Isabelle Geffroy - ZAZ

„Не би го сменила патот кој го одбрав“

Младата Французинка со уникатна харизма и вонсериски пејачки способности за кратко време стана една од најпопуларните нови пејачки во светот. Музичкиот феномен од парискиот Монмартр на 28-ми мај доаѓа да одржи концерт во Скопје и на македонската публика да и ги претстави своите хитови, а ова беше повод да поразговараме со неа.



Изабел Џефрој, попозната како Заз, во 2011 година со својот албум „Zaz“, a посебно со хитот „Je Veux“ ја освои публиката ширум Европа. Нејзините музички почетоци се одбележани со улични настапи, а на почетокот од 2010 година го привлекува вниманието на публиката со песната „Је Veux“ која за многу кратко време стана интернационален хит. Нејзиниот прв албум само во Франција е продаден во дијамантски тираж (повеќе од 800.000 примероци).
Македонската публика ќе има можност да ужива во нејзината музика на 28-ми мај во Скопје. Прочитајте го интервјуто кое Кајгана го направи со Заз.

На 28 мај за прв пат ќе настапите во Скопје. Што може да очекуваат Вашите фанови во Македонија од овој концерт?

Што можат да очекуваат? Песни од албумот и некои кои не се на албумот. Имаме многу работи да споделиме, едноставно да поминеме убави моменти заедно.

Во Скопје доаѓате по серијата концерти од Вашата турнеја. Како сте задоволна од текот на досегашниот дел од турнејата?

Штотуку почнавме со турнејата. Го направив првиот концерт во Брисел. Утре почнуваме со турнејата во Германија. Имаме многу концерти во Русија, Турција, Полска, Чешка. Не застануваме. Одлично е! Прекрасно е да пееме, на француски. Добро, не свириме само француска музика, но да пееме надвор од Франција, тоа е одлично.

Дали животот на пат и постојаните концерти Ве исполнуваат или пак Ве исцрпуваат?

Да, многу е исцрпувачки. Само што ми заврши турнејата низ Франција. Се вратив од одмор, имав одмор повеќе од еден месец и сега сум во форма. А сега концерти во странство се вистински предизвик. Со оглед на тоа што луѓето не разбираат француски, повеќе разбираат од емоциите. Тоа бара многу напори. Но, прекрасно е да се запознаваат повеќе земји на ваков начин. По турнејата ќе се одморам повеќе од една година. Ќе имам време да се одморам.

intervju-so-zaz-muzichkiot-fenomen-od-pariskiot-monmartr-83791.jpg


Пеете на француски, но интересно е што речиси сите Ваши текстови преку интернет можат да се најдат преведени на повеќе јазици, па ете дури и на Македонски. Што мислите, која е причината за тоа?

Па мислам дека штом нешто ви се допаѓа, сакате да знаете за што се зборува. Тоа е добро, значи дека луѓето се љубопитни и сакаат да дознаат.

Во 2010 година го издадовте својот прв албум. Колку тоа го смени Вашиот живот и колку ве смени Вам?

Ме промени, всушност... повеќе во мојот однос со луѓето наоколу... ве препознаваат. Значи, повеќе се промени односот на другите луѓе. Потоа јас, јас не се сменив многу освен тоа што има повеќе доверба во себеси. Се проучувам самата себе. Со оглед на тоа што ми поставуваат многу прашања за мене, сега имам многу одговори.

Имам чувство дека популарноста Ви дојде многу спонтано и нежно, а таква е и Вашата музика - спонтана и нежна. Колку е тешко да се пробиеш во светската поп музика - во сцената во која доминираат ѕвезди со огромни музички корпорации зад себе, медиуми кои ги форсираат нивните спотови и сето тоа на англиски јазик кој веројатно е многу полесно разбирлив во светот?

Баш така спонтана и нежна... Но целиот проект Заз не е вообичаен. Има многу нешта кои не се вообичаени. Не е вообичаено да се пее на француски и тоа надвор од Франција. Не бевме во оние веќе познати текови и рамки кои фунционираат. Вистина дека имав медиумска поддршка. Медиумите доста помагаат, телевизијата, радиото. Навистина доаѓа од самите луѓе. Дури и во странство. На многу места не се обративме до медиумите, не направивме промоција. Но, луѓето преку интернет постираа видеа и тоа беше клучно, Но навистина луѓето се оние кои пронајдоа во музиката. Можеби не во Франција... Впрочем да, дури и во Франција. Значи, самите луѓе го издигнаа овој проект. Се разбира, медиумите помогнаа, но самите луѓе се клучни.

intervju-so-zaz-muzichkiot-fenomen-od-pariskiot-monmartr-83792.jpg


Што, според Вас е главната причина за Вашиот успех и популарноста која Ви дојде толку брзо?

