Фан клуб: РК Ѓорче Петров

  • Креатор на темата Креатор на темата Macedalien
  • Време на започнување Време на започнување
Трифун ќе го намали буџетот на Кометал ЃП

Во голема дилема сум, одговори Трифун Костовски на прашањето дали останува во женскиот ракометен првак Кометал ЃП, потврдувајќи го она што веќе подолго време „гласно се шушка“ дека по разочарувачката сезона размислува за повлекување од клубот. Ваквиот потег засега, сепак, ќе го одложи, но најави дека ќе ја смени политиката.

- Најверојатно ќе останам и во наредните две сезони ќе го спонзорирам клубот, но со одредена висина на парите, а не како досега, неограничено. За потоа, здравје, ќе видиме - изјави Костовски со најава дека конечниот став и конкретните планови за иднината на најтрофејниот македонски клуб ќе бидат соопштени на прес-конференција што ќе ја организира клубот во почетокот од мај.

Костовски јавно им се налути на ракометарките и на раководството на клубот за несериозниот однос и за загубениот бод во Кале во натпреварот против рускиот Динамо, со кој се доведе во прашање пласманот на Кометал ЃП во четврт-финалето од Лигата на шампионките.

„Не сакам да ги видам!“ налутено порача тогаш Костовски.

Своето незадоволство спонзорот го изрази со недоаѓање на мечевите на Кометал ЃП се додека тимот не се пласира во завршницата од ЛШ. А потоа следуваше уште едно разочарување, неколку погрешни потези од клупата, дискутабилна елиминација и помалку неславен крај на сезоната за Кометал ЃП во Европа.

Костовски како главен спонзор го презеде клубот во 1994 година, многу вложуваше и во изминативе 12 години Кометал ЃП стана најтрофеен македонски клуб, европски шампион и препознатливо име во европскиот ракомет. Најавата за намален буџет на екипата се совпаѓа со најавите од по елиминацијата од Астрок Сагундо дека Кометал ЃП во следната сезона ќе настапува со подмладен состав.
 
Вале останува, Тодоровска?

Преговорите за обновување на играчкиот кадар во најуспешниот македнски колектив, Кометал Ѓ. Петров, почнаа со разговори со две од најускусните и најангажирани ракометарки во составот. Крилните играчи Валентина Радуловиќ и Наталија Тодоровска.

Се работи за првични разговори кои треба да дадат насока или сигнали во кој правец би требало да се одвиваат финалните разговори и какви се шансите да бидат продолжени договорите. Конкретно дали тоа што очекува и може да понуди Кометал се поколопува (во најголем дел) со барањата и очекувањата на играчите.

Ниту од клубот ниту играчите во "оваа" фаза не сакаат премногу да говорат за ова, но неофицијално, репрезентативката Валентина Радуловиќ најверојатно и следната сезона ќе ги брани боите на Кометал Ѓ. П. Првиот разговор меѓу Радуловиќ и управата на клубот може да се оцени како успешен и наскоро се очекува и официјално да биде објавено дека таа ќе ја продолжи соработката со македонскиот првак. Детали нема, но најверојатно договорот ќе биде на една година со можност да се продолжи на уште една без преговори доколку двете страни во истово време и следната година бидат задоволни од соработката.

Нема детали за тоа како минале разговорите со Наталија Тодоровска. Договор не е постигнат, разлики има, но во отсуство на официјални коментари не се знае дали се од тип што не може да се надмине. Во секој случај, следуваат нови разговори и дури тогаш ќе може со поголема сигурност да се каже какви се шансите тие да завршат позитивно.
 
Луковиќ останува уште една година

И покрај најавите за завршување на кариерата, првиот голман на Кометал Ѓ. Петров во последните неколку сезони, Наталија Луковиќ, одлучи да остане на голот на нашиот најдобар тим и во следното првенство.

За причините поради коишто реши да одигра уште една сезона информираше Луковиќ.

