Што се Надал прави за милион евра?
Најдобриот тениски рекет во светот Рафаел Надал во Тајланд сади дрвја, се среќава со кралот и премиерот, а по малку игра и тенис.
Шпанскиот тенисер во Бангкок беше дочекан како крал, а така во најмала рака беше и платено неговото доаѓање во Тајланд.
Првиот тенисер во светот од организаторите на турнирот на Тајланд Опен за учеството доби 1.2 милиони евра, и тоа не е тајна.
Како што пренесуваат локалните медиуми проект менаџерот Стјуарт МекДонел изјави дека организацијата чини околу 150 милиони бахти, што во евра би изнесувало 3.614.504, од кои 30 проценти заминаа на сметката на Надал. Инаку, Тајланд Опен е турнир од серијата 250, што значи дека неговиот награден фонд изнесува 500.000 евра.
Е, за тие пари што ги доби Надал логично е дека во престолнината на Тајланд нема да игра само тенис. Шпанецот е вистинска атракција откако стигна на тлото на Азија.
На пример, вчера садеше дрва во рамките на хуманитарната акција „Милиони стебла за кралот“, во често на тајландскиот крал Бумибола Адуладеи.
Актуелниот шампион на Ролан Гарос, Вимблдон и УС Опен денеска ќе се сретне со претседателот на владата на Тајланд Абхист Веџаџив, а потоа ќе го одигра својот прв меч против белгиецот Рубен Бемелманс.
Ete zosto Nadal e na turnirov
