Значи ако еден спортист (од било кој спорт) е толку добар што постигне норма (олимписки минимум) тогаш тој по автоматизам учествува на ОИ, без wildcard.
Проблемот е што (најверојатно, не водам евиденции, не сум многу по спортот) ниту еден наш спортист нема постигнато норма па сите се праќаат со wildcard. Претпоставувам (пак) дека има одреден број на wildcard-и. Затоа и се одбираат подобро кому ќе му се дадат.
Е сега, правило на МОК (нашиов) е ако еден спортист учествувал на претходната олимпијада со wildcard, ако на наредната Олимпијада истиот нема норма, да оди друг спортист со wildcard. Што е сосем во ред.
Замисли кое незадоволство (меѓу спортистите, и моето) ќе беше ако на Олимпијадите секогаш учествувал со wildcard еден ист спортист.
Нема тука ништо нејасно друже.
Ако имаш норма - одиш на ОИ.
Ако немаш норма - одиш на ОИ со wildcard.
Ако и на наредната Олимпијада пак немаш норма - друг спортист оди на ОИ со wildcard и ти немаш право да мрчиш поради 2 критични причини
а) немаш норма
б) веќе си бил со wildcard
Се надевам се разбираме.
Она со дволичностите не сакам ни да го дискутирам.
Уште нешто. Ивана не е добар спортист. Ниту пак онаа другана, и го заборавив името, што се жалеше на тренерките. Добрите спортисти се покажуваат колку се добри само и исклучиво на спортски терен. Нема тука текстови, писма, бла бла. Ако си добар на терен, ако имаш добар резултат (барем норма), тогаш си добар спортист.
Повторно, се што имаш наведено е точно, но тука треба да се напомене дека МОК може да ги смени своите правила во корист на испраќање на спортистите кои се докажале како најдобри во својата категорија во Македонија, го немаме луксузот по еден Бо Мекејлеб во секоја спортска дисциплина, па да испраќаме претставници на ОИ кои се македонски државјани, но не се од Македонија, каква иронија.
И да, во целост се согласувам со тебе, вистинскиот спортист ќе си продолжи со својот тренинг и со своите подготовки за да ги подобри своите резултати и сосема во ред е да критикува, но само ако го прашаат, а не со писма и текстови, но кој спортист бил интервјуиран за слабите резултати само во 2012, со исклучок на кошаркарите и ракометарите ?
Повеќе пари се фрлени во испраќањето навивачи со возови и со авиони во Литванија и во Србија, отколку на тренинг и подготовки на кошаркарите и ракометарите, а истото се случува и кај сите останати спортски дисциплини.
Во 2011 македонските претставници во Шангај во пливање или во нуркање, не помнам точно во што беше, уште пред почетокот на натпреварувањето изјавија дека не очекуваат позитивни резултати, бидејќи ќе се натпреваруваат само 1 или 2 дена откако пристигнале, а како за споредба, останатите тимови кои ќе се натпреваруваат се дојдени во Шангај уште пред 2 или 3 недели и истите тие 2 или 3 недели ги поминале во тренинг во базенот, а не шетајќи се низ градот, за волја на вистината и македонските претставници веднаш откако пристигнаа отидоа на тренинг и подготовки, а не на прошетки низ Шангај, но како можеш да очекуваш позитивни резултати после само 1 или 2 дена откако си поминал над 8000 километри пат ?
Кои најдобри македонски спортисти, погледни резултати и на чкљ Балканијадите се меѓу последните, на Светски и Европски првенства да не прајме муабет. Како да медал ќе освои, па скандали креваат.
Најдобрата македонска атлетичарка што никогаш не обезбедила норма, како тоа гордо звучи.
Дај протести да организираме ако не па шо.
http://ekipa.mk/News.aspx?newsId=9394 Еве ти уште едно достигнување поскорешно.
Колку и да е точно тоа што го пишала, мене а верувам и на голем дел им е сеедно кој ќе се прошета до Лондон кога резултатски и онака се меѓу последните. Она нека се тужи и нека добие.
Многу нискоинтелигентни се накотија на темава м?
Ти слободно организирај протести доколку сакаш, тоа си е твое право, јас мислам дека бојкот на ЛОИ 2012 од страна на останатите македонски спортисти кои ќе учествуваат на ЛОИ 2012 во знак на поддршка кон Рожман би било поприфатливо, но истовремено би било и нефер кон нив, бидејќи тие тренирале и се подготвувале за на ЛОИ 2012 и тотално идиотски би било во знак на протест против нешто што не ги засегнува нив директно да ги бојкотираат ЛОИ 2012.
