На времето луѓето викаа дека FIA било скратеница за Ferrari International Assistance иако FIA и FOM т.е. Макс и Берни направија доста измени да ја прекинат доминацијата на Ферари. А моментално (од 2014 навака) слабо такви фори за ФИА и Мерцедес иако се ко брачен пар во кој Мерцедес го има последниот збор.
Ред Бул се покажа како озбилна закана сезонава и што се дешава? Прво ги нападнаа за флексибилниот заден спојлер за кој се воведоа нови регулации и РБ мораше да дизајнираат нов спојлер. Тоа што предното и задното крило на Мерцедес се тресат ко луди нема везе.
Потоа Ред Бул, без конкретни докази, беа обвинети за правење дубари со притисокот на пневматиците(демек они биле криви што му пукна гума на Макс), па ФИА и Пирели го покачија минималниот притисок.
Неделава ФИА воведе нови регулации што ќе ги успори пит стопите бидејќи наводно тимовите (пр. Ред Бул/Вилијамс како најдобри) не почитувале safety protocols па се случувале инциденти. Кога имале РБ инцидент со лошо заштрафена гума? Иначе Мерцедес во просек имаат 0,3/4 секнунди поспор пит стоп од Ред Бул. Со новите правила се верува дека таа разлика ќе се намали/изедначи. Али останува да видиме. Во секој случај новите регулации за пит-стоп не се наменети да им помогнат на РБ, Хорнер доста нервозен и љут делува по изјавите.
Во Силверстон, Пирели ќе донесе нова компонента на потврди пневматици што можат комплетно да ја сјебат сезоната и да го сменат распоредот на табелата. Ви текнува како првиот дел од 2013 беше интересен слично на 2012, па после Силверстон донесоа нови поиздржливи пневматици што комплетно ја уништија сезоната (9 победи на Фетел по ред)? Ништо чудно да видиме исто сценарио за месец дена.
Во глобала го пратам спортот од љубов и немам омилени тимови/возачи (освен Кими), навивам за забава колку глупо и да звучи.
Ама ради хајкава што се води против Ред Бул од страна на ФИА и Мерцедес, посакувам Макс и Перез да им го зачукаат сосе јајца и да освојат WDC/WCC покрај сите сопки што им ги прават.
