За една недела започнува 88та сезона од највисокото по ранг шпанско фудбалско првенство. Минатата сезона на последните 3 позиции завршија Депортиво Ла Коруња, Лас Палмас и Малага, што значи дека овие 3 екипи оваа сезона ќе играат во Сегунда Дивисион. Новите членови на Примера оваа сезона ќе бидат
Рајо Ваљекано (по пауза од 1 сезона),
Реал Ваљадолид (по пауза од 4 сезони) и дебитантот
Хуеска, клуб кој за прв пат во својата 68-годишна историја ќе заигра во најјаката шпанска фудбалска лига.
Бранител на титулата е Барселона. Се очекува голема битка за титулата помеѓу 3те фаворити, Барселона, Атлетико и Реал Мадрид.
Во оваа сезона за прв пат ќе биде користено
VAR (Video assistant referee), видео помошен судија.
Сезоната започнува на 17ти август 2018та, а ќе заврши на 26ти мај 2019та.
Во оваа сезона дури 5 од екипите се од Мадрид, 4 се од Баскија, по 3 од Каталонија и Валенсија, 2 се од Андалузија и по една од Арагон, Кастиља и Леон и Галиција.
Дури 9 екипи влегуваат со нови тренери, а сезоната ќе започне со 15 домашни (шпански) и 5 аргентински тренери.
Оваа сезона претставници во ЛШ од Ла Лига се Барселона, Атлетико, Реал Мадрид и Валенсија.
Во ЛЕ ќе играат Виљареал, Бетис и веројатно Севиља (која игра квалификации за учество во ЛЕ).
Фаворити
Барселона
Екипата на Барселона минатата сезона ја освои 25тата титула во Ла Лига. Клубот освои уште една двојна круна (Ла Лига + куп) и имаше одлична сезона, но елиминацијата од Рома во 1/4 финалето од ЛШ е болна точка на минатата сезона. Иако постоеше незадоволство кај дел од фановите од новиот тренер Ернесто Валверде, токму заради натпреварот со Рома, сепак од клубот решија да му ја дадат својата доверба да го води клубот и оваа сезона. Валверде исто така беше критикуван и заради стилот на игра, кој е малку подефанзивен од она што Барселона од секогаш го играла, како и заради формацијата 4-4-2 која во најголемиот дел од сезоната Валверде ја практикуваше. Од клубот сфатија дека е потребен поширок ростер на играчи, па решија да донесат играчи кои би можеле да го подигнат квалитетот и да му отворат повеќе опции во составот на Валверде.
Така, Барселона ова лето се засили со младиот
Артур Мело, кој дојде од бразилски Гремио. За него велат дека со стилот на игра потсетува на Чави Ернандез, играч чија замена Барселона ја бара веќе 3 сезони. Следен играч кој пристигна беше дотогашниот стопер на Севиља, Клемен
Ленгле, француски 23-годишен играч. Потоа во клубот пристигна и
Малком, крилен напаѓач од Бразил, кој играше во француски Бордо. Последното засилување за Барселона е чилеанецот
Артуро Видал, кој дојде од Баерн. Во клубот исто така од позајмица се вратија
Рафиња, Мунир, Деулофеу, Марлон и Даглас Од Барселона не ја исклучуваат можноста до крајот на преодниот рок да донесат уште засилувања.
Од клубот после 16 сезони во првиот тим си замина капитенот Андрес
Иниеста. Тој кариерата ќе ја продолжи во јапонската лига, во тимот на Висел Кобе.
Паулињо по само една сезона во клубот, се врати назад во кинески Гуангжу Евергранде.
Деулофеу на негово барање го напушти клубот и потпиша за Вотфорд, каде што беше на позајмица во втората половина од минатата сезона.
Даглас замина на позајмица во турски Сиваспор,
Алеиш Видал се врати во Севиља од каде дојде пред 3 години. Во Евертон заминаа 3ца фудбалери на Барселона: Лука
Дињ Јери
Мина со перманентен трансфер и
Андре Гомеш на едногодишна позајмица. До крајот на преодниот рок се очекува од клубот да заминат и
Марлон и еден од
Пако / Мунир.[DOUBLEPOST=1533945343][/DOUBLEPOST]
Реал Мадрид
Најмногу потреси имаше кај актуелниот европски шампион, Реал Мадрид. Реал минатата сезона заврши на 3тата позиција, зад Атлетико и шампионот Барселона. "Кралевите" како да го ставаат во втор план националниот шампионат, а сите сили ги насочуваат кон Лигата на шампиони. Во последните 5 сезони, имаат само една титула во Ла Лига, во периодот кога 4 пати станаа шампиони на Европа.
Само неколку дена по освојувањето на ЛШ, како гром од ведро небо одекна информацијата дека
Зинедин Зидан го напушта тренерското место во Реал. За кратко време, за негов наследник беше назначен селекторот на шпанската репрезентација,
Хулен Лопетеги. Лопетеги за овој потег доби отказ од шпанската федерација, на еден ден пред почетокот на СП во Русија.