За катастрофалните резултати на атлетичарите повеќе одговорноста треба да се бара кај МОК и кај државата кои повеќе се заинтересирани за споменици и за административни објекти отколку што се заинтересирани за инвестирање во тренинг и обука на македонските спортисти, уште летото 2011 Атлетичарската Федерација на Македонија се жалеше дека нема соодветни патеки за тренинг, додека на Националната Арена Филип Втори Македонски сеуште се влечкаат со средувањето на атлетичарската патека, како што се уверивме лично на неодамнешниот фудбалски натпревар Вардар - Бате Борисов.
Иста е приказната и кај пливачите, нуркачите и кај сите останати спортисти, воопшто не се инвестира во нив, од последните ЛОИ 2008 па се до денешен ден, во период од 4 години, те молам наброј 5 различни спортски дисциплини во кои е инвестирано и како е инвестирано во истите, а во нив да не ги земеш во предвид спортските сали во кои се тренира фудбал, кошарка, ракомет и одбојка, бидејќи фудбалот и атлетиката во главно се одржуваат на отворен терен, а не во затворени спортски сали.
Ако Рожман има нерви за тужење, нека тужи, јас лично не би им го пружил таквото садистичко задоволство на ѓубрињата кои пред се ги негуваат своите деловни интереси и своите желби за профит отколку интересите на спортот, би бил повеќе од задоволен со ваква изјава, но баш ме интересира колку ќе се држи до изјавата, дали ќе остане на дадениот збор, или како Калиопи со тек на време ќе си го смени мислењето, јас лично се надевам дека ќе си го смени мислењето и ќе се врати на атлетиката, бидејќи нема смисла поради некои ѓубриња како оние во МОК да се оддалечи од тоа што нејзе ја интересира, тоа е исто како факултетот, на факултет не те образоваат, туку те малтретираат до бескрај се додека не истрпиш до крај или се додека не се откажеш и не дигнеш раце од тоа што си сакал да го научиш, и исто како што на македонските факултети ќе најдеш се, само не образование, така и во МОК ќе најдеш се, само не спорт.
Секој кој плука по свој сонародник само затоа што сонародникот им ја исплукал во лице вистината на одредени луѓе и/или институции за нетранспарентниот начин на кој работат, е пример за човек со ниска интелигенција, тоа е исто како и ова што денес се случува во Центар, со нови објекти и споменици го затвораат плоштад Македонија, но тие со низок коефициент на интелигенција веднаш ги отфрлуваат критиките кон градежните работи бидејќи за разлика од порано, сега се градело и имало работа.
Таа истрчала 100 метри за 12.92... најдоброто време во истата дисциплина, на истата Олимпијада... 10,78... За плачење е да се фали со такво време, фудбалери и фудбалерки трчаат побрзо 100 метри на тренинг од нејзе. Убаво и направиле, да била толку добра ќе обезбедела норма, а wild картата ако сакале можат да ја дадат на најслабиот атлетичар. Па уште и ја уништиле кариерата
Е па ајде да пратиме некој/а фудбалер/ка наместо таа девојката која сме ја испратиле со послаби резултати од Рожман.
Јас во ниту еден момент не сум рекол дека Рожман е единствената македонска атлетичарка која можеме да ја испратиме на ЛОИ, но според нејзините резултати, колку и да се катастрофални, сепак најдобри се, за плачење се пред останатите атлетичарки од Европа и од светот, но за пофалба се во Македонија, се додека не се појави некоја атлетичарка со подобри резултати од Рожман.
Посочи ги тие фудбалери/ки кои можат да трчаат на атлетичарска патека од 100 метри во одреден правец побрзо од Рожман, а не на фудбалско поле наоколу бркајќи ја топката, бидејќи доколку не си знаел, атлетичарите не трчаат по топка и мораат да трчаат во одреден правец, а не да трчаат низ фудбалски терен како да се восхитуваат на тревата, посочи ги тие фудбалери/ки кои можат да трчаат во одреден правец побрзо од Рожман и ајде да апелираме до МОК да инвестира во нив како атлетичари/ки, а не како фудбалери/ки.
