Нашиве биле задоволни од шпанецот, иако јас не сум баш уверен во тоа.
Општо хемијата во тимот била на одлично ниво, а тоа носи задоволителни резултати.
На подготовкиве бевме добри, со РНЛ не се посрамотивме, вчера славевме над реално посилен противник.
Единствено нашиве не биле задоволни од кубанецот, тежок камен бил. И мене не ми личеше на нешто посебно на таа една утакмоца што го гледав против швеѓаните во Струга. Освен брз чекор за во контра (за позиција крило, а не за бек што му го водат за примарна позиција), ништо не покажа друго.
Симпатична екипа сме, играат со срце играчите, но сепак не треба да се мечтае за титулата. Едно е да славиш во скоро небитен меч, друго е да треба да завршиш подобар во 4 директни дуели (првиве два дуела ќе одлучат кој ќе понесе бод повеќе во втора фаза) и да имаш и уште 2 тешки дуели со Алкалоид и уште неколку со екипи како Охрид и Тиквеш. Ростерот е претенок, немаме никаква ротација, а тоа на долго стази е погубно. Нема потреба да се летаме со амбиции. Практично е невозможно да освоиш титула пред екипа што толки вложила, што има 12 странци, еден куп бекови за ротација, крилово српско е мотоватор и рмбач на терен, одлични пикери, солидни голмани итн. Титула со тројца бекови од кои 2 се леви, не се освојува.
Една повреда треба на јапонецот и толку е, со Бутел ќе се мачиме.
Лошо е што Карапалевски ептен падна во форма, немаме адекватна замена на среден бек. Едино Николиќ да оди таму, а Петриќ лево.
Јагуриновски е добар за замена, има напредок, ама едноставно толку му е капацитетот. Добро е што игра напред-назад, не мора да менуваме и веројатно затоа добива предност пред Алонсо. Ама затоа во нападот е минус играч. Голем проблем е кога имаш еден отсечен играч во екипата. Нема проток на топка до десните крила, џабе се солидни Џукиќ и Гоцката, топка не пипкаат цела утакмица.
Не знам што би било чарето, затоа што немам доверба во овој шпанецов.
Воша и Партизан исто немаат некои добри десни бекови за да пазариме. Оној Подунавац покажуваше нешто, ама не би бил подобар од Томи. Скоро е 2 метраш, едино тоа е предност.
Имаме њух за играчи, уште од лани го тупевме тука дека Лазаревски мора да игра почесто и еве го гази годинава. И лани кажав, неговата тешка повреда ланската сезона, за мене беше еден од пресудните фактори за да ја загубиме титулата.
Голманите имаат преслаба сезона, скоро ништо не фати Томовски. Треба да се форсира Маки на гол, ама некако има застој во кариерата.
Од една страна очајно ни требаат некои добри утакмици во СЕХА лига затоа што не играме во Европа. Од друга страна и на нив ќе мора со прв состав да играме, ако не сакаме да не размонтира некоја екипа. Или да се опуштиме од притисокот за правење резултати и да ги користиме тие натпревари за воигрување. На македонска лига не можеш да привлечеш публика, СЕХА лигата е потребна од таа причина. Ваков или онаков, РК Вардар пак привлекува публика, што мене искрено ми е позитивно изненадување.