"Убаво размислив пред да ја донесам дефинитивната одлука. Разговаравме со сопругот. Тој сакаше да се повлечам од ракометот, но на крајот се согласивме да одиграм уште една сезона, така што останувам во Кометал Ѓ. Петров до јуни во 2007 година", вели Луковиќ.

Со ова прашањето за чувар на мрежата во следната сезона кај "кометалки" е решено. Луковиќ и Колесник ќе бидат двоецот кој ќе го понесе товарот во Лигата на шампионите, а останува младите Радончиќ и Зашовска да се борат за третото место.
 
Наукович дефинитивно "кометалка"

Левиот бек на екипата на Подравка, Марина Наукович со финалните средби од Купот на ЕХФ ќе ја заврши својата обврска кон овој тим откако го одработи своето за екипата од Копривница во хрватскиот шампионат. На тој начин таа ќе стане слободен играч и следната сезона ќе настапува во редовите на Кометал Ѓ. Петров.

На овој начин Наукович станува дефинитивно "кометалка", а претставувањето пред јавноста во Македонија нема да биде набрзо. Според информациите таа се очекува во Скопје да се појави пред стартот на подготовките за новата сезона.

"Таа ќе допатува во Скопје на почетокот на подготовките за новата сезона, така што од тогаш ќе можеме да сметаме на нејзините услуги", беше коментарот на претседателот на Кометал Ѓ. Петров, Иван Бојков.

Со ангажирањето на Наукович се решава проблемот со позицијата лев бек која редовно создаваше грижи за настапите во Лигата на шампионите. Покрај тоа во комбинација за ова место се и Едуарда Идалина Аморим, која немаше голема минутажа сезонава бидејќи дојде во текот на евро сезоната, но е потенцијал кој може да биде одлична конкуренција за бековската линија. Тука е и Мирјета Бајрамовска со што се комплетира позицијата лев бек.

Што е однесува до оние ракометарки, коишто го одработија своето од претходните договори, засега нема нови информации за евентуално потпишување нови договори. Поради тоа останува отворено прашањето и натаму со Тодоровска и Платон.
 
Тодоровска дефинитивно заминува

Вчера и официјално беше потврдено дека Наталија Тодоровска следната сезона нема да ги брани боите на македонскиот клуб Кометал Ѓ. П. Натаурализираната македонска репрезентативка деновиве ќе потпише за некоја друга екипа, а нејзиното име не сакаше да го каже од нејзини лични причини.

"Заминувам од Кометал, тоа е сигурно. По неколку дена ќе кажам каде ќе играм следната сезона. Преговорите се во завршна фаза, останува да се реализираат само некои формалности. Дотогаш не сакам да зборувам за тоа за која екипа се работи. Засега, единственото што можам да го кажам е дека заминувам од овде", изјави Тодоровска.

Наталија Тодоровска во Кометал Ѓ. П. дојде од руската екипа Динамо Аква Волгоград и беше дел од најголемите клупски успеси, вклучувајќи ја и титулата во 2002 година. Годинава и истече договорот, клубот понуди свои услови, таа свои и заеднички јазик не беше најден. Двете страни си дадоа да мине малку време за да се види дали некој ќе се предомисли, но тоа не се случи и таа следната сезона ќе игра во некоја друга екипа.

Кометал Ѓ. П. на нејзината позиција веќе ангажираше една ракометарка, 21-годишната Изудина Брутус од БиХ, но сигурно ќе треба да се најде поискусен играч за да ја пополни празнината со заминувањето на Тодоровска.
 
leleee kje se ortujam we,Malahova mi wese najomilena od site...eeee koga nesto kje trgne naopaku znaci se pagja u voda...bujanova,todorovska,kastratovikj,namalen budzet i .!. uspesi ebate...a taa pa kaj kje ide neli tuka e mazena...lelellelele se iznervirav,nejkam da si ideeee weee... :(
 
И Платон дефинитивно си заминува

Пикерот Анжела Платон, исто како и ланскиот капитен, Наталија Тодоровска си заминува од редовите на Кометал Ѓ. Петров, па следната сезона нашиот шампион нема да смета на нивните услуги.

