Фискална во рака - награда без мака!

[Dardan-ia]

За тоа си во право...башка, фискална даваат и у пошта кога праќаш хехехе

Ќе ги пуштам на плоштад без пари

Едно 4-5 фискални си фрлив пошто не се читаа бројките добро ... ај реков да не им биде ова причина да ме одбијат Пазам и на броењето,да не пуштам со 19 фискални.

 

[Рудници и]

Не е фората за 20 денари,од принцип не праќам...До коа ќе ве лаже владава(секоја) со вакви глупи фори?

До вчера добивавме чудни погледи ако побараме фискални.Сега ако не побараш, пак чудно те гледат.Не издавам, не барам.За некој на наш грб праење мајка тереза - не.

 

[мкд владе]

Тоа е и поентата,очите да си ги извадиме

Поентата е да почнат да даваат фискални, или што би рекле да почнат да си плаќаат данок. Ете видиш вака за разлика од тоа ти што мислиш очите да си ги извадиме доаѓа нешто од типот и волкот сит и овците на број. Ако размислам подлабоко зошто јас на некој да му плаќам производ или услугата во која тој веќе си вкалкулирал ддв а тој тие пари да си ги пикни во џебот. Веќе ако не дава фискална нека биди фер и нека ја намали услугата или производот. А колку е фер воопшто потребата од ддв е сосем друга тема, но законот како таков стои и тоа е тоа.

 

[jyvation]

Ќе ги пуштам на плоштад без пари

Едно 4-5 фискални си фрлив пошто не се читаа бројките добро ... ај реков да не им биде ова причина да ме одбијат Пазам и на броењето,да не пуштам со 19 фискални.

Дарди ќе барате 25% од добитниците на наградиве да бидат Албанци или не?
За станот што правиме еден во Чаир и еден во Аеродром така?

 

[Dardan-ia]

Дарди ќе барате 25% од добитниците на наградиве да бидат Албанци или не?
За станот што правиме еден во Чаир и еден во Аеродром така?

Доста имаме во Чаир , сега се шириме кон Аеродром, добар е станот

Ама дека има дискриминација очигледно е , станот има само 50м2 , тој одговара само на македонци , се гледа дека е наместено да му се падне на македонец.

 

[sartan]

Ве читам и не си верувам што читам, наместо да се мавне еден бојкот на оваа глупост од “наградна игра“ вие уште и калкулирате колкави се шансите нешто да добиете. Бог да го прости дедо ми викаше: Да не беа надежите ќе поскапеа јажињата!
Во секоја цивилизирана земја се знае како се прави: Се собираат сметките се поднесува пријава за повраток на данок, таа пријава се процесира и на сметка си добиваш поврат онолку колку што ти следува.
Кај нас од оваа глупоштина најмногу ќе се офајдат неколку партиски послушници и Македонски Пошти. Изгледа дошло време да се продава поштата па сакаат да набилдаат профит и да ја шитнат.
Инаку за тие што не знаат како се мести наградна игра со пликоа еве едно мало објаснување: Пликоата што треба да бидат добитни се прскаат со малку вода со пумпица-распрскувач и се ставаат во фрижидер за да се изладат. После се распоредуваат стратешки у купот и тој што влече знае од кој дел која награда треба да ја извлече.

 

[Ставрогин]

Mакедонија, единствената држава на светот каде народот самиот себе си си е даночен инспектор.



Мазохизмот на овој народ дојде до нови висини...

 

[мкд владе]

Mакедонија, единствената држава на светот каде народот самиот себе си си е даночен инспектор.

Не ова е пракса превземена од толку ценетата Европска Унија.
Последно што читав многу добро функционираше во Чешка или Словачка сега не ме држи за збор.
Така да не се секирај не сме единствени нити во светот уште помалце во Европа вклучувајки ја и ЕУ.

 

[Ставрогин]

Не ова е пракса превземена од толку ценетата Европска Унија.
Последно што читав многу добро функционираше во Чешка или Словачка сега не ме држи за збор.
Така да не се секирај не сме единствени нити во светот уште помалце во Европа вклучувајки ја и ЕУ.

Чешка и Словачка не се баш репрезентативни примери за менталитетот на жителите на Европската Унија.

Следен чекор, да ги истренираме децата да ги пријавуваат родителите во УЈП кога нема да платат данок.

 

[мкд владе]

Чешка и Словачка не се баш репрезентативни примери за менталитетот на жителите на Европската Унија.

Следен чекор, да ги истренираме децата да ги пријавуваат родителите во УЈП кога нема да платат данок.

