Кај одреден дел од населението постои една заблуда во однос на феминистичкиот поглед кон мајчинството:
Се врши пропаганда дека феминизмот е против тоа жените да бидат мајки, домаќинки и да живеат според традиционални родови улоги. Точно е дека феминизмот е против ова само доколку на жената ѝ се наметнати овие работи против нејзина волја, а тоа е угнетување. Едноставно феминизмот се залага жените да имаат избор. Секоја жена сама да одлучи дали сака да биде stay at home mom, да има кариера и професионален живот, или да си ги тера двете работи истовремено.
Не сум слушнал некоја феминистка да е против мајчинството и грижата за децата од страна на жената доколку тоа е нејзин доброволен и слободен избор.
Од друга страна, сѐ почесто кај одредени ултраконзервативни групи гледам тенденција на ширење пропаганда насочена кон намалување и укинување на женските права.
Се појавуваат подкастери со ригидни ставови дека местото на жената е во кујна, ако жената патува, е амбициозна, образована, има пријатели - не била wife material, а најсмешно е што со нивната пропаганда ги навредуваат и мажите.
Кога пропагираат дека мажите се раѓаат без вредност - како маж се чувствувам навреден.
Кога тврдат дека маж не треба да се грижи околу домашните обврски и да готви - создаваат паразити кои што не можат да се грижат за себе. Ако си возрасен човек, а не знаеш да си направиш храна, да си испеглаш облека, да си ги измиеш чиниите - тоа не те прави алфа мажјак ниту некаков мажествен маж - туку значи дека си неспособен за самостоен живот, што за возрасен човек со нормален психофизички развој е срамота.
