And here they're going again...
ВТОР ДЕН ОД ШТРАЈКОТ НА ПРОСВЕТАРИТЕ
СОНК обвинува за притисоци, дел од училиштата му откажаа послушност на Цветановски
Вториот ден од штрајкот на просветните работниците, според претседателот на СОНК Дојчин Цветановски, се одвива со посилен притисок од понеделникот.
Според Цветановски, притисоци вршат директори, градоначалници и просветни инспектори кои собираат податоци и прават списоци на штрајкувачите.
На удар на притисоците, според него, се околу 8.000 вработени на определено време и подрачните училишта кои имаат мал број ученици.
- Наставниците со нерешен статус се најранливи зашто се плашат за работното место и врз нив притисоците се најжестоки. Во училиштата со малку ученици, пак, вработените се плашат дека паралалеките ќе бидат укинати и тие ќе останат на улица - рече Цветановски.
Министерот за образование и наука Перо Стојановски ги повика сите ученици денеска да продолжат со редовна настава. Според него, во две третини од училишатата наставата се одвива непречено, а во останатите училишта таа се реализира комбинирано, со наставни содржини и со воннаставни активности.
Според Роберт Ѓоргиев, директорот на Државниот просветен инспекторат, на вториот ден од штрајкот на СОНК, голем дел од училиштата, кои првично го поддржале штрајкот, ја смениле својата одлука.
- Во најголемиот дел од основните и средните училишта, наставата се одвива непречено, додека во останатиот дел таа е комбинирана или пак воопшто не се одвива. Имаме училишта кои во понеделникот го поддржа штрајкот, денеска ја сменија својата одлука - почнаа редовно да ја одржуваат наставата - изјави Ѓоргиев, потсетувајќи дека на 1 декември започнува пријавувањето на матурантите за полагањето на државната матура.
Директорите на седумте основни училишта на територијата на Општина Аеродром, вчера уште еднаш повторија дека не го поддржуваат штрајкот.
И директорите на основните училишта и градинките во Општина Центар,
како и Гимназијата "Раде Јовчевски Корчагин", не го поддржуваат штрајкот на СОНК затоа што, како што велат, не е во интерес на учениците.
http://www.vecer.com.mk/?ItemID=7A1428FA5D28364CA616C8687DB66DE8
BOLD: Нека не ве лажат, ниедно од школите во Аеродром не работи (освен тие од Лисиче)
Подвлечено: Корчагин исто не работи.
