Книги кои би ги препорачале

  • Креатор на темата Креатор на темата JeCILaDy
  • Време на започнување Време на започнување
Книгите оставаат силен впечаток врз нас, но ретко која книга ја поседува онаа моќ да нè расплаче. Емотивните приказни се нешто што секогаш знае да нè разнежни и да нè доведе во состојба да пуштиме по некоја солза додека читаме.
Ако некој има некое искуство со еморивни книги, ве молам дај те ми предлог.
 
“Очите на сибирскиот пес“ - Антонио Санта Ана

Книгава е кратка и се чита во еден здив, за два саати. Ја прочитав пред 8 години и се врежа во мене како доста длабока книга, да ја најдам низ дома пак би ја читнал некоја досадна ноќ.
 
Берхард Шлинк - Читачот
Лесна и брза книга за читање!
Има и филм со Кејт Винслет за истава книга! :cuc:
 
Дали некој ја читал Трофеј од Весна Петрушевска?
Чисто мислење ме интересира пошто на план сум да ја земам
 
Агата Кристи - Убиство на теренот за голф

Класично во стилот на Агата Кристи, убиства, преплети, на моменти и нелогичности кои Ве заморуваат, но сепак со интересен пресврт при самиот крај на оваа мистерија.
Херкул Поаро е повикан од страна на богато семејство да помогне во нивната заштита. Но, во меѓувреме се случува убиство кое ќе доведе до постепено разотркивање на тајното минато и љубовните интриги на ова семејство.

Оценка: 6,5/10
 
Atonement - Ian McEwan

Колку год да е одличен филмот, книгата секогаш ќе биде чекор над него. Моја една и единствена препорака - пред да почнете да го гледате филмот, прочитајте ја книгата. Не затоа што филмот ќе ви го наруши крајот и ќе ве тера нон стоп да мислите на него додека читајќи, безмилосно се задлабочувате во приказната, туку затоа што одредени сцени макар колку и гротескно се прикажани на големото платно, писателот може десеткратно да ги долови на читателот. Тоа, и секако претходната мисла што ја имам кажано :)
Што ме навлече најмногу на книгава е самиот опис кој на моменти можеби делува по малку козистентно бидејќи писателот опишува една иста состојба со богат фонд на зборови, но мислата не му е хаотична, баш напротив, приказната има свој столб (backbone) на кој се накитени трите дела со епилогот, сите три одвивајќи се во различен период на животот на протагонистите. Се работи за тројца главни лика, (две сестри и едно момче), некаде во англија во средината на 30тите и за време на почетокот на војната. Ја имаме Бриони, најмладиот лик во прикаската со особено бујна машта која во почетокот има сосема среден живот или буквално англичаните би рекле (by the book - no pun intended :D). Но сето тоа ќе се измени еден ден кога нејзиниот „совршен свет на детството“ ќе загази со првите чекори во светот на возрасните, кога ќе ги забележи нејзината сестра Сесилија и момчето Роби кај фонтаната во паркот, уривајќи го митот на совршената љубов опишана во класиците. Оттогаш перипетиите започнуваат. Не би одел понатаму за да не го нарушам посебното чувство кога го имате при сметање на сите можности што би можеле да се случат.
Иако изгубив речиси 2 недели читајќи ја книгава, ни во еден момент немав чувство на залутаност и изгубеност. Ова го имам забележано и во други два романи на МекЈуан.
 
Ловец на души - Донато Каризи

Совршено дело кое ќе Ве натера да останете будни подолго време во ноќта, нестрпливо брзајќи да ја започнете следната глава. Слободно би ја сместил на второ место како најдобро од Каризи после Шепнувачот.

Низа на неразјаснети убиства, злосторства од минатото. Маркус е тука да ги разоткрие, а во истовреме тие му нудат одговор во решавањето на случај на исчезнато девојче.
Сандра е во потрага по убиецот на сопругот. Тоа ги вкрстува патиштата со Маркус и води до уште поинтересен заплет, а крајот е шокантен.

Дело кое мора да го прочитате доколку сте љубители на трилер.

Оценка: 8/10
 
You must log in or register to reply here.

Kajgana Shop

Back
На врв Bottom