Но и откако новиот тренер започна со работа, во Мадрид повторно почнаа потреси.
Кристијано Роналдо, најголемата ѕвезда на Реал уште по финалето во ЛШ на крајот од мај како да наговести дека неговото време во Реал поминало, но реално никој не веруваше дека Кристијано навистина ќе си замине. После неколкудневни шпекулации за време на СП, Кристијано го напушти Реал и замина во Јувентус. Од Реал си заминаа и
Тео Ернандез (во Реал Сосиедад) Матео
Ковачиќ (Челзи) на едногодишни позајмици, како и
Хакими во Дортмунд на двегодишна позајмица.
Што се однесува до засилувањата, Реал на изненадување на многумина сеуште не донесе големо звучно име како замена за Кристијано. По неговото заминување, Реал беше поврзуван со неколку имиња (Азар, Нејмар, Мбапе), но можеби намерно Флорентино не сака замената за Кристијано да ја бара баш во овој преоден рок, знаејќи дека клубовите ќе бараат астрономски суми. Во клубот пристигна младиот бразилски напаѓач,
Винисиус Жуниор, од Сантос. Реал се засили и со талентираниот шпански десен бек Алваро
Одриозола, кој дојде од Сосиедад. Во клубот дојдоа и 2ца голмани, младиот надежен украински голман Андриј
Лунун, како и најдобриот голман на СП во Русија, белгиецот Тибо
Куртоа. Во првиот тим промовирани се и младинците
Феде Валверде у
Раул де Томас, а од позајмица се вратија Фабио
Коентрао и норвешкиот талент Мартин
Øдегард.[DOUBLEPOST=1533950310][/DOUBLEPOST]
Атлетико Мадрид
Активни на пазарот беа и "колчонероси". Уште на почетокот на преодниот рок излегоа информации дека најдобриот играч на Атлети, Антоан Гризман е на излезна врата од клубот. Имено, агентите на Гризман ги имаа договорено личните услови со Барселона, која требаше да ја плати неговата откупна клаузула (100м), а целиот трансфер зависеше само од конечниот одговор на францускиот напаѓач. По неколкунеделно одлагање, Гризман одлучи да остане во Атлетико и со засилена екипа предводена од командантот Чоло Симеоне да се обидат да освојат титула во Ла Лига и во Лига на шампиони.
Од клубот си замина иконата, миленикот на навивачите,
Фернандо Торес, кој кариерата ја продолжува во јапонскиот клуб Саган Тосу. Освен Ел Нињо, клубот го напушти уште една легенда, капитенот
Габи, кој замина во Катар во тимот на Ал Сад. Од Атлетико си замина и Диого
Жота (Вулверхемптон), а Шиме
Врсаљко замина на едногодишна позајмица во Интер.
Атлетико во овој период се засили со неколку квалитетни играчи. Најзвучно име кое пристигна е францускиот репрезентативец, Томас
Лемар, кој дојде од Монако. Голманот Антонио
Адан од Бетис дојде да го пополни испразнетото место на резервниот голман Моја кој во февруари го напушти клубот. Атлетико го донесе и
Родри од Виљареал, играч кој треба да биде замена за екс-капитенот Габи, потоа колумбискиот десен бек Санти
Аријас од ПСВ, хрватскиот напаѓач Никола
Калиниќ од Милан и младиот португалец
Желсон Мартинс од Спортинг Лисабон. Атлетико го купи и левиот бек
Џони Кастро од Селта, но веднаш го испрати на позајмица во Вулверхемптон, а Атлетико ни оваа сезона нема да смета на Лусиано
Вието, кој по враќањето од позајмицата од Валенсија, повторно е пратен на позајмица, овојпат во тимот на Фулам.
Ова се натпреварите од првото коло:
За целосниот календар за натпреварите од Ла Лига 2018-19 кликни
ОВДЕ.
Дерби натпревари
Првото Дерби Севиљано ќе биде во третото коло (1-2 септември) на Бенито Виљамарин, а вториот натпревар на Санчез Писхуан на 13-14 април.
Првото Дерби Мадрилењо ќе биде во 7мо коло на Бернабеу на 29-30 септември, а на Ванда Метрополитано 9-10 февруари.
Првото
Ел Класико во оваа сезона ќе биде во 10то коло (27-28 октомври) на Камп Ноу, а второто на Бернабеу на 2-3 март.
За сите трансфери во Ла Лига, ги имате овие страни
http://www.soccernews.com/soccer-transfers/spanish-la-liga-transfers/
https://www.transfermarkt.com/primera-division/transfers/wettbewerb/ES1
https://en.wikipedia.org/wiki/List_of_Spanish_football_transfers_summer_2018
За крај најдобрите 10 голови од претходната сезона и најава за новата сезона од официјалниот YouTube канал на Ла Лига.
Ако сака некој друг нека допише кратка анализа и за екипите што ќе играат во Европа.
@Клипче