Феноменална трка. Ова е тоа што и недостигаше на Формула 1 изминатите неколку години.
Батон потсети на стартот од минатата сезона. Секоја чест за одлуката да менува гуми за суво кога другите не ни помислуваа на тоа. Ризикот му се исплатеше и до крајот немаше никакви проблеми.
Кубица некако од сенка дојде до втората позиција и оствари огромен успех за Рено. Мислам дека Маса можеше да го нападне, но со оглед на состојбата со гумите мораше да биде претпазлив. Алонсо вчера беше феноменален. Иако не ми беше омилен додека возеше во Мекларен и Рено, од трка во трка се повеќе ме убедува дека е најдобрата солуција која Ферари можеше да ја доведе. И покрај извртувањето на стартот успеа да стигне до 4 место. Како само успеа да се одбрани од нападите на Хамилтон тоа е неверојатно. Од тимското радио му јавуваат дека Хамилтон му е на 3,5 секунди а овој ладнокрвно им вели: "I don't want to know"
Ѕвер!!!
Најголем губитник неспорно е Хамилтон. Ако претходната трка му се наредија коцките и стигна до 3 место, на оваа се одеше против него. Мора да се признае дека и Луис возеше одлично, но сепак најпрво катастрофалната одлука на Мекларен да влезе по втор пат во боксот а потоа и извртувањето.
Исто така мора да го споменам и Фетел. Човекот едноставно нема среќа. Вози одлично но постојано му се случува по некој пех. Ред Бул се навистина брзи но сепак не се од калиброт на Ферари и Мекларен. Тоа се виде на овие две трки.
Ако се суди според почетокот, тогаш не очекува една од најнеизвесните сезони во Формула 1.
. По кој критериум и доделиле на Алфа да пренесува а нема покриеност на цела земја, не е национална телевизија 
:lud:
