Kратка биографија:
High control e формиран во Тетово, од страна на Роберт Матовски (вокал, гитара), Игор Мариниќ (бас) Гоце Симоновски (гитара) и Новица Коцевски (тапани) во 2005 година, а поради лични причини бендот го напушта Новица Коцевски, а неговото место го пополнува Јосип Сензел.
Бендот може да се класифицира како Alt-Indie рок бенд со елементи на Grunge, Metal и Progressive рок.
Првиот официјален настап го имаат во 2008 на Winner Fest каде се пласираат во финалето заедно со уште 8 други бендови. Наредно е учеството на Тоtal Dem-o Fest, каде според оценка на жирито се прогласени за најдобар бенд и како награда го снимаат својот прв албум "In Every Way", кој е издаден во април 2009.
После објавувањето на деби-албумот учествуваат и на Еxit Festival во Нови Сад.
Нивниот втор албум, насловен "Report" излегува на 18 март 2011 и заедно со нив на овој албум работеше и DJ Slave, а исто така имаат и заедничка песна со Суперхикс.
Во припрема е и третиот албум, кој за разлика од претходните два ќе биде на македонски јазик, а летово беа актуелни со нивниот хит „Доста“, а најслушан нивен хит е „Тука за тебе“.
Сигурен сум дека повеќето ги имате слушнато па повелете коментирајте, дали ви се допаѓаат или не
