ЛИВЕРПУЛ МНОГУ БЛИСКУ ДО ПОТПИС СО ИРЕЦОТ
Кин ги помина лекарските прегледи на Енфилд
Најдоцна до крајот на денов ирскиот репрезентативец Роби Кин би требало да го комплетира својот трансфер во Ливерпул и да потпише петгодишен договор со најтрофејниот англиски клуб. Сите услови за такво нешто се исполнети откако искусниот фудбалер вчера ги помина лекарските прегледи на Енфилд и уште во петокот доби дозвола од раководството на Тотенхем да ја промени клупската средина. Лондонскиот клуб како отштета ќе добие 18 милиони фунти, а неделната плата на Кин ќе изнесува околу 80 илјади.
Трансферот во Ливерпул би бил петти голем во играчката кариера на Ирецот откако претходно играше во Вулверхемптон, Ковентри, Интер, Лидс и Тотенхем. Освен можноста да игра во еден од најголемите европски клубови, Кин по неколкугодишна пауза ќе се врати и во Лигата на шампионите што беше можеби клучниот фактор да ја прифати понудата од Ливерпул. Со ангажирањето на Роби Кин, Рафа Бенитез, најверојатно, ја реши дилемата во средниот ред и нема повеќе да се обидува да го купи Герет Бери од Астон Вила за кого клубот од Бирмингем бараше 20 милиони фунти. За шест сезони во Тотенхем, Кин одигра 197 натпревари постигна 80 голови, но и беше еден од подобрите фудбалери во последната сезона во која лондонскиот клуб по деветгодишна пауза стигна до еден трофеј.
Со овој трансфер Рафаел Бенитез потроши 32 милиони фунти предвидени за летни засилувања. Пред Ирецот на Енфилд дојдоа голманот Кавалиери, десниот бек од Борусија Дортмунд, Филип Деген, левиот бек на Удинезе, Андреа Досена и двајцата млади фудбалери Давид Нгог и Емануел Менди. Од Ливерпул си заминаа Скот Карсон, Јон Арне Рисе, Дени Гатри и Питер Крауч.
www.sport.com.mk
Погледнете сега едни страни викат друго а едни викат дека потпишал а некој тука викат дека блиску е , како и да е мислам дека е во Ливерпул Ајде со среќа ..
