Ивановиќ на позајмица во Торино?
Според пишувањето во "Кориере дело спорт", Јувентус е во обид да го доведе на позајмица српскиот репрезентативец Бранислав Ивановиќ, кој во моментов е член на Челзи.
Ивановиќ во јануари потпиша за Челзи за 13 милиони евра, селејќи се од тимот на Локомотив Москва, но поради големата конкуренција во тимот, не успеа да избори место покрај Тери, Карваљо и Алекс и досега нема ниту еден настап во првиот тим на Челзи, туку само за резервниот тим.
24-годишниот Ивановиќ, кој се прослави со настапите во младинската селекција на нашиот северен сосед, лани беше предмет на интерес и на Интер, Милан и Манчестер Јунајтед, како и на Јувентус, кој сега ја обнови желбата да го доведе во своите редови, па макар како позајмен фудбалер од лондонскиот клуб.
Јувентус во претсезоната веќе доведе двајца централни одбранбени фудбалери, кои играат на слична позиција како Ивановиќ, односно Олоф Мелберг од Астон Вила и Дарио Кнежевиќ од Ливорно.