Европска унија не е само Германија, а и зошто не би биле репрезентативен модел. Не се членки или што?
Неможи да се земат примери само од членки кои ви одговараат. Европска унија е и грција, бугарија, Романија и сите така да сите се репрезентативни примери колку тоа да ти се допаѓало или не.
А за тоа пријавувањето ние сме на прво место по криење, во твоите репрезентативни примери од менталитет за ЕУ ке те пријават и за многу помали работи. Сега дали децата или комшијата битно дури да трепниш ке бидиш пријавен за нешто.

 

[Ставрогин]

А за тоа пријавувањето ние сме на прво место по криење, во твоите репрезентативни примери од менталитет за ЕУ ке те пријават и за многу помали работи. Сега дали децата или комшијата битно дури да трепниш ке бидиш пријавен за нешто.

Не сме на прво место во затајување данок, Грците се убедливо први.

 

[мкд владе]

Не сме на прво место во затајување данок, Грците се убедливо први.

Не ни мислев само за затајување данок, повеќе мислев на кодошење и пријавување онака општо. Или поинаку земено за работи кои тука би си ги зеле здраво за готово, па дури и ке го скриеме ,таму биди сигурен дека ќе бидиш пријавен. Не зборувам дали тоа е добро нити лошо, но едноставно е така.
Дали ти некогаш го имаш пријавено комшијата ете дека дома викнал некој да му поможи во варосување или дека правел ајвар пред зграда или чекал слава или именден па била многу гласна музиката. Јас сум жив сведок дека некој не пријавил таму горе дека на свадба била многу гласна музиката.
Еј за свадба.

 

[гринго]

10/200000 = среќна ѕвезда
5/200000 = ептен ксметлија
1/20000 = среќа во газот имаш
ова народски пресметано

кај нас викаа ... праен в г'з

 

[scary]

ИСПРАТИВТЕ ФИСКАЛНИ? ЕВЕ ШТО МОЖЕ ДА ДОБИЕТЕ​

​

​

Собраните 20 фискални сметки треба да се стават во бел плик со стандардна големина и да се пратат на адресата: Државна лотарија на Македонија, бул. „Гоце Делчев“ бр. 8, Поштенски фах 363, со назнака: За наградната игра „Фискална во рака - награда без мака“. Нема ограничувања на износот на сметката, ниту на бројот на испратени плика, на кои не смее да стои името на испраќачот, туку неговите податоци (име и презиме, адреса и тел. број) се запишуваат на ливче и се ставаат во пликот заедно со сметките.

Првото извлекување ќе биде на 30 декември 2013 во живо на Македонската телевизија по Дневник 2, а во секое наредно коло ќе учествуваат и ковертите од претходните извлекувања.

Наградната игра ќе трае една година и ќе бидат доделени три стана, три дуќани и девет автомобили, покрај вредносните ваучери од 3.000 до 60.000 денари.

Становите се од по 52 метри квадратни, а дуќаните по 30 квадрати, лоцирани во Аеродром, на ул. Трета ударна бригада. Тие се обезбедени од Владарта на РМ, од Фондот за станови и деловни простории што ги гради АД за станбен и деловен простор. По еден стан и еден дуќан ќе бидат извлекувани на шест месеци - првите на 30-ти овој месец, следните на 30 јуни 2014, и последниот стан и дуќан на 30 декември 2014, кога ќе заврши наградната игра.

По првото коло, на 30 декември 2013, следните ќе бидат на секои шест недели, и на секое ќе биде извлекуван по еден автомобил од средна класа (вкупно девет). Извлекувањата ќе бидат во ист термин (понеделник на МТВ по Дневникот 2).

Што се однесува до ваучерите тие ќе бидат во шест категории: аудио/видео опрема (10.000-60.000); бела техника и мали кујнски апарати (3.000-60.000); мобилни телефони, фотоапарати и опрема (5.000-60.000); компјутери и компјутерска опрема (15.000-60.000); велосипеди и опрема (10.000-20.000); прехранбени продукти (4.000). Стоковната добивка ќе биде на граѓанинот кој со одредениот ваучер ќе може ја подигне кај економските оператори-соработници во наградната игра.

На МТВ секој понеделник од 20 часот ќе има и 15-минутна контактна емисија, на која граѓаните ќе може да се пријавуваат да присуствуваат на извлекувањата и да добиваат информации за наградната игра, за која детали, исто така, има и на веб-страниците на Министерството за финансии и на Државната лотарија на Македонија. Водителот од МТВ Димитар е заштитно лице на играта и ќе ја води, а ќе му помага водителката Ведрана.

 

[DIJAMANTE]

Во понеделник е извлекувањето, потоа којзнае кога е следното