувачи, кои во тие денови целосно ги поразија вооружените сили на Третата република. Во таа пригода Шарл де Гол ја изговори познатата мисла "Французите загубија една битка, но не и војната".
1953 Египет е прогласен за република по соборување на Фаруковиот режим. Прв претседател на Египет стана Нагиб.
1965 Во Алжир е извршен државен воен преврат. Хари Бумедиен ја презеде власта наместо дотогашниот претседател Бен Бела.
 
1527 Во Фиренца умре Николо Макијавели, италијански политичар, дипломат, воен стручњак, поет и комедиограф. Во своите расправии ги постави темелите на првата граѓанска теорија на државата. Негови најпознати дела се "Владетел", "Историја на Фиренца", "За воената вештина и комедиографијата "Мандрагола". Роден е во Фиренца, на 3.05.1469 година.
1933 Во Архангелское, кај Москва, умре Клара Цеткин, познат политички работник на германското и на меѓународното социјалистичко движење, писателка и публицистка. Родена е на 5.07.1857 година.
1936 По повод организираниот штрајк на македонските градители, овој датум е прогласен за Ден на градежните работиници на Македонија.
1963 САД и Советскиот Сојуз постигнаа спогодба за воспоставување на "црвен телефон", меѓу Москва и Вашингтон. Директна линија е воспоставена по кубанската криза заради итни консулатации меѓу шефовите на двете супер-сили во критични ситуации.
1979 Во издание на НИП "Нова Македонија", Редакција "Вечер", излезе првиот број на енигматскиот забавник "Котелец".
1996 Во Брисел, Република Македонија и Европската унија, со размена на писма го прифатија текстот на Спогодбата за соработка.
 
You must log in or register to reply here.

Kajgana Shop

Back
На врв Bottom