Како што бевме информирани, целата работа со нив е завршена. Тие се слободни играчи бидејќи им се истечени договорите со тимот и може слободно да си побараат нова средина. Претходно не се договорија со раководството на екипата околу условите за евентуално продолжување на договорите.

Според тоа, во моментов се прави стретегија за тоа како ќе изгледа екипата во новиот шампионат. Не е тајна дека ќе им се даде многу поголема шанса на помладите. За Тодоровска, како што е познато, замена е Изудина Брутус од БиХ, а тука е и Валентина Радуловиќ, која по враќањето на Пецевска може да се најде одново на својата поранешна позиција десно крило.

Што се однесува до позицијата на која настапуваше Платон, остана Гонча Нахчиванли. Таа има договор на уште една недела, а прекомандувана од тимот на Еуростандард Ѓ. Петров ќе биде Наташа Младеновска, која на последните средби дебитираше и во сениорскиот состав на Македонија.

"Ова е шанса за помладите ракометарки. Ќе имаат можност да тренираат во првиот тим, а тоа значи и дека многу повеќе ќе можат да ги покажат квалитетите. Оние коишто ќе се претстават во најдобро издание ќе бидат дел од тимот на Кометал Ѓ. Петров", рече претседателот на тимот, Иван Бојков.
 
НОВАТА РАКОМЕТАРКА НА "КОМЕТАЛКИ" ОД РУСИЈА ПРИСТИГНА ВО СКОПЈЕ
Наукович од денеска на тренинг
Во вторникот доцна навечер Марина Наукович, којашто е најзвучното засилување на "кометалки" за новата сезона, пристигна во Скопје и веќе од денеска ќе им се приклучи на тренинзите на своите нови колешки.

Со доаѓањето на Наукович се комплетираше составот на Кометал Ѓ. Петров, така што веќе може да се почне со работа со сите ракометарки на коишто се смета за следната сезона. "Кометалки" уште денеска ќе тренираат во Скопје, а утрово тренингот им е во 9 часот.

Веќе од утре ракометарките се селат во Маврово каде што ќе се продолжи со работа и ќе се заврши главниот дел од почетните подготовки кога ќе треба да се подобри физичката подготвеност кај ракометарките, а по враќањето ќе се продолжи со тренинзите во Дојран.
 
Стигна сертификатот за Наукович

Новата ракометарка во редовите на Кометал Ѓ. Петров, Марина Наукович ќе може без проблеми да биде регистрирана и да настапува уште од стартот на новата сезона за својот нов тим. Сертификатот кој недостасуваше за да биде комплетирана регистрацијата е веќе пристигнат, па таа и официјално е новата "кометалка".

Како што сме информирани сертификатот во ниту еден момент не бил проблем, а доцнел само поради тоа што вработените во Хрватската федерација биле во Естонија и Австрија на кадетското односно јуниорското ЕП.
 
Пред да се заебе форумот имав поставено анкета во којашто само јас гласав за опцијата ”Кометал нема да ја премине групата”... Интересно :raz:
 
Aјде, полувреме, губиме со 2 но бевме појаки, и водевме со 4 :(

Нема врска, очекуваме победа....
а, после.... во Купот, ќе си земеме титулата... :)

Напред Кометал
 
[media]http://www.youtube.com/watch_fullscreen?video_id=PVt3X7Q6EsQ&l=229&t=OEgsToPDskLspw9tt1jldlm_N9I1GX0z&s=9FEECE4575781986:53C662DC848F75CD&fs=1&title=kometal%20sampione[/media]
 
You must log in or register to reply here.

Kajgana Shop

Back
На врв Bottom