МАКЕДОНЕЦОТ ПОВТОРНО НА "ЏУЗЕПЕ МЕАЦА"
Мурињо го враќа Пандев во Интер
Португалецот дал "зелено светло" за оваа операција и во него гледа идеална замена за контроверзниот напаѓач Адријано
Често пати сме биле сведоци на познатата фраза, првата љубов никогаш не се заборава. Дали повторно ќе бидеме сведоци на истата ќе дознаеме за време на претстојниот летен преоден рок за кога е закажан и состанокот помеѓу челниците на актуелниот шампион во италијанската Серија А Интер и оние на претставникот на репрезентативецот на Македонија и најголема ѕвезда во дресот на римски Лацио, Горан Пандев.
Според последните информации кои можат да се прочитаат на познатиот интернет портал, Тутомеркато, постојат реални шанси, Пандев, после 9 години, повторно да се врати на фудбалскиот храм "Џузепе Меаца", од каде како младинец ја почна својата блескава интернационална кариера на Апенините.
Зелено светло за операцијата има дадено и предводникот на "нероазурите", Жозе Мурињо, кој е импресиониран од играта на Македонецот, и во него гледа идеална замена за контроверзниот напаѓач Адријано.
Масло на големиот оган додава и претседателот на "светлосините", Клаудио Лотито, со одбивањето на идејата да се продолжи соработката со репрезентативецот на Македонија, до 2014 година.
Како што информира истиот сајт, челниците на Интер сакаат што е можно побрзо да ги осигураат услугите на Пандев, најмногу поради фактот дека истиот ќе стане слободен играч во 2010 година и поради зголемениот интерес што го покажуваат најголемите клубови во Европа.
До сега најави за испраќање официјална понуда дадоа раководните лица на Реал (М), Ливерпул, Валенсија, Тотенхем и Зенит.
ИЗВОР
А еве и на Италијански сајт
------------------------------------------------------------------------------
уште нешто...
Кои се најдобрите напаѓачи во светот?
Германскиот спортки весник Спорт Билд излезе со многу интересна стсатистика, за тоа кој напаѓаче е моментно најдобар во светот. Бројките велат дека тоа е Лео Меси. Пандев на оваа листа е 42-ри, а зад него интересно се Дел Пјеро (44-та позиција), Кајт (46), Амаури (47), Роби Кин (48), Адријано (49), како и Марко Ди Вајо (50).
Во првите 10 има дури шесто фудбалери кои играат во Шпанија, а дури тројца од Барселона - убиственото трио - Меси, Ето и Анри
Листата на 20 најдобри напаѓачи во светот во избор на "Спорт Билд":
1. Лионел Меси (Аргентина, Барселона)
2. Самуел Ето (Камерун, Барселона)
3. Давид Виља (Шпанија, Валенсија)
4. Златан Ибрахимович (Шведска, Интер)
5. Кристијано Роналдо (Португалија, Манчестер Јунајтед)
6. Руд Ван Нистелрој (Холандија, Реал Мадрид)
7. Вејн Руни (Англија, Манчестер Јунајтед)
8. Тиери Анри (Франција, Барселона)
9. Раул Гонзалес (Шпанија, Реал Мадрид)
10. Фернандо Торес (Шпанија, Ливерпул)
11. Емануел Адебајор (Того, Арсенал)
12. Карим Бензема (Франција, Лион)
13. Фредерик Кануте (Мали, Севиља)
14. Димитар Бербатов (Бугарија, Манчестер Јунајтед)
15. Марио Гомес (Германија, Штутгарт)
15. Николас Анелка (Франција, Челзи)
17. Диего Форлан (Уругвај, Атлетико Мадрид)
18. Вагнер Лав (Бразил, ЦСКА Москва)
19. Мирослав Клосе (Германија, Баерн Минхен)
20. Лука Тони (Италија, Баерн Минхен).
ИЗВОР
)))))))