Мислам дека луѓето се пронаоѓаат во песните, во вредностите кои ги изразувам. Мислам дека сум многу позитивна личност, барам решенија, се обидувам најдобро да се запознаам себеси за добро да го запознаам светот. Тоа оди во насока со тоа што се случува денес. На сите им е смачено од површни работи, од преправање. Мислам дека сме во клучен период каде луѓето имаат потреба да бидат самите себе, да се изразат и да ги изразат своите вредности. Дојдовме до момент кога на луѓето им се смачи од лажни вредности.

Сите Ваши песни носат некоја порака. Верувате ли дека музиката има сила да пренесе порака која ќе допре до луѓето и да направи некакви промени во општеството?

Да, мислам дека музиката ги изразува тие промени. Можеме да увидиме како се менува општеството преку музиката што ја слуша. Мислам дека музиката може да биде за разонода или за да изрази чувства кои можат да бидат длабоки. Или вредности... Музиката е начин на изразување. Не претставува само едно нешто, туку има повеќе страни.

Во текот на кариерата имате настапувано со многу различни музички состави и во многу различни средини. Колку тие искуства влиаеја врз Вашиот развој и Вашето дефинирање како музичар?

Тие искуства многу влијаеа врз мојот развој. Ми овозможија да се осознаам, да практикувам, да се најдам пред ред различни искуства. Но, треба пракса. Така стигнав до она што го правам денес. Не би го сменила патот кој го одбрав зошто е богат со искуства. За мене тоа е многу важно да вежбаш и да можеш да се ставиш пред различни искуства. Се учиш, некогаш не знаеш како да реагираш, па учиш. Искуството те прави да се чувствуваш удобно, да дефинираш што сакаш да правиш, а што не сакаш. Нема ништо подобро од искуство. Не треба да се плашиме од ништо, да одиме само напред. Само напред!


Извесен период настапувавте на улица. Како изгледа кога ја изведуваш музиката на тој начин и зошто се одлучивте за таков потег?

Всушност, почнав да настапувам на улица случајно. Затоа што не можев да најдам работа и сакав да пејам и да заработувам и така едноставно се случи, си рековме: ете ќе настапуваме на улица. Така, најдовме едно место на Монмартр кое ни се допадна и ни одговараше. Секогаш кога ќе го сменевме местото не можевме да заработиме пари. На тоа место беше како да имаше нешто посебно, со посебна магија. Имаше многу туристи. А ние пеевме француски песни, туристите не гледаа, а магијата фунционираше. За нас беше еден начин на слободна, немавме шефови, луѓето кои немаа пари не оставаа. Секој беше слободен да ја слуша музиката бесплатно, да остави пари или не. Имаше некоја форма на слобода. Беше добра основа за учење. Затоа што нема микрофон, нема сцена, нема светла. Таму си директно. Оставен си во реалноста, па снајди се. Беше одлично искуство.

Имавте ли трема од тие улични настапи и колку тие свирки се разликуваат од концертите, како тој што Ве очекува во Скопје?

Да, не беше лесно да пееш на улица. Во прв ред си! Кога си на концерт има посебна енергија, публика, но има микрофони, намесетена сцена, светло, техничари. На улица е „поинтимно“.

Кои се Вашите следни планови - работите ли на втор албум или планирате одмор по завршувањето на турнејата?

По турнејата ќе почнам да правам концепт за албумот т.е. ќе избирам песни, ќе компонирам, ќе пишувам, ќе среќавам луѓе кои би можеле да ми даваат предлози. Ќе одам на места за да одморам, на пример на планина. Да се одморам и да правам убави нешта.

виа Кајгана
 
само една песна и знае 98 посто од цела држава, а она не ни знае каде ни е државата.

глупав обид на скопјани да се исперат затоа што во колосеум шабан и компанија собираат најмногу народ...
 
Kartata 1400 e? kako Madona da doaga :facepalm:
 
Никат не идам на ЗАЗ,се шитна све да и ебам нели само по плоштади пее и по фестивали што не дојде на баскерфест да згрми а не ми наплака 1500 денари карта:facepalm:
Павароти да беше жив немаше толку да наплати !
 
