Ракометниот клуб Вардар почнува нов долгорочен проект наречен „Страст за ракомет“, кој подразбира соработка со 24 регионални центри во Македонија каде во почеток ќе бидат вклучени околу 1.500 деца од на возраст од 7 до 14 години, во машка и женска конкуренција.
Овој проект ги опфаќа сите градови во Македонија, вклучувајќи го и Скопје, каде сите клубови ќе бидат под капата на Вардар, и ќе работат повеќе познати тренери кои ќе имаат за цел да им ги пренесат своите знаења на децата.
Денеска беше потпишан договор со сите клубови кои пристапуваат кон овој проект, а се надеваме дека во иднина и други школи ќе бидат заинтересирани за соработка со нас.
„Кога го промовиравме стратешкиот договор со Триглав кажавме дека тој предвидува и помош во функционирањето на младинските категории. Тоа беше најава за она што сега следи, објавување на еден нов проект. Целта на еден вакво проект е континуирано следење на развојот на овие деца кои ќе решат да се занимаваат со ракомет, организирање на зимски и летни кампови и вклучување во еден систем на натпревари. Дел до овие центри, односно клубови веќе се во системот на натпреварување на РФМ, а за оние што не се во некој систем ќе организираме натпреварувања со нивни врсници. Нема да бидеме само фокусирани на работа со младите категории, туку и на едукација и усовршување на стручните кадри. Колку тие ќе бидат постручни, толку полесно ќе може сите да напредуваат. Планирани се многу новини во работата на овие школи, каде подеднакво ќе бидат вклучени и тренерите и играчите од сениорските екипи, изјави Тања Медвед, спортскиот директор во ЖРК Вардар и координатор на младинските категории.
Во 24-те регионални центри ќе работат познати спортски имиња, тренери, поранешни играчи и селектори. Меѓу најпознатите имиња што се приклучуваат кон овој голем проект на РК и ЖРК Вардар се Стефче Алушовски, Владимир Радиќ, Никола Бисинов, Слободан Чивлачки, Миодраг Јовановски, Сандре Темелковски, Андијана Будимир и уште доста други тренери кои имаат знаење и квалитет, своето искуство да го пренесат на помладите категории. Целта е во работата да бидат вклучени што е можно поквалитетни кадри кои ќе бидат во функција на попрофесионално пренесување на знаењата на младите кои ќе го одберат ракометот како начин на живот.
„Наместо да мудруваме и да се фалиме, ние молчиме и работиме. Наместо да кажуваме дека имаме 10 македонски репрезентативци во тимот, ние ракометно школуваме над 1.500 момчиња и девојчиња. И тоа е само почеток.
Приказните што некој сака ги пласира дека некој е македонски клуб, а некој друг не, сега добиваат вистинска слика. Вардар отсекогаш бил спортски и ракометен бренд и тоа и ќе остане, без разлика на приказните што некои „светски тренери“ со многу медали, и клубови сакаат да ја омаловажат работата на Вардар.
Можам да кажам дека денеска сум горд што уште уште еден проект на РК Вардар ќе биде реализиран, а една приказна на нашите ривали ќе замине во историјата. Како клуб никогаш не сме било на нивото на нашите ривали кои не гледале како противници, а не како поттикнувачи на развојот на ракометот.
На луѓето ќе им дадеме да гледаат ракомет, да децата да тренираат спорт, а не политика на клубови. Изборот да бидат дел од семејството на Вардар, на овие 24 регионални центри, каде подеднакво има момчиња и девојчиња вклучени во проектот, повеќе од 1.500 млади кои ќе бидат дел од овој проект, само покажуваат колку е сето ова сериозно и колку другите не сфатиле како сериозен партнер.
Веруваме дека ќе се појават и други приказни на нашите ривали, но, тоа нема да го помести курсот што е поставен од наша страна.
Ваквите проекти кои добиваат реализација покажуваат кој мисли и размислува како да го унапреди ракометот и да вложи во младинските категории во Македонија. Целта е поставена, почна да се реализира и ќе продолжиме да ги негуваме и развиваме сите младински категории.
За нас младите категории секогаш ќе бидат приоритет, и очекуваме сите вложувања многу брзо да донесат резултати, исто како што и последните две години нашите кадети, пионери и младинци се шампиони во својата категорија, или пак во самиот врв во Македонија. Тоа се резултати со кои малку клубови во моментов во Македонија може да се пофалат, иако и тие тврдата дека работат со младите и кај нив се најдобрите, изјави Давор Стојаноски, извршниот директор на РК Вардар.
Во работата на овие младински центри и школите кои ќе бидат во нив ќе биде надгледувана од страна на Индира Кастратовиќ, тренерот на ЖРК Вардар, и Раул Гонзалез тренерот на РК Вардар кои со свои совети ќе учествуваат во работата на овие младински школи.
„Силно ја поддржувам идејата за формирање на што е можно повеќе вакви младински школи кои ќе работат под капата на клуб каков што е Вардар. Јас долги години работам со млади категории, и знам колку е значајно да се има подмладок кој со тек на годините ќе ги пополнува местата во екипата. Вложувањето, не само во одбирање и создавање на квалитетни спортски кадри, туку и во едукација на стручните лица на долгорочен план ќе донесе резултати. Македонија е поднебје каде има одлична клима за развој на ракометот, и затоа треба правилно да ги насочиме сите млади кадри кои сакаат да се занимаваат со овој спорт, вели Индира Кастратовиќ, тренерот на екипата на ЖРК Вардар.
,види сеа да сум сакал до сеа да бидам член на навивачка група,одамна би бил.Не сакам да се мешам кај што не ми е местото,како некој што прават за пуста гага,некој и гз ќе даде.Или ќе си платам ќе си влезам ко човек,или ич не идам.Евентулно би идел со комити ради атмосферата,ама тешко.
