Мурињо го скри тимот на Реал
Менаџерот на актуелниот шпански вицешампион Реал Мадрид, Жозе Мурињо по се изгледа повторно воведува строги мерки во составот, откако одлучи да ги скрие играчите во последните два дена.
Португалецот ја откажа традиционалната прес-конференција, како и отворените 15 минути за медиумите, и на овој начин сака да обезбеди максимална смиреност на составот кој во вторникот го совлада Оксер со 1:0.
Дури утревечер тренерот ќе се појави пред новинарите во пресрет на натпреварот со Депортиво Ла Коруња кој се игра во недела на Сантијаго Бернабеу, и тоа без никакво придружување.
Многумина сметаат дека главна причина за овие негови мерки е скандалот кој се случи за време на прес-конференцијата пред дуелот со Оксер, кога „Специјалниот“ влезе во дуел со новинраите околу прашањето за изостанокот на Педро Леон и по неколкуте препирки, стана и го напушти брифингот.
Така, на овој начин португалецот сака да им покаже на новинраите да не ги мешаат прстите во сите работи, и можеби се надева дека така ќе се смири ситуацијата и ќе го намали притисокот од медиумите.
Реал бележи сериозни проблеми со постигнувањето голови во овој момент сезонава и Мурињо се надева дека со враќањето на мирот во соблекувалната неговите играчи ќе успеат да ги надминат овие потешкотии.
![[ Македоникус ]*](/data/avatars/m/26/26045.jpg?1373015970){kind=avatar}
Значи само реализацијата да се подобри и се е ок. Мислам дека внедела ке се случи ова 