Не сум нејзин некој фан но морам да признаам дека има доста добри песни кои често знам да ги пуштам на јутјуб. Што се однесува до цената на влезница за нејзнин настап навистина цената е премногу дигната за нејзинити способности тоа е нешто што најмногу ми оди на живец кај неа а инаку од сите нејзини песни оваа песна ми е најомилена.


Инаку еве превод на песната:

Не направивме напор
Да се држиме заедно, барем малку
Пред времето да ги утврди
Нашите копнежи и желби
Сликите, кавгите
Од злобното минато
Ни ги исковаа оклопите
И нашите срца се запечатија

Оставени сами во нивниот ќош
Нашите оживеани демони
Изгубени во нашите нацрти,
безбојни, темно сиви
Можевме да избереме прошка
Да се обидеме со друга
Приказна за иднината
Наместо да сакаме да заборавиме

Ако сакате да најдете преводи од нејзините песни кликнете тука
 
Иако во првиот пост можеби веќе има нешто од текстот подолу битно има доста корисни информации за неа.

Заз е вистинско откровение на музичката сцена, која со својата харизма и талентираниот глас за неполни 2 години се стекна со милион обожаватели. Со своите песни веднаш ќе ве маѓепса и ќе посакате да ја слушате со часови, иако можеби не знаете ни еден француски збор. Преку песните, кои наликуваат на стилот на француските шансони, а изведени на еден поинаков мелодраматичен начин, Заз ви нуди единствена можност да ја запознаете француската музика од сосем поинаков агол.Заз – пејачка поради која ќе посакате да го научите францускиот јазикВистинското име на Заз е Изабел Жофруа (Isabelle Geffroy). Родена е на 1 мај, 1980 година во Тур, Франција. Љубовта кон музиката ја покажува уште од мали години, кога со своите сестра и брат посетува часови по музика. Подоцна студира музичка теорија, а се фокусира повеќе на виолината, пијаното, гитарата и хорското пеење.

Освен музиката, се занимавала со спорт и професионално учела кунг фу. Во 1995 година посетува часови за пеење, а во 2000 година добива стипендија и се запишува во училиштето за модерна музика во Бордо, Франција.Заз – пејачка поради која ќе посакате да го научите францускиот јазикСвојата музичка кариера Заз ја започнува во 2001 година, пеејќи во бендот „Fifty fingers“. Подоцна пеела и во други бендови, а своите вокални способности ги усовршувала и како хорист, настапувајќи со многу пејачи како Маесо, Арт Менго, Владимир Макс. Во 2006 година се преселува во Париз.Заз – пејачка поради која ќе посакате да го научите францускиот јазикМногумина ја нарекуваат музичкиот феномен од парискиот Монмартр, поради тоа што заработувала токму од пеењето на улиците на Монмартр. Сепак, среќата и се насмевнува во 2007 година, кога почнува да соработува со продуцентот и текстописец Кередин Солтани. Токму Кередин се јавува како композитор и автор на најголемиот хит на Заз – „Je Veux“.Заз – пејачка поради која ќе посакате да го научите францускиот јазикСвојата слава Заз ја доживува во 2010 година, издавајќи го својот прв албум Zaz. Песните, на кои многу од нив се јавува како автор, се интересен спој на џез со примеси на циганската музика. Мелодични и лесно певливи се запаметуваат уште од првото слушање. Текстовите на песните се вистинското нешто по што ја препознаваат Заз. Тие се едноставни, лесни за паметење и пренесуваат универзални пораки. Во своите песни („Je veux“, „Ni oui ni non“, „Le Long de la route“, „Trop sensible“, „Les Passants“ ) Заз не сака накит од Шанел, лимузина, ниту ја сака Ајфеловата кула. Единствено што сака е љубовта, радоста, слободата…

Нејзината песна „Je Veux“, со над 10 милиони прегледи на YouTube, е вистински мегахит. Годината во која Заз го издава својот прв албум, 2010, достигнува огромна популарност со над пола милион продадени копии, со што се сертифицира како платиниумско издание. Истата година, Заз ги освои наградите за најдобра француска пејачка во 2010, како и најдобра француска пејачка во странство во 2010 година.

Главна инспирација за нејзините песни се „Четирите годишни времиња“ на познатиот композитор Вивалди, како и џез музичарите како Ела Фицџералд, Енрико Масијас, Боби Мекферин и Ричард Бона. Исто така, африканските, латино и кубанските ритми имале големо влијание врз создавањето на песните. Поради бојата на гласот и стилот на песните, многумина ја нарекуваат новата Едит Пјаф.

Автор: Александра Чакаровска
 
You must log in or register to reply here.

Kajgana Shop

Back
На врв Bottom