Ајде вака, ќе одиме со ред.
Апсолутно не се согласувам дека играчкиот кадар на Вардар бил за класа поквалитетен. Еве ќе одиме позиција по позиција:
бекови - Вугринец е поквалитетен бек од сите што ги има Вардар. Атман, најверојатно исто така, со тоа што тука некаде е во напад со Карачиќ и Душебаев, но е подобар во одбрана. Миркуловски е подобар од Прибак, Циндриќ е на слично ниво, ама понеискусен. Ф.Лазаров е тука некаде со Борозан, Петриќ е подобар од Кеџо. Намерно не го ни спомнав Наумче, бидејќи одамна не е фактор во оваа сезона, а инаку и тој би бил од рангот на Карачич/Душебаев. Се на се, предност: Металург
крила - крилата на Вардар се подобри и на левата и на десната страна, особено на левата, но и крилата на Металург се адекватни за да може тимот да биде јак. Тие не би рекол дека се слабост. Предност: Вардар
пикери - пикерите на Вардар се далеку подобри и покомплетни играчи од пикерите на Вардар. Тука е слабоста на Металург, пред се затоа што Димовски не може ни да се врати, а не пак да игра одбрана. Сите 3 на Вардар се подобри. Голема предност: Вардар
голмани - голманите на Металург се поквалитетни. Всушност Станиќ е многу поквалитетен, додека Мијатовиќ и Митревски се на слично ниво на Милиќ и Ангелов (Малумбрес според мене не е добар голман но е корисен како трет бидејќи може многу да му тргне на секоја 15та утакмица). Предност: Металург
Кога ќе ставиш се на кантар, екипите се тука некаде по играчкиот кадар.
Што се однсува до тактиката, Вардар игра повеќе системски ракомет, со прецизно осмислени акции, а Металург е повеќе read and react со елементи на одлична уиграност меѓу некои играчи бидејќи долги години се заедно. Едноставен е релативна работа, исто како што и комплексен не значи подобар. Навидум можеби делува едноставно, ама факт е дека тие до стотинка прецизно осмилени акции за Вугринец преку блокови од Димовски/Миркуловски не се воопшто лесни да се изведат без губење на многу топки. Да не ни зборувам за проигрувањето на пикерот. Дека Вардар многу повеќе може да рашири во напад преку крилата не е спорно таму е појак, ама при централни бековски напади, Металург е неспорно подобар. Не го потценувајте значењето на бековите шутери, убаво ви вели Коњаникот кој цела сезона е потресен што нема Вардар бек што може да распали од 9 без проблем.
Од друга страна, во одбрана Металург е поквалитетна екипа, макар што Вардар е подобрен последние месеци.
А зошто би се тргнало? Има некое правило каде пишува дека така треба да се игра? И обратно може да се каже нели, ако Вардар игра бавно и централно на граница на пасивен ќе биде топовско месо за Металург.
Нормално е и двете екипи да си ја форсираат играта кој повеќе им одговара, едните брзо и широко отворено, другите бавно и централно, ама тоа не ги прави едните подобри од другите и обратно.
Точно е тоа, ама затоа се споредува просечен ден на голманите кога се анализира. Константноста е битна. А за судиите, најчесто играта која тие ја дозволуваат е измеѓу онаа која ја посакуваат и двете екипи во една ваков дуел на тотално различни пристапи. Конкретно, мене ми изгледа дека Вардар често бара алиби во тоа што Металург сака бавно да игра. Па не можете вие сосила да ги натерате брзо да играат оти така ви одговарало. Се додека се во рамки на правилата што сакаат може да прават. А нападите на Металург не се бавни толку многу затоа што судиите им дозволуваат туку затоа што, штом се стигне до пасивен знаат како одејќи на шут да изнудат фаули и губат време при изведувањето на 9те метри. Не прекршуваат никакви правила со тоа ниту пак судиите ги фаворизираат.
Тактиката на Червар на секој полуписмен тренер од втора лига му е јасна и прочитана. Тоа не е нешто посебно. Ама 90% од екипите пак не можат да ја победат. Разликата во дуелите против овие тренери ја прават многу појаките играчи кои ги имаат, а не толку прочитаноста на тактиката. И најбитно од се, и во ракометот постојат противници и тактики кои ти лежат и противници и тактики кои не ти лежат. Ова го кажувам бидејќи добивам впечаток дека перцепцијата многу ви ја испореметија дуелите Вардар-Хамбург и Металург-Кил. Мое лично мислење е дека Вардар ќе изгубеше поблаго од Кил, но и Металург ќе го победеше Фленсбург без поголеми проблеми, па сега вие сфатете си го тоа како сакате. Сепак не смеете да заборавите дека Хамбург не игра добро сезонава, а Кил е во страшна форма моментално, по 20+ разлика победува во Бундеслигата и го презеде првото место пак од РНЛ.
П.С. Се ова ќе испадне дека ги бранам Металург и тактиката на Червар, ама не ми е тоа воопшто целта (и јас тактиката ниту пак однесувањето на Червар воопшто не ги сакам, ама дека човекот носи резултати-носи). Целта ми е дека различното не треба да се потценува затоа што е различно. И ако утре титулата ја освои Металург нема да биде затоа што судиите или салата одлучиле, ќе биде затоа што играчите на Металург + тактиката на Червар ги победиле играчите на Вардар + тактиката на Раул. И обратно, истото важи и Вардар ако ја освои титулата.